رابطة مالكى فيكترا سي ★ والصيانات

**احمد فهمى** · 27-03-2013 12:16 AM

على فكره 7 الاف كيلو متر ملهاش علاقه بعربيه عامله 20 الف حتى دى تعتبر عربيه زيرو بمعنى الكلمه وتستاهل اى رقم لأن مفيش زيرو بنفس المستوى والسعر والفيكترا سى مش هتتعوض ووقف تصنيعا كموديل لكن الشيفورليه الماليبو 2013 نفس الشاسيه والتجهيزات يعنى العربيه كانت طفره فعلاً والله المستعان

**hilal** · 28-03-2013 08:43 AM

أولا ، اكتب لا قدر الله ، ولا تكتب لقدر الله ، لأن الاخيرة معناها انك تتمنى حدوث الحادثة
ثانيا ، المشاركة غير مناسبة ع الصبح ، خليها بالليل أحسن
ثالثا ، عليك أن تتصل بالورثة مباشرة ، لأن مالك السيارة المشترك في المنتدى خلاص الله يرحمه ومش هيعرف يتصل بسيادتك

**Hussein_Rawi** · 29-03-2013 04:49 PM

السلام عليكم
اخوكم حسين الراوى ولسه شارى اوبل فيكترا 2008 من يومين فقط
ويشرفنى التعرف عليكم والمشاركة معكم
عندى فيها مشكلتين ( الإضاءة ضعيفة جدا الفوانيس مخيمة و مفتاح الريموت بيعلق ممكن تكون مشكلة بطارية ريموت ) لكن لو فى حد عنده حل لموضوع الفوانيس ده ياريت يفيدنى

العربية أشتريتها عاملة 82 الف كم وبسعر 88 الف هى ايزيترونيك وحالتها جيدة جدا

**abanob_ashraf** · 30-03-2013 01:21 AM

المشاركة الأصلية كتبت بواسطة hussein_rawi

السلام عليكم
اخوكم حسين الراوى ولسه شارى اوبل فيكترا 2008 من يومين فقط
ويشرفنى التعرف عليكم والمشاركة معكم
عندى فيها مشكلتين ( الإضاءة ضعيفة جدا الفوانيس مخيمة و مفتاح الريموت بيعلق ممكن تكون مشكلة بطارية ريموت ) لكن لو فى حد عنده حل لموضوع الفوانيس ده ياريت يفيدنى

العربية أشتريتها عاملة 82 الف كم وبسعر 88 الف هى ايزيترونيك وحالتها جيدة جدا

اولا الف مبروك ع العربية وربنا يهنيك بيها ويكفيك شرها ثانيا الفوانيس ممكن تكون عمرها الافتراضي خلاص ف ابتدت تضعف بقا او ان الفوانيس اللي راكبة ماتكونشي اصلية و في الحالتين روح اكشف ف التوكيل وهما هيقولولك العيب بالظبط علشان ممكن يكون حاجة ف الكهربا .. ثالثا بقا ازاي حضرتك اشتريتها من يومين وماشية 82000 ك وايزي ترونيك مش مانيوال وب 88 الف جنيه ؟!!!!!!! حضرتك كشفت عليها ف التوكيل ؟

**abanob_ashraf** · 30-03-2013 01:23 AM

المشاركة الأصلية كتبت بواسطة احمد فهمى

على فكره 7 الاف كيلو متر ملهاش علاقه بعربيه عامله 20 الف حتى دى تعتبر عربيه زيرو بمعنى الكلمه وتستاهل اى رقم لأن مفيش زيرو بنفس المستوى والسعر والفيكترا سى مش هتتعوض ووقف تصنيعا كموديل لكن الشيفورليه الماليبو 2013 نفس الشاسيه والتجهيزات يعنى العربيه كانت طفره فعلاً والله المستعان

I completely agree with you :)

**احمد فهمى** · 30-03-2013 02:26 AM

المشاركة الأصلية كتبت بواسطة hussein_rawi

السلام عليكم
اخوكم حسين الراوى ولسه شارى اوبل فيكترا 2008 من يومين فقط
ويشرفنى التعرف عليكم والمشاركة معكم
عندى فيها مشكلتين ( الإضاءة ضعيفة جدا الفوانيس مخيمة و مفتاح الريموت بيعلق ممكن تكون مشكلة بطارية ريموت ) لكن لو فى حد عنده حل لموضوع الفوانيس ده ياريت يفيدنى

