الموضوع: مناقشة لاختيار افضل نوع كاوتش للسيراتو جنط 17

عن تجربه كاوتش Lassa تركى معايا من 6 شهور والحمد لله ولا بلونه وياما لبست نقر على الدائرى بخلاف ال كومهو النفره ببلونه ياباشا

طيب وسعر الكاوتش التركي دا كام ويا ريت تقولنا كده هو طري ولا ناشف يعني ظروفه ايه مع العفشة وكمان لو تقلنا ايه نظام صوته علي ولا لا ...

المشاركة الأصلية كتبت بواسطة moha4tec

يبقى حاول تحفظهم فى مكان كويس بعيد عن الرطوبه .و ارفعهم على خشب و بلاش تحطهم على الارض

شكرا ياباشا على النصيحه بس شكلى هأجل الموضوع شويه لأننى اكتشفت ان رخصة العربية قربت تنتهى وانا معايا توكيلات سجلت انهارده فى الشهر العقارى و دفعت 1460 جنيه و لسه اجراءات المرور و ربنا يستر من المخالفات

طيب الاستاذ الي في الاستطلاع بتاعه كاتب انه عنده مقاس 225/17/45 ايه اخبار الكاوتش معاك ؟؟
نوعه العفشة المطبات الثبات كل المواضيع دي

انا عندي مقاس 225/45/17 , غيرته أما العربية كانت عامله 17000 بسبب ان الكاوتش السيئ اللي بينزل مع العربية كان كل فردة فيها بلونة

جبت ساعتها kumho ecsta spt , طقم 4 فرد و كانت وقتها الفردة بـ 475 جنيه

الحمد لله , كان أحسن بكتير من الأول , العفشة بقت أنعم شوية , و كمان الحمد لله مطلعش فيه بلالين غير في فردة واحدة بس و ده أصلا بعد اما الفردة كانت عاملة 43000 كم

ساعتها اشتريت فرديتين جداد بس بريدجستون نفس المقاس 225/45/17 , الحمد لله برده كويسين جدا , و ركبتهم ورا , العفشة بقت انعم شوية من اما كان الكاوتش الكومهو راكب

و كمان لسه فيه فردتين من الكومهو راكبين لحد دلوقتي عاملين 65000 كم , و ناوي أغيرهم بس رحت بريدجستون امبارح فرع العبور قاللي مش موجود المقاس دلوقتي , مستني اما يكون موجود ابقى اشتري فردتين جداد إن شاء الله

طيب انت سالت في التوكيل على المقاس دا وقالك عادي ممكن يركب مفيش مشكلة .. كمان انت محستش باي مشاكل في العفشة مثلا ؟