الموضوع: ثبات الكيا ريو 2013 أفضل من الهوندا سيفيك 2012 (ده حلم ده وللا ايه))

المشاركة الأصلية كتبت بواسطة SAMEH_FOUAD

استاذ mohab اولا نورت القسم ياباشا

معلش ماتزعلش من الاعضاء هما بس بيحبوا يهزروا فياريت تاخدها بمحمل حسن النية

على فكرة انا ركبت الريو الهاتشباك واستغربت جدا لان فعلا منظرها من برة صغير لكن من جوة مسااحتها كويسة جدا , واوسع بفرق ملحوظ عن السيدان

وعموما ياباشا حصل , انت عارف المنتدى نايم اليومين دول والناس مصدقت انها تفوق شوية وتلاقى حاجة تتكلم فيها بعيدا عن السياسة

خصوصا بعد المشاكل اللى حصلت من مقارنات ( هوندا وهيونداى )

وربنا يباركلكوا فى عربياتكوا ويحفظهالكوا من كل سوء

بنورك يا سامح بيك والله انت راجل محترم بطريقه مش طبيعيه
انا والله فى العادى بتاعى بحب اهرج مع الاعضاء و ناخد المواضيع حتى لو فيها اختلاف بشكل ظريف وكل الناس تستفيد من غير ما يكون فى زعل .... بس الراجل صاحب الموضوع صعب عليا للهجوم الى حصل عليه علشان قال رأيه بس ....

وبعدين يا باشا الريو نورت انك ركبتها و ده كفايه يعنى
و اذا كان على ان رجاله هوندا تفوق براحتهم يا باشا فى اى وقت ده المنتدى كله بتاعكوا و رجاله كيا دراعكوا اليمين ...... هههههههههههههههه بس وصيهم علينا شويه يا سامح بيك و خليهم براحه علينا ولا علشان احنا غلابه ومعندناش V-tec يعنى يحصل فينا كده ... على فكره انا اخويا كان معاه سيفيك 2009 وهى سبب عشقى للسيفيك لحد دلوقتى و بعت عربيتى القديمه وكان نفسى اجيب واحده زيرو الشكل بتاع 2010-2011 بس ملقتش زيرو لا LXi ولا VTI ,, يعنى اانا مش غريب على هوندا

وربنا يخليك يا باشا على الدعوه الحلوه و يباركلك و يبارك لكل الهونداوية فى عربيتهم و يقيقهم من شر الطريق ان شاء الله