الف مبروك السيارهالسلام عليكم
انا اخوكم امبابي من اسيوط
انضميت للرابطه من اول ما اشتريت اوبل فيكترا سي 2008 فى شهر يناير 2014
وهاحكيلكم على مشوارى المتعب معاها
يمكن كان متعب عشان معنديش خبره كويسه
أولا العربيه كشفت عليها فى بنزينه وطنيه فى العاشر جنب سوق السيارات المستعمله فى مدينه نصر
العربيه رشه حزام - فبريكه من الداخل - 108,000 كم - تسريب فى الرادياتير
المهم اشتريتها
اشتريت رادياتير من النجار فى شارع دمشق ب 1500 جنيه
وركبته عند واحد اسمه محمد فى نفس المنطقه ب 170 جنيه
وانا راجع اسيوط على الصحراوي كانت الحرارة بتنزل ل 80 اثناء السير لمسافات طويله على سرعة عاليه وكان ده بالليل وبعدها ظهر عطل السرفيس شكل عربيه عليها مفتاح انجليزي
لما كشفت عليها فى منصور اسيوط قالى دي كوعه ترموستات ب 1000 جنيه وتم تغييرها
عملت الصيانه عند 110,000 كم ب 4500 جنيه وتم تغيير سير الكاتينه والشداد - سير الدينامو - طرمبه الميه - فلتر بنزين - فلتر هواء - زيت باور - مياه رادياتير برتقالي
ظهر عطل على الايزي ترونيك حرف ال f العربيه بتمور وهيه ماشيه ولو طفيت العربيه ودورتها تاني مش بتدور وتدي نفس العطل - حرف ال f مكان حرف ال a او n او r
بعد ربع ساعه ادور العربيه تدور عادي
المهم بعد الكشف فى منصور اسيوط قال ان المشكله فى منظم النقلات ولازم يتغير
بكام يا بشمهندس ب 8000 جنيه بالمصنعيه وتم تغييره
بعد شهرين تقريبا العربيه فيها رعشه ع السلانسيه ومش بتسحب كويس وبعدها ظهر عطل شكل موتور
بعد الكشف فى التوكيل قال موبينه وبوجيهات ب 2500 جنيه
كبرت دماغي من منصور وغيرت بوجيهات من بره ب 200 جنيه ولسه المشكله
قولت يبقى لازم اغير الموبينه واشتريتها من اسيوط ب 1150 جنيه من مخسن ضاني - المشكله اتحلت بعد تغيير الموبينه بس لسه العطل ظاهر - بعد ربع ساعه مشي بالعربيه اختفي العطل
وده بدايه مشواري مع الاوبل وبعد هذه المعاناه اشتركت معكم فى الرابطه لاستفيد من خبراتكم واحاول اذكر بعض المواقف اللى حصلت معايا مع فيكترا سي
شكرا ليكم على كل المعلومات اللى قريتها فى هذا المنتدي الرائع
حضرتك تقريبا عانيت وظهرتلك كل مشاكل العربيه المشهوره في 4 شهور
ان شاء الله تستمتع بيها الفتره القادمه من غير منغصات
المفضلات