تمام .. الزيت ده مناسب جدا.
بس إيه حكاية زيت الخروع ده؟؟؟ دي إضافة جديدة ولا إيه؟ :) :) :)
وكمان 6 كيلو غيار زيت؟؟؟
انت متأكد إن الموتور شغال تمام؟؟
...
زيت الخروع ده نصيحة من ميكانيكي ابن ميكانيكي من أيام الميكانيكية الي بطربيش لأنه زيت نباتي مقاس الزيت بيفضل زي ماهوأ لكنه بيشيل كل الكربون من الشنابر و الصبابت وبيخرج مع العادم لكن تراثيره علي صوت الموتر و نظافته سحري خصوصا لو بيدخن و أنا أستخدمت حوالي كيلو علي 3 غيأرات و مش مضر
بصراحه موضوع ممتازياباشمهندس وانت ساعدت ناس كتير واضفت معلومات قبمه جدا وده هيكون فى ميزان حسناتك جزاك الله خيرا بعد المقدمه ديه سؤال تويوتا 2008 جنوب افريقى ماشيه 150000 الف ترجح ليها زيت ايه انا كنت بستخدم الزيت شيل 5000 وبعد كده حطيت توتال 5000 وغيرت الفتر ينفع تنصحنى بزيت تانى ولا افضل على كده وخلاص
هو زيت شيل الـ5000 ده مواصفاته إيه؟؟ يعني لزوجته كام وكود الخدمة بتاعه إيه؟؟
وبردو توتال الـ5000 مواصفاته إيه كمان؟؟
وقبل ده وده... الكتالوج عايز إيه؟؟
لو حضرتك رجعت للموضوع الأصلي بتاعنا هتلاقي أول حاجة قلناها هي : ارجع لكتالوج العربية
مش هقدر أنصحك بحاجة قبل ما نعرف كل الكلام ده الأول.
...
بعيد عن موضوع الزيت بس حبيت اوضح نقطه بسيطه
مش كل الكربون فى الموتور وحش
يعنى مثلا الكربون اللى على الشميز من جوه مفيد ويعتبر عنصر ملين
وكمان الكربون اللى بيتكون بين الشنابر مع الزمن بيعتبر جزء بيساعد على الحبك
وعلشان كده مبيوصييش باستخدام منظفات المواتير فترات كبيره لانه بيشيل الكربون ده اللى بقى جزء من الماتور وشيله بيضر اكثر من ما بينفع
بس كده
مكتوب كدة بالضبط فى الكتالوج
يجب أن تقابل جودة زيت المحرك تصنيف apiالتالى
sj أو أعلى
ilsac gf-3 أو أعلى
ملاحظة
لاستعمال الوقود بطريقة جيدة يفضل زيت المحرك sae sw20 (5w-30),ilsac gf-3
بغض النظر عن الخيار الاقليمى أو اهتزاز المحرك
لو هجيب 5w30
و عايز أجيب شل أو كاسترول أو موبيل أجيب اية بالضبط و منين تحديدا
العربية ماتركس 2007
عاملة 45000 كيلو
و اخر تغيير للزيت كان فى صيانة 40000 و كانت فى التوكيل و حطولى زيت شل الاصفر 15w40
علما انى قبل كدة كنت بستخدم زيت شل الاحمر 20w50 فى محطة البنزين و كانوا بيقولوا ده 3000 كيلو و فضلت استخدمه 6 سنين و العربية كانت زيو
و بعد اخر تغييير للزيت العربية بقت بطيئة و مبتسحبش و صوت الموتور عالى و زاد استهلاك البنزين
هل ده لو علاقة بالزيت؟ و لا دى مشكلة فى سير الكاتينة أو فلتر البنزين
و عايز رأى حضرتك أروح لزيت ايه
معلش طولت عليك
و شكرا