معايا عربيه بروتون ساجا 2011
ماشايا 51 الف
كنت شاريها مستعمله عامله 28 الف كيلو
حطيت مرتين ليها زيت اسمه زيتا 10w-40
اخر مره جبت زيت زادو تخليقى 5w-50
كنت عايز اعرف ايه انسب حاجه ليه
معايا عربيه بروتون ساجا 2011
ماشايا 51 الف
كنت شاريها مستعمله عامله 28 الف كيلو
حطيت مرتين ليها زيت اسمه زيتا 10w-40
اخر مره جبت زيت زادو تخليقى 5w-50
كنت عايز اعرف ايه انسب حاجه ليه
أي زيت في السوق حاليا مواصفاته أعلى من المطلوب للـ128 بكتييييير...
وبالتالي .. حرام الزيت ينزل من العربية قبل 5000 كم (أو 6 أشهر)... لإن فعليا دي أقل مسافة (أو مدة) الزيت يقعدها في أي موتور.
الزيت ده كويس جدا (بالنسبة للـ128).. وحتى زيت التعاون اللي حضرتك كنتي بتحطيه كويس جدا كمان (بالنسبة للـ128).
لو حضرتك بتسوقي أقل من 10 آلاف كم في السنة.. فالأفضل تغيري بالوقت .. مش بالمسافة.... بمعنى إن لو عدى عليكي 6 شهور وما خلصتيش الـ5000 كم.. فلازم تغيري الزيت.
...
القاعدة الذهبية الأولى في الموضوع بتاعنا بتقول: "ارجع لكتالوج العربية"
ما ينفعش أقول لحضرتك الزيت مناسب ولا لأ إلا لما أشوف كتالوج العربية بيقول إيه وأعرف مواصفات الزيت اللي حضرتك جبته عبارة عن إبه.
مواصفات الزيت عبارة عن حاجتين:
1- اللزوجة
2- مستوى الخدمة (أو مستوى الجودة)
لازم لما توصف الزيت يتوصف بالحاجتين دول مع بعض...
ياريت لو تقدر ترفع لنا صورة صفحة الزيت من كتالوج العربية علشان نساعدك.
ويا ريت بردو تراجع الموضوع الأصلي في الماركة رقم 1.
...
السلام عليكم
انا كان عندي سؤال انا عربيتي فيات اونو موديل 93 وكنت بحط زيت شيل API SL/CF 20/50w HX5 اللي هو الجركن الاصفر المهم الميكانيكي قالي حط زيت موبيل دلفاك اللي هو احادي الدرجه ودرجه اللزوجه بتاعته 50W ومستوي الخدمه بتاعه اللي مكتوب علي العلبه CF ودخلت علي موقع موبيل لقيت مستوي الخدمه ممكن يستخدم للعربيات SF فايه رايك في الزيت ده مع العلم اني دورت علي النت لقيت دليل صيانه للفيات اونو وقابل الكلام الاتي
Multigrade engine oil, viscosity SAE 15W/40, meeting API-SG or CCMC
G2/G3 specification (or equivalent multigrade engine oil with viscosity
rating suitable for ambient temperature in which vehicle is operated -
see owner’s handbook)
أولا.. أحييك على إنك دورت على مواصفات الزيت المناسب.. مش ماركته.. لإن المواصفات هي اللي بتفرق فعلا.
ثانيا... نصيحة من القلب... إوعى تستخدم زيت يكون عليه كود الـAPI لسيارات الديزل فقط.. لازم يكون معاه كود الـAPI الخاص بسيارات البنزين كمان.
بمعنى... إن الزيت اللي حضرتك تستخدمه لازم يكون مكتوب عليه حاجة زي كده:
API SL
أو
API SL/CF
إنما لو مكتوب عليه API CF بس يبقى ما تحطوش ولا تخلي موتور العربية يقرب منه.
ارجع حضرتك إلى المشاركة رقم 3 من موضوعنا ده وهتلاقي تفاصيل كتير على سبب كلامي ده.
بالنسبة للكلام اللي حضرتك قلته عن كود CF وإنه يكافئ كود الـSF...
فبفرض إن الكلام ده صحيح.. فالكود المطلوب لعربية حضرتك حسب الكتالوج هو SG... وده أقل مستوى ينفع يتحط في الموتور.
والمعروف إن حرف G بييجي بعد حرف F في الأبجدية الإنجليزية... يعني مستوى زيت SF أقل من SG... وبالتالي ما ينفعش بردو يتحط في موتور عربيتك.
نيجي بقى لموضوع اللزوجة...
يعني سعادة الميكانيكي بيشور عليك بزيت أحادي اللزوجة!!!
وده المفروض تستخدمه صيف شتا ولا صيف بس؟
طبعا.. الزيوت أحادية اللزوجة معروفة إنها زيوت موسمية.. يعني ما تستخدمش إلا في الجو الملائم لها بس حسب درجة لزوجتها...
فلزوجة SAE 50 ما تنفعش إلا في الصيف وكمان تكون حرارته عالية فوق الـ25 تقريبا.. فتخيل مثلا إنك ييجي عليك الخريف ودرجة الحرارة بالليل تنزل لتحت الـ20.. ساعتها لما تيجي تشغل العربية هتكون بتقضي على الموتور.
عموما... أفضل شيء استخدام درجة اللزوجة الموصى بيها في الكتالوج... وهما قايلين عليها (15W-40).. يعني يفضل إن حتى الشيل اللي بتستخدمه ده تغيره وتجيب الدرجة الأخف...
وأتوقع إنها موجودة عند شيل بردو.
...
موجود شيل الجركن الازرق
لزوجه 10w-40 ال api بتاعه sn متصنع ب synthetic technology استيراد الامارات علي ما اعتقد
الجركن 4 لتر بحوالي 210 جنيه
http://www.shell.com/global/products...520041832.jpeg
Synthetic technology motor oil – Helps to keep engines clean and running efficiently.
Makes use of both synthetic and mineral base stocks to achieve higher performance levels than can be formulated from mineral oils alone
Helps to extend engine life by protecting against wear, even in daily traffic conditions
For gasoline, diesel and gas engines; also suitable for biodiesel and gasoline/ethanol blends
Specifications: API SN/CF; ACEA A3/B3, A3/B4; JASO SG+; MB approval 229.3; VW 502 00/505 00; Renault RN0700, RN0710.
طيب انا كريستاله 98 اوتوماتيك احط زيت ايه انا بحط موبيل 5000 كويس ده ولا ايه