العربية أشتريتها عاملة 82 الف كم وبسعر 88 الف هى ايزيترونيك وحالتها جيدة جدا

الاخ الفاضل اهلاً بك اولاً والشرف لنا
بالنسبه للعربيه اولاً هل معاك دفتر صيانه ؟؟ لو مش موجود اعمل كل الصيانات عشان متقطعش سير كاتينه لا قدر الله والفوانيس لو تقدر تصورها يبقا اوضح او مضح هل انت شايف فيها تراب من جوه والا الزجاج نفسو لونو مغير او متسنفر؟؟؟ هجوبك بناء على ردك ومبروك .... والريموت اتأكد انو مقفول صح ومش مفارق والبطاريه اهتمال وارد

**Hussein_Rawi** · 01-04-2013 04:22 PM

المشاركة الأصلية كتبت بواسطة احمد فهمى

الاخ الفاضل اهلاً بك اولاً والشرف لنا
بالنسبه للعربيه اولاً هل معاك دفتر صيانه ؟؟ لو مش موجود اعمل كل الصيانات عشان متقطعش سير كاتينه لا قدر الله والفوانيس لو تقدر تصورها يبقا اوضح او مضح هل انت شايف فيها تراب من جوه والا الزجاج نفسو لونو مغير او متسنفر؟؟؟ هجوبك بناء على ردك ومبروك .... والريموت اتأكد انو مقفول صح ومش مفارق والبطاريه اهتمال وارد

أستاذ أحمد اولا شكرا على أهتمامك ، والعربية ماكانشى بيعمل صيانة فى التوكيل والبائع عطانى دفتر هو كاتبه بقيده فى آخر صيانات عماها عمل السيور كلها وطقم بلى الكاتينة على 75000 كم وطقم الفلاتر على 75000 وحساس الكرنك وطرمبة المياه على 82000 كم وهذا الكلام بخط يده وعلى حد قوله ، أما بالنسبة للفوانيس فهى فعلا لونها أصفر ومخيمة الزجاج الخارجى فيها ، وفى واحد صاحبى أقترح على أن نفك الفوانيس وفى مكان فى إمبابة تقريبا بيعمل جلى للزجاج الخارجى وعلى حد قوله هو عملها فى سيارته الجيتا ورجعت زيرو وانا لسه ما أخدتش قرار فى الموضوع ده .

واخيرا ولكم كل الشكر سأتوجه اليوم لمحمد عبدالراضى بناء على ما قرأته هنا للكشف عليها لأنه حصلت معايا من ساعتين مشكلة وأمبير الحرارة رفع وظهرت لمبة حمرا فيها مؤشر المياه وذلك مؤشر الحرارة وصل للون الأحمر فاساذهب اليه اخر النهار

**abanob_ashraf** · 01-04-2013 11:35 PM

المشاركة الأصلية كتبت بواسطة hussein_rawi

الله يبارك فيك يااستاذ ابانوب والعربية رفعتها وكشفت عليها فى بنزيمة موبيل لأنها عن طريق صديق صاحب معرض وصاحبها ماكانشى بيعمل صيانة فى التوكيل كان عند واحد فى الهرم ـ شارع المطبعة أسمه أحمد بيشتغل فى الأوبل فقط ويقال والله أعلم أنه أشتغل فى التوكيل قبل ما يفتح الورشة دى 12 سنة وأنا رحت اتعرفت عليه وفعلا كل العربيات شفتها أوبل فقط وسألته عن العربية وشكر فيها ... واستفسار حضرتك بخصوص العربية تقصد مثلا السعر ... ولا قصدك إيه ؟

تمام يا فندم اة انا اقصد انه سعر قليل بصراحة والمفروض يعني حضرتك كنت روحت كشفت ف التوكيل قبل ماتشتريها منه وتكتبوا العقد اعتقد انت مش بتدفع مبلغ قليل يعني ف لازم تطمن بنفسك ومتثقش في اى حد في الحوارات دى اى ان كان مين هوا يعنى .. قصدى يعني علشان تطمن عليها وكدا .. عموما يعني انا من رايي روح التوكيل الايام دى ف الاول كدا علشان تكشف عليها بقا كدا وتظبط وتقولوهم هناك اذا كنت بتشتكى دلوقتى من حاجة معينة او كدا ,,, وبعد ما تطمن وتظبط اول مرة ممكن تبقا تروح لصابر بعد كدا اللى في رابعة ورا توكيل منصور وتظبط عنده.... بس صيانات كل 5000 خليك في التوكيل احسن بجد ... علشان ماتتعبش حضرتك بقا بعد كدا وتعرف تبيعها مرتاح إن شاء الله في المستقبل :)