الموضوع: بفكر اشتري كلب جولدن ريتريفر !

المشاركة الأصلية كتبت بواسطة ALMAGICO

انا معلوماتى فى الجولدن مش كثيرة بس انا اعرف ان اللى لونة اغمق افضل ويكون دبدوب وهو صغير وحجمة يكون ضخم وميكونش فية شعراية بيضا ودى فى اى كلب لازم ميكونش فية ابيض فى الشعر
اللى معروض تقليبة كويس ودة حسب معلوماتى انا
وبعدين انا شايف حضرتك مستعجل ودة اكبر غلط بالله عليك متستعجلش انا فى الاول كنت زيك كدة مستعجل واشتريت اول جرو قابلتة وكان الجرو اقل من سعرة
الروابط دة فيها كذا عرض للجولدن بص عليهم حضرتك
https://www.facebook.com/groups/253593478081155/
https://www.facebook.com/groups/258934010785197/
ولو حضرتك مصمم على اللى فى الصورة لو قللتة شوية عن 1900 يبقى انجاز حلو
وبعدين اسال هو مطعم وعندة اد اية وحضرتك اصلا عايز سنة يكون اد اية و عايز ذكر ولا انثى
واهم حاجة صحة الكلب
واى استفسار انا تحت امر حضرتك
والله اعلى واعلم فيما قلت

بصراحة مستعجل و عايز اجيب واحد و اخلص بقي علشان عايز انقل و مش هنقل غير و معايا الكلب
علي كلام صاحبه هو عنده 3 شهور و معاه الحديدة و اللي فهمته من الحديدة انها الرخصة
انا عايزه يكون مش اقل من شهرين علشان يكون اخد علي انهيقعد لواحده من غير اخواته علشان الهوهوه و الازعاج و بفضل يكون ولد (ذكر) علشان لما بقارن بين الولد و البنت بلاقي الولاد بيبقوا احلي و اهدي علي ما اعتقد و بفضل انه يكون بين شهرين الي 3 شهور و عايز طبعا اتأكد من صحته بس ازاي ديه معرفش ؟!
دخلت علي الصفحتين الجولدن اللي فيهم مش كتير و لو موجود معظمهم كبار في السن
شاكر جدا لحضرتك بجد علي مجهودك العالي معايا و نفسي تفضل معايا لغاية ما اشتري واحد ان شاء الله
رأي حضرتك اشتريه من محل ولا من واحد تربية منزل ؟

زمان واحد جاب لباب كلب هدية من 7 سنين مثلا والله كأن امبارح ( الأيام بتعدى بسرعة قوى )

الكلب دا كان لونه أبيض وقصير قوى وفرو كدا جميل وأبيض اسمه ايه الكلب دا ياجماعة ؟؟

بس اتبهدل وبقى عامل زى الكلاب البلددى واتسرق فى الآخر

المشكلة انه كان أنثى وبعدين اتلم على كلب بلدى وخلفوا كلاب سبحان الله معرفش ازاى !!!!1

طيب الكلب دا غالى هى الكلاب دى اللى هى الكلاب الفافى اللى بنشوف البنات ماسكينها فى التليفزيون بس مع الوقت بقى يهوهو واتبهدل يا عينى ... وراح زى اللى راحوا قبله ... الواحد بيحمد ربنا انه بيعامل الكلاب دى معاملة حسنة وبرغم انى متضايق بسبب ان حوالين بيتنا كل ما يمشى كلب يجى غيره .... لكن برضه بقول عاملين دوشة وحس للمكان وأوفياء جدا بجد وتحس ان هم بيردوا الجميل انهم لقوا المكان الآمن اللى يؤويهم مقابل كدا بيدافعوا عن المكان وبيحرسوه .... سبحان الخالق العظيم .. لو بس البنى آدمين العاقلين يتعظوا من تصرفات الحيوانات التى لا تعقل !

طيب قول لى حضرتك يعمل كام الكلب الأبيض الصغير ( هو قصير برضه على الأرض كدا ) ؟

رجالة مش هشتري جولدن :(