الموضوع: غلطان وبعترف بس الناس جرالها ايه !!

المشاركة الأصلية كتبت بواسطة dr.hazem

اعطي الطريق حقه...
أولوية المرور في الطريق للمشاه...
حريتك تتوقف عندما تبدأ حرية الآخرين فلو انت مدمن سرعه ده ميديلكش الحق انك تمشي بسرعات كده وسط المدينة...
اوعى تستهين بالعناصر الموجودة معاك عالطريق وتسرع وتتعذر بانك مدمن سرعه لان السرعه ضررها متعدي وبتضر ناس أبرياء على الخط....
الله يرضى عليك خد بالك وبلاش الكلام ده...
تحياتي

sent from my se arc s using forum runner

الاستاذ الدكتور حازم
تحياااااتي لك
ومنور الموضوع
وشاكر ليك جدا ع النصيحه وعلى اسلوبك في الكلام
وحااااااااااااااااااااااا ااااااااااااضر هاخد بالي
وبجد متشكر على اخر سطرين دول
تقبل تحياتي

المشاركة الأصلية كتبت بواسطة Sehsss

أنا هاسألك سؤال، لو انت ماشي بهدوء كنت هاتتفاداها أسهل صح.. على فكرة أنا مدمن سرعة برضه بس في طرق معينة فقط

استاذ Sehsss
منور الموضوع ^^
كلامك صحيح وافحمتني :D :D :D
تقبل مروري وتحياتي

المشاركة الأصلية كتبت بواسطة SAMEH_FOUAD

اولا شوف ياباشا شارع الهرم اللى انصحك , انك ماتجريش فية نهااااااااااائى , ودة لعدة اسباب

1- الناس بتعدى بغشومية شديدة جدااااااااااااااااا , تحس انهم راميين نفسهم ومش عايزينها , وكل شوية لازم تلاقى واحد طلعلك من تحت الارض ماتعرفش طلع منين

2- الميكروباصات كتير جدااااااااااا وتحس انهم استولوا على الشارع , وممكن يقفوا فى اى حتى وفى اى وقت بدون سابق انذار , ولو خبطهم هتلاقى نفسك اللى غلطان حتى لو هو اللى غلطان والف مين هيوجب معاهم

3- شارع الهرم كلة شوارع جانبية احتمال كبير جدااااااا , تلاقى واحد داخل شارع يمين او شمال فجأءة من غير اى اشارات وانت لو لحقت تقف ممكن اللى وراك مايلحقش يقف

4- ماتجريش ولا على شمال ولا على يمين لان الشمال هتلاقى u-turn كتير وعربيات بتلف مرة واحدة وفى نص الشارع , ولو جريت يمين هتلاقى اى حد راح واقف ومش هتلحق نفسك

فانصحك فى الشارع دة ماتفكرش تجرى نهائى , وخد كلامى دة وخليك فاكرة كويس

وان شاء الله ربنا يكفينا ويكفيك شر الحوادث وشر الطريق

استاذ SAMEH_FOUAD
منور الموضوع يا باااااشا
وشاكر ليك جدا اهتمامك بالموضوع
وباذن الله سيتم العمل بكلام حضرتك بس دعوتين حلوين كده وانتي بتصلي لعل وعسى ان يهديني ربي
تقبل تحياتي

المشاركة الأصلية كتبت بواسطة yElawan13

اتق الله فى نفسك
اتق الله فى عربيتك
اتق الله فى المشاه

الاستاذ Elawan13 ذات نفسه بيرد عليه
3 جمل زي المطرقه على راسي
حاااااااضر
حاااااااضر
حااااااااضر
تقبل مروري وشرفتني ف المووضوع

نعيب زماننا والعيب فينا !!!!
طيب انا بقول كفايه اللي الاعضاء قالوهولك بقى
يعني انت عايزنا نقوللك تخلص من الناس ازاي ؟!!!
وقافل عداد السرعه ؟؟؟ ليه ؟ شغال على الترامكو ؟؟؟؟؟

يارب صبرك ورضاك

المشاركة الأصلية كتبت بواسطة Moe Ahmad

اولا يا باشا انت غلطان و انت معترف بكده فالاولى انك تصلح غلطتك لانك مش هتعرف تخلى الناس كلها متغلطش و اعمل حساب اللى بيعدى الشارع و جنبة نفق او كوبرى بس مش بيقدر يطلع سلالم و ان الناس الكبيرة بيعتمدو على ان اللى سايق هيقف علشان يعدو و ملهمش دعوة باى حاجة و ده زوق منك مش اكتر انك تعديهم و انا حصل معايا مرتين اكون نازل من كوبرى والعربية واخده سرعتها و الاقى راجل كبير مش قادر يمشى و بيعدى يعنى حركتة بطيئة جدا و مش بيقف علشان تعدى لا بيفضل ماشى ومش بيخليك عارف تاخد انه حارة وفى الاخر كلنا ماشين بستر ربنا

