الموضوع: بالصور . تقرير عن افضل عده ممكن تجمعها هنا في مصر

المشاركة الأصلية كتبت بواسطة hanyfarrag

شكراً على الرد الشافى الوافى يا باشا
واو سمحت الجهاز اللى فيه نظام ملاحة بيزبد تمنه كتير وﻻ حاجة بسيطة .؟

ممكن تسأل اوتو ماركت لان الاسعار كل يوم بتختلف
https://www.facebook.com/automarket....dria?ref=br_tf

المشاركة الأصلية كتبت بواسطة MoDy_OnLiNe

والله يا دكتور انت اسلوبك في الاجابه ولا اروع ، ربنا يزيك يا رب

معلش بس حضرتك ما خدتش بالك فاضل استفسارين :)

اول واحد الفرق بين ال 3 way و ال 4way ؟

تاني واحد وده منكد عليا :(

هههههههههه مع انك كده خدت اسرار الغيه كلها بس مش مشكله انتا تؤمر يا معلم
ومتشكر جدا علي زوءك ربنا يخليك

بص كل مخرج بيطلع صوت في السماعه يبقي way
يعني لو السماعه فيها رق بس تبقي 1 way
لو رق وعليها تويتر يبقي2
لو رق وعليها تويترين يبقي 3 وهكذا

بالنسبه لموضوع شدادات الشنطه ده موجود في كل العربيات , فبتحاول تعلي الرف شويه حوالي 3 سنتي كده بعارضه خشبيه + سمك الرف الخشب اللي هوا 2 سنتي فبتعلي السماعه شويه لكن المغناطيس بتاعها بيبقي لامس الشداد والشداد بيبقي لازق في المغناطيس بقوي الشد المغناطيسي
وكل ما تفتح الشنطه تسمه صوت رزعه كده : صوت الشداد وهوا بيتخلع من لزقته في المغناطيس

بس انا رأيي انتا كده حلو أوي , خليك زي ما انتا وهاتلك جي ام كينوود 720 وات وركب عليه صب 1000 وات بايونير او سوني او jpl وركب عليه برضه السماعتين ال 500 ابيضاوي وكفايه عليها كده قوي . وان شاء الله هتكون راضي

المشاركة الأصلية كتبت بواسطة dr_7ooda

هههههههههه مع انك كده خدت اسرار الغيه كلها بس مش مشكله انتا تؤمر يا معلم
ومتشكر جدا علي زوءك ربنا يخليك

بص كل مخرج بيطلع صوت في السماعه يبقي way
يعني لو السماعه فيها رق بس تبقي 1 way
لو رق وعليها تويتر يبقي2
لو رق وعليها تويترين يبقي 3 وهكذا

بالنسبه لموضوع شدادات الشنطه ده موجود في كل العربيات , فبتحاول تعلي الرف شويه حوالي 3 سنتي كده بعارضه خشبيه + سمك الرف الخشب اللي هوا 2 سنتي فبتعلي السماعه شويه لكن المغناطيس بتاعها بيبقي لامس الشداد والشداد بيبقي لازق في المغناطيس بقوي الشد المغناطيسي
وكل ما تفتح الشنطه تسمه صوت رزعه كده : صوت الشداد وهوا بيتخلع من لزقته في المغناطيس

بس انا رأيي انتا كده حلو أوي , خليك زي ما انتا وهاتلك جي ام كينوود 720 وات وركب عليه صب 1000 وات بايونير او سوني او jpl وركب عليه برضه السماعتين ال 500 ابيضاوي وكفايه عليها كده قوي . وان شاء الله هتكون راضي

تلامذتك يا دكتور :)

1. موضوع شدادات الشنطه ده دايقني فعلا لأني كنت ناوي ازود سمعاتين كمان ، انا مش متخيل العارضه الخشبيه ديه عباره عن ايه ومكانها بيبقي بين الرف الصاج والخشب ولا ايه بالظبط ؟ وكده بيبقي المسافه بين الرف الخشب والصاج حوالي 5 سم ؟ ( 2 سم رف + 3 سم عارضه )

2. انا مبدأيا هجيب ان شاء الله كاسيت ديفيدي بايونير AVH-X3500BHS او AVH-X4500BT
علي حسب اللي هلاقيه موجود لكن هتواجهني فيه مشكله رخمه جدا ، انا اهم حاجه عندي في الكاسيت هي ال AUX لأني بشغل كل الاغاني من الموبايل علشان ديه اسهل طريقه في التغير بين الاغاني والتحكم الكامل ، المشكله بقي ان كلهم ال aux rear وانا مش عايز احط الكابل في درج التابلوه لأني مش معقول كل لما اجي اغير اغنيه افتح الدرج ، او برضوا مش معقول اسيب الدرج مفتوح ، الكابل ده مالوش حل ييجي من مكان تاني ؟ الولاعه مثلا ؟!

3. انا استقريت عل اللي حضرتك قلته " صب + جي ام اوصل عليه الصب والسماعات البيضاوي " لكن الصب ده هجيبله علبه ؟ هي بتتعمل عموله ولا جاهزه ؟ وهو هيتحط في الشنطه ؟ طيب هيبقي مسموع ؟ واي احسن نوع في الصاب ووفرز ؟

تاعبك معايا يا انا دكتور :(

العارضه الخشب دي حتة خشبه عاديه بطول الرف ما بين الصاج والرف اللي انتا هتعمله بأي سمك انتا عايزه عشان تعلي الرف بالسماعات مش اكتر

انتا لو هتجيب كاسيت موديل جديد بلوتوث مش هتحتاج ال aux لان البلوتوث بيعمل كونيكت مع الموبايل وانتا بتشغل عادي خالص الاغاني من علي المويايل وتتحكم من الموبايل والصوت طالع علي سماعات العربيه فكده كانك مركب بنه

