اقتباس المشاركة الأصلية كتبت بواسطة lanos2004 مشاهدة المشاركة
فيه فرق انك تبقه ماشى فى طريق منور اصلا ومش محتاج اضاءة فى العربيه من اساسه وتستعمل الزينون وفرق انك تبقه ماشى فى طريق مظلم وتستعمل الزينون
ثانيا ودة الاهم الدائرى بياخد اربع عربيات او خمسه مرتاحين جدا يبقه الطريق فاضى وتلزق فى قفايا وتدينى انوار مبهرة بدون داعى ليه--فى الحاله دى اعرف انته بتضايق مين وانه ممكن يعرفه ان عربيته لما توصل 190 يفرق شربات-ولو على موضوع الثبات ولله الحمد باخد غرز على 200 بس انا مش بحب اعمل كدة-لان دة تهور--ونتيجته مش كويسه باى عربيه مهما كانت
طب تصدق كان فيه يوم شبورة وكنت راجع صحراوى الفجر واكتر من 40 عربيه دخلو فى بعض عند الريست منهم نقل تقيل على صغير على ملاكى والغريب انى كنت داخل وجنبى عربيه اوكتافيا فانتازيا
دوست فرامل بس الارض كانت مزحلقه والعربيه زحفت بس الحمد لله وقفت قبل اما ادخل فى اخر عربيه مخبوطه وفى نفس اللحظه الاوكتافيا كان بيقف معايا
ودى ميزة abs- فرامله فضلت تمسك وتفك تمسك وتفك والاخر لبس فى نقل والايرباج فتح وعربيته ادمرت
يعنى ممكن التكنولوجيا الزيادة تكون سبب الحادث لان مسافه التوقف زادت ومتقوليش ازاى لانى شوفتها فى مرسيدس s600 العجل فضل يمسك ويفك علشان كان فيه رمل قبل المطب ولبس المطب
و هو في طريق في مصر يل زعيم منور كويس
و زي ما قلت الزنون عندنا هو الواطي مفيش اقل من كده

طبعا انا مش مع اللي سواق الاوكتافيا عمله
و برضه احنا مش عارفين ظروفه
في مليون سبب ممكن يكون مستعجل بسببهم و انت من غير قصد عطلته

و يا سيدي ممكن الاوكتافيا متعرفش تسد معاك بس في عربيات تانيه كتييير فيها زنون و صحابها بيقلبوا بيه و ممكن يحرجوك
انت بس اللي ما صدقت و قلت تجري
و علي فكره في ناس كتيييير بتعتبر ان كسر ال 120 ده تهور و سفه كمان

اما الموقف بتاع الصحراوي فكون ان صاحب الاوكتافيا مش عارف يستغل امكانيات ال abs كويس يبقي ملوش لازمه
ال abs بيديك امكانيه انك تفادي او تغير اتجاه العربية و انت ضارب فرامل و ده الهدف منه
و دلوقتي في ال break assist و ال break distribution عشان يتغلبوا علي المشكله بتاعت ال abs دي
بلاش التفكير المصري ده في ان عوامل الامان دي كماليات يمكن الاستغناء عنها
ده بقت اساسيات دلوقتي