تم الرد على استفسار حضرتك في موضوعك..
http://www.nilemotors.net/Nile/489218-50w30.html
...
تم الرد على استفسار حضرتك في موضوعك..
http://www.nilemotors.net/Nile/489218-50w30.html
...
أتوقع إن يكون لها نفس مواصفات الزيت بتاع السيراتو..
صحيح مش هو نفس الموتور ... بس عادة الشركات بتكتب توصيات متشابهة في عربياتها.. على الأقل اللي ليهم إمكانيات قريبة من بعض.
ملخص توصيات الزيت للسيراتو
اللزوجة:
5w-30
10w-30
15w-40
20w-50
مستوى الأداء:
Api sm
ilsac gf-4
acea a5
وإن شاء الله حد يفيدنا بكتالوج الكارينز... ولو إني أفضل إن حضرتك تعمل موضوع منفصل في قسم كيا.. أتوقع تلاقي هناك استجابة أسرع.
وسامحني في تأخير الرد على أسئلتك السابقة... بصراحة مش لاقي وقت أروق دماغي وأجمع معلومات كافية..
بس بإذن الله هجاوبك بالمفيد قريب.
...
السلام عليكم
أنا عربيتي فلوانس موديل 2013 (الشكل القديم) وخلصت خلاص الضمان بتاعها (حاليا عاملة 66 ألف كيلو)
كنت سمعت قبل كده ان زيت توتال اللي بيحطوه في التوكيل ردئ وبيخلي صوت الموتور عالي
فلو أنا عاوز دلوقت أغير زيت (على 70 ألف) أحط زيت ايه ومنين يكون أفضل حاجة للعربية؟
مرفق صفحة اللزوجات من الكتالوج
اسف للاطالة وشكرا
هي الصورة صغيرة شوية .. بس إن شاء الله نقدر ناخد منها معلومة
http://www.nilemotors.net/Nile/attac...5&d=1466597032
حسب الصورة.. مواصفات الزيت كالتالي:
اللزوجة
0W-30 و 0W-40
5W-30 و 5W-40 و 5W-50
10W-30 و 10W-40 و 10W-50
15W-40 و 15W-50
كل درجات اللزوجة المكتوبة في الكتالوج تمشي معاك
مستوى الأداء
لازم الزيت يكون مطابق لمواصفة رينو RN0700
أو مطابق لإحدى مواصفات ACEA المكتوبة اللي هي A1 أو A2 أو A3 أو A5
أو مطابق لمواصفة API كحد أدنى SL.. يعني SM و SN يشتغلوا بردو
أفضل زيت واللي يشتغل معاك تمام هو اللي يبقى مكتوب علية مواصفة رينو RN0700 مع مواصفة ACEA A3 أو A5 وكمان يكون واخد تصنيف عالي في API زي SM أو SN
فاحنا هنشوف من الكتالوج درجات اللزوجة المتكررة في الـ3 مواصفات دول وندور على زيت يناسبنا في السوق.
يبقى اللزوجات الأفضل هي:
10W-40
أو 5W-40 أو 5W-30
أو 0W-40 أو 0W-30
ما اعتقدش إن 0W-30 موجود في السوق.. إنما الباقي موجودين
طبعا.. اللزوجات دي مفيش منها زيوت معدنية في مصر.. أقل حاجة هتكون شبه تخليقي
هنا بقى اختيار اللزوجة يعتمد على أسلوب سواقتك..
عموما.. خلينا نشوف الأول إيه الزيوت المتاحة اللي تناسب اللي قولنا عليه ده كله:
شل هيليكس ألترا 5W-30
Shell Helix Ultra 5W-30 | Shell Global
شل هيليكس ألترا 5W-40
Shell Helix Ultra 5W-40 | Shell Global
آمسويل يوروبيان 5W-40 classic
AMSOIL European Car Formula 5W-40 Classic ESP Synthetic Motor Oil
آمسويل يوروبيان 5W-40 Improved
AMSOIL European Car Formula 5W-40 Improved ESP Synthetic Motor Oil
آمسويل يوروبيان 0W-40
AMSOIL European Car Formula 0W-40 Classic ESP Synthetic Motor Oil
على فكرة.. دورتلك في موبيل وكاسترول.. للأسف معندهمش حاجة فيها كل المواصفات دي متجمعة مع بعض... ومع ذلك .. تقدر تستخدم من عندهم بعض الزيوت اللي تمشي معاك.. بس مش هتكون أفضل شيء حسب الكتالوج.
وزيوت توتال للأسف مش عارف أوصل على النت للأنواع الموجودة منها في مصر... لو تقدر تساعدني أكون شاكر.
...
تسلم يا باشا
تم تحديث الموضوع بتعديل ترتيب المشاركات ومحتواها ..
وتمت إضافة معلومات عن زيت الشنبر في المشاركة الرابعة.
أرجو من الجميع قراءة الموضوع مجددا.
...
تم تعديل المشاركة الثالثة بإضافة معلومات عن مستوى الزيت في المحرك وأهميته بالإضافة إلى أسباب نقص الزيت المختلفة..
أرجو من الجميع قراءة المشاركة مجددا.
...
اشكرك شكرا جزيلا على هذه المعلومات القيمة.. بعد اذنك عندى سؤال ... العربية عندى موديل 2015 و لما غيرت اول غيار زيت بعد 1000 كيلو حطيت موبيل 3000 ك (معدنى) و فضلت اغير نفس الزيت ف مواعيده الى ان وصلت ل 10000 كيلومتر و قرأت عن الزيوت التخليقية و بالفعل غيرت الزيت الى كاسترول ايدج مع العلم انى لم اقم بعمل فلاش اويل للموتور قبل التغيير من زيت معدنى الى تخليقى و لكن فوجئت بعد 2000 كيلومتر ان الزيت نقص خاصة وانى قطعت مسافة 450 مره واحدة مع الجري بالعربية (فوق 140كم / ساعه) فهل نقص الزيت ده طبيعى وهل له علاقة بالمسافة المقطوعة او بالقرص على السيارة ام لا علما باننى قمت باضافة نص لتر تقريبا حتى يكون مقاس الزيت مظبوط وقريب من العلامة التانية ... فهل النقص ده طبيعى و هلى تزويد الزيت صح ام غلط .. وشكرا مره تانيه ...
أولا.. مبروك العربية وربنا يعطيك خيرها ويكفيك شرها..
ثانيا.. واضح إنك ما قريتش الموضوع كويس... لإن كل استفساراتك متجاوب عليها فعلا في أول 4 مشاركات.
عموما... ياريت نعرف إيه هي توصيات كتالوج العربيةالأول علشان نعرف إيه هو الزيت المناسب للموتور.
وكمان... أشك إن زيت الـ3000 ينفع موتورك... وحتى لو افترضنا إنه مناسب للموتور... فمواعيد التغيير المفروض تكون حسب الكتالوج... يعني 5000 كيلومتر على الأقل..
من الآخر مفيش حاجة اسمها زيت 3000 وزيت 10000... فيه زيت مناسب وزيت غير مناسب.. بس.
بالنسبة لنقص الزيت... غالبا له علاقة بنوع الزيت وطبعا طريقة السواقة..
يا ريت ترفع صورة توصيات الزيت في الكتالوج... وبعدين نكمل كلامنا.
...