الموضوع: محاولة فاشلة لتثبيتي من اتنين أغبية

المشاركة الأصلية كتبت بواسطة aboomar22

هى دى غالبا مش محاولة تثبيت شكلها كده العيال دى كانت عايزة تتخانق معاك او شاربين وطالعين يشاكلوا من الناس بس انت عملت الصح والراجل اللى ساعدك برضه كتر خيرة وياريت الناس تبقى مفتحه وهى ماشية وناخد بالنا من بعض يعنى انت ممكن بكلاكس تنبية تنقذ شخص من الخطر

الله اعلم بس ممكن حالة تثبيت حصلت كتييير اليومين اللي فاتوا و هي انهم يوقفوك او يخبطوك عشان تقف و تنزل و ساعتها يبدأ التثبيت الحقيقي بس انهم يخلوك تعديهم و بعدين يهدوا قصادك و يجوا جنبك و يزنقوا عليك عشان تقف ديه تثبيت رسمي
و الحمد لله العربية اللي جت خلتني ازنقهم اكتر بدل ما كنت هلبسهم في عربية من اللي راكنين سبحان الله اللي الواحد بيعمله بيترد له فعلا و ده اللي دايما بقوله متسكتش لما تشوف حد بيحصله حاجة طالما تقدر تساعده باي طريقة حتي لو بكلاكس

المشاركة الأصلية كتبت بواسطة mahmoud_anwar

ياعم هيا دي النهضة
عارف لي الاسف انا لابطيق الاخوان ولا سياستهم بس انا معترف انهم كسبة الانتخابات والديموقراطيبة بتقول انه يقعد فترتة ونعصر علي نفسنا ليمونة ونستحمل ال3 سنين المتبقية لي انهم عايشين في عالم من الخيال كل شوية تشوف علي الفيس يقولك هل تعلم اعلم ايه يالي تتشكةفي قلبكم ان مرسيجاب استثمارات بقيمة مش عارف كام مليار وافتح كام مصنع وسرح كام عامل والاعلام لم يتحدث عنها ده لي الاسف قناة 25 كمان مكلمتش عنها بجد مرسي لاعارف يلعب سياسة ولا عارف يطبق شريعة
الاخوان دول فضلة يحاربة جمال عبد الناصر من اجل الوصول للسلطة
فضلة يحاربة السادات
فضلة يحاربة مبارك
واول ماوصلة للكرسي كلهم بصة لبعضهم وسؤلو نفسهم ازاي البتاع دي بتشتغل

ضحكتني اوي جملة البتاع دي بتشتغل ازاي ههههههه
بص يا باشا بغض النظر عن المناقشة او الاراء لأنه مش مكانها بس الـ3 محاولات اللي تعرضت لهم كان قبل ما مرسي يمسك
و ادعي ان ربنا يصلح الأحوال و الدنيا تتظبط

المشاركة الأصلية كتبت بواسطة mohamedhagrass

حمد الله على سلامتك
وخير الحمد لله انها عدت على خير وفشلوا بسي انتا ضيقتني بطريق السويس ده انا كل يوم عليه
اهيئ اهيئ اخيئ بس انا باخد في وشي على طول بعد الي حصل مع والدي وطلعوا عليه بالسلاح بسي عدت بخير الحمد
لله وهرب منهم ب 3 غرز مكان ضهر الفرد وخير الحمد لله

ياريت فعلا نبعد عن الشوارع الضلمه والي هاديه زياده عن اللزوم وجر الشكل مع الناس لانه حصلت كتير انه يتخنوقوا علشان تنزل وتلاقي الاسلحه ظاهره وربنا يسطر طريقنا كلنا ويسطرها على مصر

الله يسلمك يا ابو محمد اهم حاجة خلي بالك حاول يكون بالنهار وسط عربيات و متقفش لحد ابدا

المشاركة الأصلية كتبت بواسطة fathy hady

الحمد لله والله يا جماعه العيب فينا كان من زمن ليس بعيد الراجل العربجى الى سايق عربيه بحمار لما كان الحمار بيقع بسرعه كنت تلاقى الرجال فى الحال قبل العربجى حتى ما ينزل يرفعوا العربيه ويساعدوا الحمار على الوقوف دلوقتى ممكن اى حد يتثبت وسط الناس عادى كأننا فىوادى تانى اخى الغالى احمد ربنا انه بعت لك حد محترم يساندك تخيل لو معاك اطفال ومنظرهم ورعبهم فى هذه اللحظه ربنا يحميك ويحمى مصر أم الدنيا

