جزاك الله كل خير اللهم امين وجميع الناس
جزاك الله كل خير اللهم امين وجميع الناس
السلام عليكم
هل فيه قاعده تحكم عدد الكيلومترات مع مستوى الخدمة للزيت ؟بغض النظر عن ظروف الاستخدام الشاق
يعني بلاقي زيت معدني مستوى الخدمة sl الناس تقولك غيروا على 3 الاف وناس 5 الاف ولو خدت بكلام الكتالوج قال غير على 10 الاف وطبعا مبيبقاش كاتب زيت معدني ولا تخليقي
وزيت تخليقي sm ناس تقعد بيه 10 الاف والsn هل ممكن نعدي بيه 10 الاف
ولا اخد بكلام الكتالوج واغير على 10 الاف حتى لو معدني
لو كتالوج العربيه مكتوب فيه اكتر من لزوجه انهي لزوجه افضل بالنسبه لي
وكان في مقوله متعارف عليها سابقا ان الزيت التقيل بيطول عمر الموتور ويحميه ولكن بيزود استهلاك البنزين والعكس في الزيت التقيل
فلو دمجنا نصيحه الكتالوج مع المقوله دي بمعنى اننا نستعمل اتقل درجه الكتالوج بينصح بيها هل كده بحمي الموتور وازود عمره على حساب استهلاك البنزين؟؟
دايما كتالوج العربية هو المرجع . . مش أي حد تاني..
بس في أغلب الأحوال.. الكتالوج بقوللك غير على 10 آلاف.. لكن هتلاقيه بيقوللك بردو إن لما العربية تعاني من حالات الخدمة الشاقة يفترض إنك تغير على 5000.
اتأكد إن الجملة دي مكتوبة.. ولو مش مكتوبة خالص يبقى تغير على 10 آلاف .. حتى لو الزيت معدني.
...
هنفترض أولا إن اللزوجات المتعددة دي تنفع كلها في الجو اللي هتشتغل العرببة فيه.
في الحالة دي.. فعلا اللزوجة الأتقل بتحمي أكتر.. بس ما ننساش بردو إن اللزوجة متقسمة لجزئين..
جزء بيشتغل مع بداية التشغيل.. ويفضل تكون خفيفة بالقدر الكافي للوصول لأجزاء الموتور بسرعة.. بس ما تبقاش خفيفة جدا بحيث إنها ما تعملش الحماية الكافية بردو
أما الجزء التاني.. فهو الخاص بالحماية أثناء التشغيل.. ودي اللي بنتكلم عليها إنها لما تزيد بتحمي أكتر بس استهلاك البنزين هيزيد.
عموما.. بعض الكتالوجات بتنصح باستخدام اللزوجات الخفيفة ما عدا في حالات التحميل الشديد على الموتور.. زي قطر السيارات مثلا أو صعود مناطق جبلية أو قيادة العربية وهي محملة بأوزان عالية.
...
طيب حاليا بستخدم لزوجه مش منصوصه في الرسم المرفق من كتالوج العربيه ولكنها تجميعه من 2 لزوجه منصوصه
يعني بستخدم 10- 40
فهل الافضل الالتزام نصاً باللزوجه المدرجه مثلا 20-50 او 15-40 او 10-30 ( اعتقد غير مناسب للمناخ المصري)
وعليه فان افضل لزوجه متاحه من المعدني 20-50
و التخليقي 15-40
وظروف سواقتي تعتبر مجهده للعربيه لانها مشاوير قصيره كل يوم
فالمفضل هنا المعدني ولا التخليقي
http://s2.postimg.org/b4b93pr2x/accent_mc.jpg
حضرتك لازم تلتزم باللزوجات الموجودة في الكتالوج بس... التجميعة دي غير مضمونة العواقب.
والمناخ المصري متغطي فعلا في الرسمة اللي حضرتك حاططها، لإن كل الدرجات منتهية بأسهم لدرجات أعلى من 40 °م.
بالنسبة للسواقة المجهدة... فالمفضل هو تغيير الزيت على فترات أقل.. يعني 5000 كم.
بس سؤال... هو حضرتك بتمشي مسافات صغيرة كتير كل يوم .. ولا هما مرتين أو تلاتة في اليوم وخلاص؟؟
لو العربية بتشتغل كذا مرة كل يوم (6-7 مرات مثلا) فالأفضل هو الزيت التخليقي... علشان الميزة الأساسية للزيت التخليقي هي عند بداية التشغيل.
إنما لو هي مرتين وخلاص... فالأفضل من وجهة نظري هو الزيت المعدني.. ومدة التغيير تعتمد على حسب توصيات الكتالوج.
هو فيه ملحوظة صغيرة... احتمال كبير تكون توصيات اللزوجة دي موجهة للسوق الأمريكي والكندي لإن لزوجة 5w-20 ما شفتهاش في أي توصيات للشرق الأوسط في الكتالوجات اللي عدت عليا.. وأتوقع إن الكتالوج المطبوع اللي جاي مع العربية يكون فيه اختلاف علشان اختلاف جو منطقة الشرق الأوسط.. فياريت تتأكد من الكتالوج المطبوع أو من أي زميل يكون عنده نفس العربية.
...
http://s4.postimg.org/f927td67h/1388...18583234_n.jpg
دي صورة من كتالوج العربيه هنا
و العربيه بتدور في اليوم مرتين والمسافه المقطوعه في المره الواحده اقل من 5 كيلو
فهل احول للمعدني بغض النظر عن الكلام عن خلوصات الموتور وكده
فيه معدني sm ٢٠ -٥٠ كنت استعملته قبل كده
فلو توفر المعدني هل تكون له الغلبه على التخليقي