الموضوع: دمى محروق دمى و هموت من الغيظ حسبى الله و نعم الوكيل

ليه الناس بقت تحب المال الحرام اوى كده ده لدرجه انى بقيت متاكد ان فى بعض الناس لو قدامهم الحلال و الحرام هيختارو الحرام و العياذ بالله
اقسم بالله كل حاجه بحكيها حقيقه و مفيش اى مغالطه و ربنا يسالنى يوم القيامه ان كنت بكدب
اخر الصيف اللى فات اكتشتفت انى كل ما اشحن فريون يطير قولت اكيد فى تسريب روحت لواحد اسمه طلعت فى شارع 77 فى المعادى
المهم قالى دى السربنتينه و شافت سيل الكباس و موتور مروحه التكييف اللى فى الردياتير و هشحن فريون كامل و مصنعيه ووووووو الليله دى تكلف
كام يا عم الف جنيه ,, مش كتير ؟ لا انت هتاخد شغل كويس قولت ماشى مع ان السربنتيه زى الفل مفيهاش اخرام و الاصليه و لما سالته قالى اصلها قديمه قولت ف سرى طب ما
الموتور قديم ارميه هوا كمان و الفتيس وووو طب ما اغير العربيه بالمره اصلها قديمه موديل 99 قولت المهم الشغل يخلص
قعدنى من الساعه 11.30 صباحا لحد 10.30 مساءا و انا راجع مش شايف قدامى
و كان يشتغل عندى 5 دقايق و يشوف زبون و هكذا المهم خلص و بعدها بيومين افتح التكييف مفيش تكييف !! روحتله قالى لا هو كده و ده تمام و مش عارف ايه
و مشيت و بدا الشتا و هى اصلا عربيه والدتى و مش بركبها كتير و التكييف بارد من كام يوم بفتحه لقيته جثه هامده مفيش هوا ساقع خاللللص روحتله النهارده
كشف من الكبوت قالى تمام وجاب الكويل قالى ده الكويل بايظ هو كمان و عاوز يتغير بكام ده ب 1000 جنيه نعمممممممم امال انا جيتلك فى الاول ليه ؟؟ و غيرت السربنتينه ليه ما كان الكويل اولى بالفلوس
قولتلو ده انا لو ركبت تكييف من ال ا لل ى كان ب 2500 و انا اصلحه ب 2000 قالى اه ده فى ناس بتصلح ب 5000 جنيه قولت فى سرى
ماهما دول اللى انت شغال عليهم قولتلو قفل و متجبش لا كويل و لاحاجه و حسبنا الله و نعم الوكيل هو سمع كده ولقيت وحش كاسر قدامى
و قالى ايه و انا راجل متعلم و خريج جامعه القاهره .. بيقولى انت حمار مش بتفهم ف حاجه و انت قليل الادب و مش محترم بتحسبن عليا قدام ورشتى و اتهجم عليا كان عايز يمد ايده
الناس اتلمت و حاشت ولولا انى مسكت اعصابى قسما بالله كان زمانه دلوقتى فى مشرحه زينهم و عياله واقفين بيعيطوا فى العزا الا انى قولت ربنا المنتقم
لو كل واحد خد حقه بدراعه مش هتبقى دنيا و بالرغم من انه ملتحى و القران شغال ليل و نهار فى الورشه و القران فى ايد و السبحه فى الايد التانيه
الا انى و اقسم بالله رب العرش العظيم و ربنا على اللى بقوله شهيد سمعت كميه سب دين انا مسعتهاش فى اسوء المناطق باللفظ كده ( قفل ....... ام الشغل ده )
اكتر من 10 مرات للصبى ( ماكنتش .......... ام الف جنيه دى)
طبعا مش عارف اخطات انا فى ايه
بس اتضحلى ان الرقاصات و بنات الليل احسن حالا من ناس كتير على الاقل مبينصبوش على الناس و يستحلو فلوسهم بالباطل
و مش عايز حد يزعل منى فى اللى بقوله حط نفسك مكانى و شوف هتعمل ايه واقف لوحدك و معاك والدتك شايفاك بتتهان من واحد بعد ما اخد فلوسك بالباطل
و بيقل ادبه عليك ومعاه البلطجيه بتوعه اقصد الصنايعيه بتوعه
نصيحه لكل اخ و اخت من المعادى بلاش ورشه طلعت اللى ف شارع 77
و حسبى الله و نعم الوكيل بحق كل جنيه تعبت انا و امى فى انى اجيبه و ربنا عارف الفلوس بتيجى بتعب قد ايه
و حسبنا الله فيه و فى ماله و فى عياله