معاك حق يا باشا الشهامة و الجدعنة قلت عن الأول بس برده موجودة و هتلاقي الناس تسندك برده في الشدة و ده انا شوفته كتيير اليومين دول بغض النظر عن التثبيت و طريقة الناس في السواقة و البلطجة ع بعض انت ممكن تلاقي اتنين ضاربين بعض طول الطريق و مبهدلين بعض و بيزنقوا ع بعض و شتموا بعض و اول ما واحد منهم عمل حادثة في ساعتها التاني نزل يجري يلحقه و ده اللي مطمني ان البلد ديه لسه بخير برده

المشاركة الأصلية كتبت بواسطة stormboy

7 حالات تثبيت فى اليو تيرن جديد اللى بعد مدينتى و الشروق بوابة 1 على طريق السويس الاسبوع اللى فات و لا حياة لمن تنادى

لا حول ولا قوة الا بالله طريق السويس ده كل شوية يحصل عليه حاجة

المشاركة الأصلية كتبت بواسطة S O P H O S

الحمد الله انها عدت علي خير ..

المشاركة الأصلية كتبت بواسطة lanos2004

الحمد لله على سلامتك

الله يسلمكم يا أ \ احمد و أ\ حمد :)


QUOTE=dr.hazem;3874867736]لا حول ولا قوة الا بالله...
الحمد لله انها جت على قد كده...
الله يسترها علينا كلنا..
انا خايف انزل من شويه؟؟
الله المستعان

Sent from my SE Arc S using Forum Runner[/QUOTE]

لا يا ابو حازم انت بتتلكك عشان متنزلش زيارة سريعة و ترجع فبتشوف حاجة تهرب بيها مني هههههههه انزل انت بس و احنا ماشيين بالشوم بتاعنا اللي يثبتنا ننفخه

و بالمناسبة يا جماعة ابو حازم برده من الناس اللي بقولكم عليها انه لما لاقي محاولة تثبيت قام بالواجب برده :)

المشاركة الأصلية كتبت بواسطة monamize4

اربع مرات ف سنتين يعنى مرتين ف السنه , قبل الثورة انت كنت هتاخد رقم قياسى لكن للاسف دلؤقتى بقى عادى
ربنا يستر عليك و علينا

لا يا باشا انا هاخد الرقم القياسي فعلا لأن 3 بس السنة اللي فاتت و ديه اول واحدة السنة دي اما نشوف باقي السنة يمكن افكر ادخل موسوعة الارقام القياسية في محاولة التثبيت هههههههه

المشاركة الأصلية كتبت بواسطة amdd

اكترد ناس بتشتغل بضمير دلوقتى فى البلد لا وبإحتراف كمان
تحيا مصر

المشاركة الأصلية كتبت بواسطة egyptiandiver

لاحول ولا قوة الا بالله

ربنا يصلح الاحوال و الدنيا تهدي


QUOTE=horas3000;3874868046]https://www.facebook.com/photo.php?v=10151524447751900[/QUOTE]

شكرا يا باشا ع الفيديو يا ريت الناس فعلا تاخد بالها و كله يتكاتف في مواجهة اي حالات بلطجة

المشاركة الأصلية كتبت بواسطة Hondawy_2008

تطبيق القصاص من كل بلطجي أو سارق بالاكراه هو القتل في ميدان عام وده كلام اللي خلقنا ساعتها البلد هتنضف

عايزينن قانون استثنائي ----------- اللي ملت البلد ديه بس هنقول ايه مفيش دولة مفيش رئيس مفيش حكومة مفيش شرطة

أنا لسة متعرض من 3 أيام لحادث بلطجة و القسم بتاع المنطقة قافل و عملت المحضر في قسم تاني

ظابط في القسم قالي " الجري زمان كان نص الجدعنة دلوقتي الجدعنة كلها " ظباط فاشلين ووزير داخلية فااااااشل

وحاليا بدور على سلاح لان الشعار دلوقتي " احمي نفسك بنفسك "

يرجى مراعاة اداب الحوار .

3 ب
4:20 pm
2013/3/14

الف حمد لله ع سلامتك يا باشا انا شوفت موضوعك اظاهر نفس الطريقة بس الفرق ان معاك بعربية و معايا بموتسيكل المفروض فعلا يتعلقوا في ميدان عام ده اقل حاجة و يتم جلدهم كمان
و الواحد عايز فعلا يطلع ترخيص سلاح للدفاع عن النفس بس اتعقدت محدش اعرفه فكر يطلعها و عرف يطلعها و حتي لو طلعتها شوف اقل سلاح بكام