استاذ Moe Ahmad
منور الموضوع
وشاكر جدا على النصيحه
تقبل تحياتي

المشاركة الأصلية كتبت بواسطة ahmedhilmy

النا س اللي بيعدوا الشارع هما اللي بيبلطجوا علي اللي سايقين العربيات يا راجل اتقي الله في صحتك و مالك و راعي اللي ماشي علي رجله ده في قاعده مروريه عالميه بتقولك المشاه اولا

الاستاذ الفاضل ahmedhilmy اللي بعزو من غير ما اعرفو ولا يعرفني
منور الموضوع بمشاركتك
ومعرفوه القاعده المروريه دي بس مظنش ان في اي قاعده مروريه بتطبق في مصر
تقبل تحياتي

المشاركة الأصلية كتبت بواسطة Nistelrooy

بحترم الناس الي بتعدي وتسرع وهي بتعدي الشارع او تمد

وبكره اوي الي بيشمي بتناكة في وسط الشارع وزي ما يكون قاصد ده لو ماشي عادي مش هيمشي بالبطء ده !
خصوصا لو واحدة بنت وغالبا بتكون فاكرة نفسة حلوة وهي مش كدا خالص :)

استاذ Nistelrooy
منور الموضوع وجبت المفيد يا معلم

المشاركة الأصلية كتبت بواسطة Nistelrooy

كويس إنك معترف إنك مدمن (سرعة)
يعنى أنت اللي غلط .
والسرعة لها أماكنها ووقتها
والحمد لله ربنا ستر عليك وعلى الناس اللي عدو وعلى الست الكبيرة
وأكيد الموقف دا هيحد من إدمانك كتير
ربنا يشفينا ويهدينا جميعاً

استاذ Nistelrooy
منور الموضوع وشاكر ليك تفاعلك مع الموضع
واميييييييييييييييييييييي ن
تقبل تحياتي

المشاركة الأصلية كتبت بواسطة kar!m

الموضوع بايظ من أوله لاخره .. مفيش سرعات مكتوبه في الشوارع .. و معظم اللي سايق مش عارف السرعه جوه المدن كام.

ده غير الفساد في عملية استخراج رخص القيادة .. خلت اللي معاه رخصه ميعرفش أساسيات القيادة السليمة.

كمان مفيش قانون رادع .. عشان كده الناس بتخالف و محدش بيتجازى.

غير ان لا زال في ناس فوق القانون و بالتالي مفيش مصداقية ولا التزام.

يعني الدنيا كلها بايظة.

استاذ kar!m
منور الموضوع بعكس النزره السلبيه بس لسا مصر فيها حبه ^^
منور الدنيا والله وتقبل تحياتي

المشاركة الأصلية كتبت بواسطة ahmdmagdy

بص يا باشا انت عملت اللي عليك بس برضه حتي لو اللي بيعدوا غلطانين لازم تاخد بالك لأن دول ناس و لو قدر الله حصل حاجه و خبط واحد منهم هتقع في مشاكل انت في غني عنها

استاذ ahmdmagdy
شاكر ليك جدا تفاعلك مع الموضوع ونورتني
وتقبل تحياتي

المشاركة الأصلية كتبت بواسطة abdulkhaleq

نعيب زماننا والعيب فينا !!!!
طيب انا بقول كفايه اللي الاعضاء قالوهولك بقى
يعني انت عايزنا نقوللك تخلص من الناس ازاي ؟!!!
وقافل عداد السرعه ؟؟؟ ليه ؟ شغال على الترامكو ؟؟؟؟؟

يارب صبرك ورضاك

الاستاذ abdulkhaleq
منور الموضوع
ومتعودناش في المنتدى الا على سعه الصدر
اتمنى وجود بعضها عندكم
وانا معترف بغلطي
وشاكر ليك تفاعلك مع الموضوع
تقبل تحياتي

المشاركة الأصلية كتبت بواسطة MaZaGAngeE

هوه المفروض كنت تسال نفسك : بتجري فين و ليه و لو حصل حاجة هتخسر ايه
مش تسال الناس اللي جرالها ايه
انت اللي جرالك ايه و وراك ايه مهم جدا كده عشان تضيع نفسك و الناس !!!!

استاذ MaZaGAngeE
منور الموضوع
وتقبل تحياتي

المشاركة الأصلية كتبت بواسطة Khaled Online

وأنا يشرفني الكلام معاك بس فيه حاجة: مهما كانت الطرق بايزة وعلامات المرور مش موجودة أساسا وتناحة بعض المشاة وشرطة المرور معدومة الكفاءة...إيه العلاقة بين كل ده وبين رجلك اللي جايبة آخر دواسة البنزين؟ المشكلة عندك وربنا يهديك ويسلم طريقك

استاذي الكبير Khaled
نورتني للمره التانيه
وتقبل تحياتي
وامين ^^