الموضوع: بالصور . تقرير عن افضل عده ممكن تجمعها هنا في مصر

[QUOTE=dr_7ooda;3875240023]يا فندم متشكر جدا ليك وانا والله ما اتعلمت الا من المنتدي المحترم ده والفضل ليه بعد الله
وكل اللي انا بتمناه اني افيد الاعضاء زي ما انا كنت باستفاد قبل كده .
وعشان كده انا بطلب دايما من كل من له تجربه انه يعمل تقرير عنها عشان الكل يستفيد

اولا الكاسيت : وكاسيت يعني بايونير بس
عندك بقي الكاسيت الدبل البايونير العادي والبلوتوث و بيعملوا حوالي 1150 لحد 1350 جنيه

[url=http://www.pioneerelectronics.com/PUSA/Car/CD-Receivers/FH-X500UI]FH-X500UI - <b>NEW!</b> - 2-DIN CD Receiver with MIXTRAX, USB Control for iPod

للاسف الاقتباس ما جاش كله يا ريت تكتب ردك من غير اقتباس عشان ييجي

خطأ مطبعي بقي :)

اول حاجه الكاسيت حضرتك ذكرت نوعين للدابل ونوعين dvd فهل ديه احسن الانواع ، مافيش حاجه احسن من كده ؟ ، وهل فيه فرق في الصوت بين الدابل العادي وال dvd ، وهما هيركبوا مكان الكاسيت الستوك بتاع العربيه بالظبط ولا حنحتاج نعمل حاجه ؟

تاني حاجه تشبيه البازوكا والصب ده تشبيه معلم فعلا :) ، علشان كده انا بحب اسألك ، فهمت من ردك انك بتفضل الصب علي البازوكا ، طب معني كده مثلا لو حد هيركب 2 صب يبقي احسن من بازوكا + صب ؟ واحسن حاجه ايه في الصب و البازوكا ؟

تالت حاجه السماعات اللي انا ركبتها ديه عاديه بتركب في الابواب بس وخلاص ، انا عاوز اشيلها واجيب حاجه عاليه ، ايه احسن حاجه ممكن اجيب والتويترات اللي بتتحط علي التابلوه ديه بتتثبت ازاي ، هل بنبوظ حاجه وياريت لو توريني صوره ، والتويتر مسئول عن ايه في الصوت ؟

رابع حاجه قريت ان الامبليفير ايا كان نوعه بيسخن جامد وده بيأثر عليه ، فهل المعلومه ديه صحيحه ؟ وحلها ايه لو كانت صح ؟

اخر حاجه ، لو انا عاوز ازود سماعتين بيضاوي كمان ، ايه احسن نوع ممكن اجيبه مع اعتبار اني ان شاء الله ناوي اجيب صب او بازوكا و اكيد هحتاج امبليفير

انا ان شاء الله بعد لما اخلص العده بتاعتي هعمل موضوع محترم شامل لكل المعلومات اللي استفدتها من حضرتك

استفسار اخير معلش يا دكتورنا متقل عليك
ايه الفرق بين السماعات ال 3way وال 4way ؟
وايه الفرق في ال impedence بتاعت السماعات 3 اوم او 4 اوم ؟
الكلام ده بيفرق ف ايه فعليا

سؤال اذا سمحت
هل ممكن تركيب الكاسيت ده avh-x3500bhs
لهيونداى ماتريكس مكان الكاسيت الدابل اللى موجود ولا لازم يتم عمل تعديلات فى مكان الكاسيت
وهل ده هو انسب كاسيت ؟ علما بأنى عاوزه عشان التاتش والبلوتوث هاند فرى
والسعر كام اذا تكرمت ؟
شكرا مقدما

معلش يا دكتور كنت قلتلي انك كنت مركب عده في عربيه اوبترا بتاعت واحد صاحبك ، دلوقتى فيه مشكله لفيت كتير علي اكتر من محل ، كله بيقولي انه ماينفعش يركب اكتر من سماعتين علي الرف بسبب الحديده اللي بتفتح الشنطه اللي هي تحت الرف بالظبط ، فهل عند حضرتك فكره للحديده ديه ، مع العلم اني رحت لادريان وده من اكبر المحلات هنا في القاهره وقالي نفس الكلام برضوا ؟!! ، معقول الاوبترا مش بيركب فيها اكتر من سماعتين علي الرف ، بسبب الحديده ديه !!

المشاركة الأصلية كتبت بواسطة MoDy_OnLiNe

خطأ مطبعي بقي :)

اول حاجه الكاسيت حضرتك ذكرت نوعين للدابل ونوعين dvd فهل ديه احسن الانواع ، مافيش حاجه احسن من كده ؟ ، وهل فيه فرق في الصوت بين الدابل العادي وال dvd ، وهما هيركبوا مكان الكاسيت الستوك بتاع العربيه بالظبط ولا حنحتاج نعمل حاجه ؟

تاني حاجه تشبيه البازوكا والصب ده تشبيه معلم فعلا :) ، علشان كده انا بحب اسألك ، فهمت من ردك انك بتفضل الصب علي البازوكا ، طب معني كده مثلا لو حد هيركب 2 صب يبقي احسن من بازوكا + صب ؟ واحسن حاجه ايه في الصب و البازوكا ؟

