الموضوع: ثبات الكيا ريو 2013 أفضل من الهوندا سيفيك 2012 (ده حلم ده وللا ايه))

المشاركة الأصلية كتبت بواسطة moha4tec

يا جماعه كل عربيه و بتتميز بحاجه او حجتين و بيبقى ليها عيوب .و مش هزكر العيوب لانها معروفه للجميع .
يعنى مثلا عندك البى ام اهم ميزه فيها handling على حساب انها نشفه شويه و رن فلات و الشغل دا .و الشكل العصرى الجديد و الرياضى و الشبابى و طبعا المواتير الكبيره و القويه .
المرسيدس :العربيه اللتى لا تعطل يعنى اهم ميزه الميكانيكا بتاعتها .و كمان ناعمه عن البى ام . الشكل الكلاسيك و للاعمار الكبيره .تحس كده انها عربيه بتاعة جدى .
الهوندا بتحاول تجمع بين الثبات و شوية حجات تانيه فبيطلع كوكتيل حلو للمستهلك العادى و كمان سعر على اد المستوى .و ارخص من الالمانى
التويوتا :يعنى توفير البنزين و النعومه و الراحه .بس مفيش ثبات ............
الكيا و الهيونداى :لانهم شركه وحده و الاختلافات بسيطه .: بقت بتعمل اشكال جميله جدا و عصريه و شبابيه و اوبشن كتييييييير و كانت ميزتهم السعر المعقول و راحت للاسف لما الالنترا 2013 و السيراتو الشكل الجديد2014 بقت ب 186 الف جنيه .يبقى دا استهبال رسمى مع ان فيها كمية اوبشن جديد بالهبل منها الاوتو بارك و غيرها من الكماليات الرهيبه .و لكن مواتيرهم حلوه بصراحه خصوصا الموتور ال 1600 التيربو ال 204 حصان اللى مبينزلش مصر .
لسه قدامهم شويه فى العفشه .اعتقد على 2018 هيزلو عربيات بعفشه محترمه زى بقية خلق ربنا .و هما ابتدوا فعلا بالكيا برو سيد تربو .ممتازه .فى كل شىء فعلا .و قربت جدا جدا من الالمانى .بس فان باقى الانتاج بقى ؟؟؟؟؟؟
الفرق بين الهيونداى و الكيا :
الكيا انشف من الهيونداى و اثبت بحاجات بسيطه جدا . و سير الكاتينه جنزير فى الكيا و الهيونداى كوتش و لذلك صوت موتور الهيونداى انعم من الكيا .
من الاخر الكيا بتحاول تبقى هوندا او بى ام و الهيونداى بتحاول تبقى تويوتا او مرسيدس .
و الكلام دا حتى واضح فى كل شىء من مواتير او شكل حتى .
تصميمات الكيا وخده من الاودى و البى ام شويه و الهيونداى وخده من المرسيدس كتييير
زى العربيات الصينى كده بيسرقوا التصميمات وش بتاعه اليابانى هههههههههههه بس الكورى بيغير شويه و يجدد و بعد بيتر شريدر التصميمات بقت جمده جدا .
و الله اعلم
كيا و هيونداى بعد السباقات الكتير اللى دخلوها ابتدو يتعلموا و يتغيروا فعلا للاحسن بس بياخدوا وقت طويل .
يا رب العفشه التورشن بيم دى تتنسف و متنزلش فى اى عربيه نهائى .

بس يا جماعه احقاقا للحق :
الكيا لما بتتعدل اقصى التعديلات و تدخل سبق بتعلم على كل الالمانى و الامريكى و اليابنى فى السكه .و الايطالى كمان
اتفرجوا على الفيديو دا السيراتو الكوبيه نفخت البورش و البى ام و المازدا و كله .
تحياتى


[kia cerato] koup - road america 2010 - 2011 season - youtube

المشاركة الأصلية كتبت بواسطة moha4tec

نسيت اقول حاجه صغيره .
الهوندا سيفيك القديم ال sir و الشغل دا كله كان ممتاز جدا و بجد هوندا ابدعت و تخطت ال limit بتاع الكفاءه و الجوده الى اخره .
و من اهم مميزات الهوندا زمان .انها كانت احسن شركه تعمل مواتير صغيره تطلع هورس بور كبير
انتوا نسيين الموتور ال 1600 القديم اللى بيطلع 170 حصان تقريبا

الان كيا /هيوندانى عملت اصغر موتور تيربو 1600 سىسى بيطلع 204 حصان .يعنى دا اقوى موتور 1600 تيربو استوك فى العالم ...........................
عندك الاوبل و البى ام 1600 تيربو 180 حصان .و دول المانى .
و كمان هيونداى عملت موتور متصنع فى شركتها .تصنيع كامل من a to z و نزلته فى سبق فورميولا 1 .و قوى طبعا .بس اكيد مش اقوى من وحوش الفورميولا .
و عملت هيونداى فيلوستر 4*4 دفع رباعى رالى و نزلتها سباقات و شغل عالى . و كمان ال i20 و فى الكيا كله بينزل السيراتو الكوبيه و الاوبتيما و الريو و غيرها .طبعا متعدلين تعديل فى كل شىء .و بينزلوا و الحمد لله بيكسبوا و بيتقدموا سنه عن سنه .و طبعا كيا جابت شركة كينتك عشان تعدلها السيراتو ب 4 مليون دولار .و نجحت فى 2011 انها تكسب المركز الاول و العربيتين دخلو اول مع بعض و علموا على عربيات العالم كلها هههههههههههه

لكن لو هتقارن السيراتو العاديه بالسيفيك العاديه او بى ام عاديه اكيد النتيجه عكسيه ههههههه طبعا .

اللة يبركلك يا باشا كلام رائع ومنطقي جدا بس للاسف في بعضضضضضضض الناس شايفين عربيتهم الة ماينفعش نتكلم عليها