الموضوع: الاوكتافيا والزينون والطريق الدائرى

المشاركة الأصلية كتبت بواسطة lanos2004

فيه فرق انك تبقه ماشى فى طريق منور اصلا ومش محتاج اضاءة فى العربيه من اساسه وتستعمل الزينون وفرق انك تبقه ماشى فى طريق مظلم وتستعمل الزينون
ثانيا ودة الاهم الدائرى بياخد اربع عربيات او خمسه مرتاحين جدا يبقه الطريق فاضى وتلزق فى قفايا وتدينى انوار مبهرة بدون داعى ليه--فى الحاله دى اعرف انته بتضايق مين وانه ممكن يعرفه ان عربيته لما توصل 190 يفرق شربات-ولو على موضوع الثبات ولله الحمد باخد غرز على 200 بس انا مش بحب اعمل كدة-لان دة تهور--ونتيجته مش كويسه باى عربيه مهما كانت
طب تصدق كان فيه يوم شبورة وكنت راجع صحراوى الفجر واكتر من 40 عربيه دخلو فى بعض عند الريست منهم نقل تقيل على صغير على ملاكى والغريب انى كنت داخل وجنبى عربيه اوكتافيا فانتازيا
دوست فرامل بس الارض كانت مزحلقه والعربيه زحفت بس الحمد لله وقفت قبل اما ادخل فى اخر عربيه مخبوطه وفى نفس اللحظه الاوكتافيا كان بيقف معايا
ودى ميزة abs- فرامله فضلت تمسك وتفك تمسك وتفك والاخر لبس فى نقل والايرباج فتح وعربيته ادمرت
يعنى ممكن التكنولوجيا الزيادة تكون سبب الحادث لان مسافه التوقف زادت ومتقوليش ازاى لانى شوفتها فى مرسيدس s600 العجل فضل يمسك ويفك علشان كان فيه رمل قبل المطب ولبس المطب

المشاركة الأصلية كتبت بواسطة Formulator

- من سنتين كنت بشد مع واحد بكورولا MMT الـ2008-2009 تقريبا..
شاب كده (طيار، جوية -البدلة الزرقاء)،

وكنت بأصطاده فـ الحتتين اللى بتقع فيهم الكورولا الـdual VVTi دى؛ الـ120 والـ170 (بيحصلها Torque-dip)!

فـ بدأ يستوعب اللى بيحصل :) ومابقاش يشد معايا فـ الـlow-end ولا فـ الـmid-range.. لأنى كنت بعمل عليه فرق جامد؟!!
- وبقى يشد معايا فووووووووووق (وأنا كان معايا 2 فـ العربية وزنهم فوق الـ200-220 كجم)؟!! lol

لحد ما وقفنا فـ تحويلة (زحمة كده لف تحت كوبرى بيتبنى من بتوع الطريق الحر)..
وصاحبنا عمل فيها سواق نص-نقل: وطلع عـ التراب، وزنق وسط العربيات.. وجرى؟!! duh؟؟!

ياعم إستنى، عيب كده على فكرة -دى مش أصول الشد؟!! أنا مش هبهدل عربيتى عشان أرجع الـrace؟!! ههههههههههههههههه

- طلعنا عـ الطريق يامعلم.. ومش لاقيه خالص -طبعا كان فرك؟؟! قفلت معايا أجيبه وأعرفه غلطه!!
180-190-200 وفضلت مثبت عليها 4-5 دقائق؟!! مع غرز شمال ويمين بين العربيات!
وطبعا أنا ضاغط على نفسى جدا (مابستحملش الأدرينالين يامعلم)! بس فيه rush رهيييييييييبة! ههههههههه

- واللى معايا يقولولى انت عديت بتاع 4-5 عربيات كورولا؟!! أقولهم لأ مكانش فيهم؟ ومكمل..

وباخد غرزة من اليمين من ورا تريلا بمقطورة...
شوف: أنا عارف انى هلاقى حد؟!! بس هلاقيه فيـــــــــن (أى حته فـ النقل) ماهى طويلة! ههههههههههههه

ولقيته يامعلم فـ وشى: نقل قلاب ماشى يمين-اليمين؟؟!!!

طبعا ستر ربنا -لافرامل بقى ولا أى تييييييييييييييت ولا ينفع أرجع)؟!!
عديت مابينه (النقل القلاب -رقم2) ومابين السور الخرسانة.. الخط الأبيض بتاع حارة الأمان كان فـ نص عربيتى والعجلتين اليمين كانوا فـ الرمل)!!!
بالضبط زى فار بيعدى فـ خرم-إبرة! :)

هى دى بقى غرزة اليمين.. اللى ماينفعش يتقال عليها غير pure LUCK ومفيهاش أى سواقة ولا إمكانيات عربية!

- بس جبت الواد بتاع الكورولا من قفاه (لقيته معلق عـ الـ170-180 بردو)!! ههههههههههههه
وعديت من جنب مرايته -الحركة المستفزة دى- اللى هو: الهواء باع عربيتى هز التويوتا من السرعة والـdrafting؟!! lol

لكن طبعا ولا يسوى الرعب -والأدرينالين- لما شوفت النقل فـ الغرزة اليمين، ضيعت أى fun فـ الشداية!!
دا كنت هموت من الـmillisecond التردد؛ قبل ماأعرف انا هعمل أيـــه؟ أعدى من يمين-اليمين!!

بس خلاص الحمد-لله الواحد بطل الحاجات دى (أو عـ الأقل عـ السرعات دى)!

يالهوي .. يا حـاج مصطفي ده الواحد بيطلع عالصحراوي ده يركب على دواسة البنزين عشان الدردالين ده :D تقولي مش بتستحمله :D ده IIF

IIF = Insanely Instant Fun