تالت حاجه السماعات اللي انا ركبتها ديه عاديه بتركب في الابواب بس وخلاص ، انا عاوز اشيلها واجيب حاجه عاليه ، ايه احسن حاجه ممكن اجيب والتويترات اللي بتتحط علي التابلوه ديه بتتثبت ازاي ، هل بنبوظ حاجه وياريت لو توريني صوره ، والتويتر مسئول عن ايه في الصوت ؟

رابع حاجه قريت ان الامبليفير ايا كان نوعه بيسخن جامد وده بيأثر عليه ، فهل المعلومه ديه صحيحه ؟ وحلها ايه لو كانت صح ؟

اخر حاجه ، لو انا عاوز ازود سماعتين بيضاوي كمان ، ايه احسن نوع ممكن اجيبه مع اعتبار اني ان شاء الله ناوي اجيب صب او بازوكا و اكيد هحتاج امبليفير

انا ان شاء الله بعد لما اخلص العده بتاعتي هعمل موضوع محترم شامل لكل المعلومات اللي استفدتها من حضرتك

الصراحه استفساراتك عجباني ومستمتع انا بالرد عليها والله انا بحب اللي واخد الموضوع غيه مش مجرد عدة صوت وخلاص

بص ياباشا الكاسيت العادي فيه نوعين 1- بلوتوث : وده عشان تستقبل عليه المكالمات للموبايل وتشغل الاغاني علي الكاسيت من الموبايل والتاني عادي والاتنين نفس الصوت

اما الدي في دي ففيه نوع بنظام ملاحه وخرايط وكده وفيه نوع مشغل بس للفيديوهات
والبورده بتاعتهم مخدومه شويه عن الدبل العادي فهتلاقي صوتهم احسن شويه

ودول كلهم بيركبوا عادي خالص وبيركب عليهم الفرييم اللي جاي معاهم فبيظبط شكلهم ولو فيه اي فروقات بيسدها

-بالنسبه للصب والبازوكه فاحسن حاجه انك يبقي عندك الاتنين : الصب الاول وبعد كده تجيب معاه بازوكه . الاتنين مع بعض بيدوك البيز الناعم مع الخشن = بييز كامل متجانس قوي غبي فيه كل حاجه يعني

احسن سماعه قدام هيا الكمبوننت اللي ليها كذا صوره في اول الموضوع عباره عن سماعه وتويتر

والتويتر ده بيدي تريبلات ( تستسه زي ما بيقولوا عليها يعني ) وده بيديك احساس بنقاء الصوت
وبيتلزق علي التابلوه او علي القايم بدبل فيس عادي

بالنسبه لسخونية الامبليفير فدي بتحصل مع التشغيل اكتر من ساعتين وخصوصا مع الامبليفيرات التعبانه ام بورده خفيفه اللي بتنزل في مصر وممكن تأثر عليه بعد 3 او 4 سنين تأثير خفيف أوي يعني زي أي جهاز ببورده يعني عادي
وفي ناس بتركب مراوح وكلام من ده بس انا مبقتنعش بيها

مع البايونير 500 تجيب كينوود ويا سلام لو تجيب ال 600 دبل بيز مقاس 7 × 10 دي مع الجي ام هتبقي حكايه

موضوع المقاومه ببساطه هوا انك تقدر تدي لسماعه كهربا اعلي كل ما عليت مقاوتها وبالتالي قوة تفاصيل صوتيه اعلي

يعني السماعه اللي واخده 100 وات ومقاومتها 2 أوم مساويه لسماعه واخده 50 وات مقاومتها 4 اوم
يعني كلما ضاعفت المقاومه كلما يقسم الوات للنصف

متشكر مره تانيه لتقديرك للموضوع واحييك علي شغفك ب sound systems

ويارب تكون وصلت للي انتا عايزه وتحت امرك في اي استفسار دايما

المشاركة الأصلية كتبت بواسطة hanyfarrag

سؤال اذا سمحت
هل ممكن تركيب الكاسيت ده avh-x3500bhs
لهيونداى ماتريكس مكان الكاسيت الدابل اللى موجود ولا لازم يتم عمل تعديلات فى مكان الكاسيت
وهل ده هو انسب كاسيت ؟ علما بأنى عاوزه عشان التاتش والبلوتوث هاند فرى
والسعر كام اذا تكرمت ؟
شكرا مقدما

اه ان شاء الله يركب والكاسيت بييجي معاه فرييم بيركب حوالينه عشان لو في فراغات ولا حاجه يسدها
ونصيحتي ان الكاسيت الجديد بييجي معاه قميص صاج كده بيركب فيه في التابلوه . بس يفضل انك متركبهوش بيه . الاكاسيت الاصلي بيبقي راكب في جنابه جناحين صاج كده بيتعلق منهم في التابلوه : اخلعهم منه وركبهم في الجديد هيبقوا اقوي وامتن ويشيلوا الكاسيت افضل من القميص اللي بييجي معاه

بالنسبه للكاسيت فهوا حلو طبعا وتحفه ويعمل في حدود 2300 وفيه اعلي منه ب gps لو انتا غاوي نظم الملاحه
وتحت امرك في أي استفسار