ياريت ترد عليا فى الموضوع ده عايز اعرف مدى صحته
https://www.nilemotors.net/Nile/503101-a.html
ياريت ترد عليا فى الموضوع ده عايز اعرف مدى صحته
https://www.nilemotors.net/Nile/503101-a.html
ملف مرفق 16755
تصنيفات جهه ال API للزيوت
مقتبس من
API | Oil Categories
أشكرك للإضافة القيمة...
التوصيف المكتوب في مستوى SN بيوضح بشكل مبسط إيه مميزات الزيوت الحاصلة على تصنيف SN:
Introduced in October 2010, designed to provide improved high temperature deposit protection for pistons, more stringent sludge control, and seal compatibility. API SN with Resource Conserving matches ILSAC GF-5 by combining API SN performance with improved fuel economy, turbocharger protection, emission control system compatibility, and protection of engines operating on ethanol-containing fuels up to E85.
الترجمة كالتالي:
تم تقديمه في أكتوبر 2010، مصمم ليعطي حماية محسنة ضد ترسبات الحرارة العالية على المكابس (البساتم)، وسيطرة أكثر صرامة على الترسبات الطينية، وتوافق مع موانع التسريب (المقصود تأثير غير ضار على الأويلسيلات).
مستوى الـAPI SN الموفر للطاقة يكافئ مستوى ILSAC GF-5 من خلال جمع أداء API SN مع استهلاك وقود محسن وحماية لشاحن التربو، وتوافق مع أنظمة ضبط الانبعاثات، بالإضافة إلى حماية للمحركات العاملة بالوقود المحتوي على الإيثانول حتى مستوى E85 (إيثانول 85%)
وعلشان تحقق كل ده .. الزيت لازم يكون له مواصفات معينة .. وده بيستلزم عدم وجود بعض المواد الضارة وكمان وجود بعض الإضافات الضرورية...
علشان كده .. مجرد وجود رمز API SM أو SN بيضمنلك حد أدنى من الإضافات في الزيت.. واللي أحيانا بتبقى أكثر مما يحتاجه المحرك لو كان المحرك تصميمه قديم.
طبعا.. الكلام ده بيترجم لمواصفات معقدة ومطولة صعب على الناس تفهمها إلا المتخصصين جدا..
الملف ده فيه ملخص لمواصفات API الفنية المطبقة حاليا في أغلب الزيوت في السوق...
https://www.infineum.com/media/80723...ifications.pdf
أو ممكن تنزله من هنا بردو..
API Engine Oil Classifications
لما تفتحه هتعرف قد إيه المسألة مش سهلة أبدا الناس تفهمها...
الاختلاف بين مواصفات الزيت (API - ACEA - ILSAC - JASO - ...إلخ) بييجي من إن بعض المواصفات بتركز على ناحية معينة في الأداء مختلفة عن اللي بتركز عليها المواصفة التانية .. وده كله حسب توجهات البلد اللي أصدرت المواصفة...
مواصفات الـAPI أمريكية... مناسبة لأغلب السيارات الأمريكية وكل ما يجري في فلكها أو بيعتبر السوق الأمريكية هي سوقه الرئيسي... زي السيارات اليابانية والكورية.. وأي سيارات أخرى بتستخدم تكنولوجيا يابانية أو أمريكية.
مواصفات الـACEA أوروبية... مناسبة لأغلب السيارات الأوروبية.. وكل ما يجري في فلكها أو بيعتبر السوق الأوروبية هي سوقه الرئيسي.. زي السيارات فورد الأوروبية أو أي سيارات يابانية أو كورية مباعة في أوروبا.
ولسه كمان المواصفات الخاصة بالشركات... ودول كتير قوي.
...
شكرا جدا لصالحب الموضوع وبعد قراءة بتركيز لاغلب الاسئلة والردود
تم اختيار زيت wolf 20w50 sn
والعربية موتور حالته جيدة عامل 270 الف كيلو
هل الاختيار دة سليم ولو فيه احسن ياريت تنصحوني بيه
الكتالوج جبته عالنت بيقول اللزوجة المثلي 10/40 او 15/40 و الموجود منها تخليقي او شبه ودة سمعت انه مش كويس للعربيات القديمة عشان كدة حطيت 20/50
الزيت كويس في شغله من حيث الحرارة وصوت الموتور الهادي لكن بيكتف العربية والسحب قل شوية
هل ممكن لما اغير بعد كدة احط شبه تخليقي مثلا
لسه ناقصني معلومات علشان أقدر أرد على حضرتك..
ولو حضرتك قريت الموضوع.. هتعرف إن مواصفات الكتالوج مش لزوجة وبس... فيه حاجات أهم بكتير اسمها مستوى الأداء أو الجودة..
وكمان لو حضرتك قريت موضوعنا ده كويس.. هتاخد بالك إني مشدد على مسألة إنك متديش ودنك لحد.. وكلمة "سمعت إنه كويس" أو "سمعت إنه وحش" دي أكتر حاجة هتخليك تتوه وتاخد قرار خاطئ.
وبالنسبة لموضوع العربيات القديمة.. فكل اللي حضرتك سمعته ده كلام فارغ وأساطير خاطئة مبنية على فهم خاطئ تماما لكيفية التعامل مع العربيات القديمة.
أنصحك تدخل هنا لو عايز تعرف أكتر..
أسطورة الـ100 ألف كيلومتر... هل لها أصل؟؟؟
من فضلك..
قولنا نوع العربية وموديلها... أو صوّر لنا توصيات الكتالوج .. وإن شاء الله نساعدك.
...
ما هو أفضل زيت لموتور هيونداى أكسنت 2017 عاملة 150000 كيلو فى مصر
أفضل زيت هو المكتوب في كتالوج عربيتك يا فندم..
والموضوع كله هو اختيار زيت تكون مواصفاته زي المطلوب في الكتالوج أو أحسن منه...
المسألة ملهاش أي صلة بعدد الكيلومترات اللي ماشياها العربية...
يا ريت تراجع الموضوع بتاعنا هنا تاني.. وأرجو أنه يكون فيه المعلومات الكافية...
وعلشان ما أبقاش مقصر مع حضرتك.. يا ريت تصورلنا صفحة الكتالوج اللي فيها مواصفات الزيت .. وإن شاء الله نساعدك تلاقي الزيت المناسب.
بس خد بالك إن المواصفات مش مجرد اللزوجة.. فيه حاجات تانية أهم من اللزوجة اسمها "مستوى الاداء" .. ودي ليها أكواد معينة هلاقيها مكتوبة في الكتالوج بردو...
في انتظار صورة الكتالوج.
...