بالنسبه للصب انتا هتجيب قوته علي قد الجي ام اللي هييجي ففي الحاله دي لو هتجيب الكينوود ال 720 فده لو جمعت قناتين منه هيديك حوالي 180 وات والصبات ال 1000 محتاجه من 250 الي 300 وات عشان تقوم فكده هيبقي الجي ام يدوب يقومها ومش هتقدر تجيب صب اقوي الا لو جبتله جي ام لوحده
فاحسن حاجه ليك جي ام كينوود 720 وات وصب بايونير 1000 او سوني 1000

بالنسبه للعلبه ممكن تجيبها جاهزه من التوفيقيه ب 100 جنيه بس خشبها سمكه قليل
يا إما تدور علي نجار عنده خشب mdf وتخليه يعملك بوكس محترم بالمقاسات والسمك اللي مكتوب في كتالوج الصب

المشاركة الأصلية كتبت بواسطة aymanouff

السلام عليكم .. بدايه احب اشكر الدكتور حودا على المجهود الرائع والافاده اللي بيفيدها لاي حد عندو سؤال سواء سؤال بسيط او متكرر ما شاء الله عليك بالك طويييل وحابب تخدم جداااا ربنا يكرمك :)
بص باه يا سيدي انا النهارده ركبت عده جديده كاسيت بايونير 8450 و سماعتين كينوود 600W دبل بيز وسماعتين 10 انش في التابلو بايونير 200W 2way وطبعا انا ناوي اركب جي ام بس بعد فتره بسيطة مش دلوقتي وبعد ما ركبت كل حاجه وظبطت الصوت من الكاسيت للاسف كانت النتيجه اقل من مقبوله ... النقاء ضعيف والبيز مش ناعم خالص والصوت مكتوم يعني السماعه الاماميه مش قايمه بعمل التويتر خالص لدرجة ان انا عندي في سيارة تانيه لانسر شارك الكاسيت الاوريجينال وسمعتين الستوك في الباب صوتهم و 2 تويتر صوتهم انقي بكتير من عندي .. انا طبعا مش بتكلم عن ضخامة الصوت علشان انا عارف ان العدة ناقصها جي ام انا بتكلم حتى على النقاء ومستويات الصوت مش عاجبني خالص خصوصا ان انا كنت مركب عده من حوالى اربع سنين بكاسيت سوني اكسبلود (شرائط) مش سي دي و سماعتين jbl و 2 صبووفر و زيرو باور و جي ام سينفوني وكان الصوت احلى من كده ((وانقي)) 100 مره مع الاخذ في الاعتبار الدستورشن بتاع الجي ام السيمفوني
انا شاكك في ان العيب من مساحة الشنطة (سيارة بيكانتو) والرف اللي معمول مش مقفل الشنطة علشان هو ملوش مكان وارتفاعه 40 سم مش عارف هو دا السبب ولا في حاجة تانيه
اسف جدا للاطاله ومهتم جدا اعرف رايك و شكرا على وقتك ومجهودك :)

ربنا يخليك يا فندم . متشكر جدا لتقديرك . وطبعا انا دايما تحت امر اي حد في اي استفسار زي ما انا استفدت قبل كده من اعضاء المنتدي الكرام

بص يا باشا انا يهمني اعرف منك شوية حاجات
_حضرتك اللي ركبت لنفسك ولا فيه فني ركبلك
_هل اللي ركب عرف يظبط سلوك الموجب والسالب صح ولا لأ
_الرف سمكه قد ايه
_السماعه ال 200 دي 1way or 2way
_ال fader بتاع الكاسيت ظبطته علي كام
_السماعه الكينوود : هل مطلعالك علي الاقل بيييز قوي ولا لأ

, اول حل هتعمله انك هتجيب جوز تويتر بايونير ب 120 جنيه وتركبهم علي التابلوه او القوايم فوق منطقة خروج احزمة الامان ( جنب ودانك يعني ) وتوصلهم علي السلوك اللي رايحه لسماعات الطابلوه (تشتغل معاها يعني ) القصه دي هتفتحلك الصوت وهتلاقي فيه كلام تاني خالص بيتقال وطبقات تانيه بتتوزن

تاني حاجه انتا ممكن تعمل في الشنطه بوكس مستطيل تركب عليه الكينوود 600 فوق وتسيب الضلع اللي بره المواجه لفتحة الشنطه مفتوح . ولو ما تهمكش الشنطه ممكن يبقي بوكس مقفول بفتحة تهويه : هتلاقي السماعات قامت وصوتها نغغم وبان وطبعا انتا عارف انها عايزه جي ام عشان هيا كده مدفونه خالص : الكاسيت الخرج بتاعه الحقيقي 23 وات فشوف الفرق ما بينها وما بينه

الاهم بقي ان الكاسيت الجديد تحكماته كتير جدا والدرجه بتفرق كتير لازم تاخد فتره لحد ما تعرف احسن ظبطه ليه تريح ودنك وتبسطك منه وطبعا لازم تخلي ال fader بتاع الكاسيت مدي للسماعات اللي ورا اكتر من اللي قدام عشان تطلعلك صوت حلو يسند اللي ورا ومهما عليت متخروش

فياريت ترد عليا في الاستفسارات اللي في الاول
ويارب اكون افدتك . بالتوفيق

طبعا نسيت اقولكك ان الزيرو باور ده بيوديك لمستوي تاني في الصوت وعلي فكره الكاسيت عندك فيه زيرو باور فهياخد وقت معاك علي ما تفهم ظبطته وممكن تستشير العضو المحترم salah 86 عنده نفس الكاسيت وممكن يفيدك