باشا مردتش على سؤالى الخاص بزيت الفتيس الشائع التزويد ولا انزل كل الزيت واغيره وايه الزيت الافضل للفتايس القديمه انا بستخدم mobel hd80w-90 ايه راى حضرتك
وشكرا على نصيحه الXPL-SM 20W50 وكمان طلع بيتغير على 5000
ملف مرفق 15450
باشا مردتش على سؤالى الخاص بزيت الفتيس الشائع التزويد ولا انزل كل الزيت واغيره وايه الزيت الافضل للفتايس القديمه انا بستخدم mobel hd80w-90 ايه راى حضرتك
وشكرا على نصيحه الXPL-SM 20W50 وكمان طلع بيتغير على 5000
ملف مرفق 15450
حطها دايما قاعدة في دماغك: اللي يحدد نوع السوائل وعمرها في العربية هو كتالوجها.... بس
كتالوج عربيتك طالب مواصفات زيت الفتيس كالتالي:
زيت بمستوى أداء gl-5 ولزوجة sae 80 أو sae 75w
أو زيت مطابق لمواصفة فولزفاجن رقم g50.. بلزوجة sae 75w-90
على كلام فولزفاجن... الزيت المفروض بيتزود بس.. بس فيه ناس اشتكت إنه مش بيعيش كل ده ولازم يتغير كل 50 ألف كم تقريبا.
أنا شخصيا أفضل التغيير بالكامل
لو لقيت عند موبل زيت بلزوجة sae 75w-90 يبقى ده مناسب جدا.. خصوصا إن حتلاقي مستواه عالي (gl-5)
بالنسبة لزيت التعاون.. إن شاء الله تتبسط معاه لإنه معمول بالمواصفات اللي تريح موتور عربيتك..
بس مسألة الـ5000 دي ما تحطهاش في دماغك... الزيت بيتغير حسب المدد والمسافات اللي في كتالوج عربيتك بس..
المشكلة إن جدول الصيانة بينزل في كتيب منفصل.. وده مش موجود على النت :(
عموما.. احتياطي خليك ماشي على الـ5000 كيلو.. ولو إني أظن إنه الكتالوج حيقوللك الزيت ممكن يتغير على أكتر من كده..
وما تنساش بردو إنك لو بتمشي مسافات قليلة في السنة (أقل من 5000 كم في 6 شهور) يبقى لازم تغير الزيت بالمدة الزمنية.. مش بالمسافة..
والزيوت المعدنية بتتغير كل 6 شهور.. حتى لو ما عملتش المسافة بتاعت الكتالوج.
...
بارك الله فيك ححاول اشوف sae 75w-90
متشكر على تعبك معايا
السلام عليكم استاذنا جزاك الله خير انا قرأت موضوعك باهتمام واستفدت منه في حاجات كتير بس ليا سؤال انت ذكرت ان الزيت المكتوب على الكاتلوج هو اقل نوع زيت مفروض تستخدمه لسيارتك . انا في سيارتي موصى ب 5w40 هل معنى كدا انه الانسب لي هو 0w40 ؟؟
المقصود هنا طبعا هو مستوى أداء وجودة الزيت... وده ما لوش دعوة نهائي بلزوجة الزيت
الخطأ الشائع بين الناس إن مواصفات الزيت هي لزوجته...
وده خطأ كـبـــيييييييييييييير
مواصفات الزيت دايما بتبقى حاجتين.. لزوجة ومستوى الأداء...
ومستوى الأداء أهم بكتيييير من لزوجته..
راجع الموضوع تاني.. هتلاقي كلام كتير عن مستوى الخدمة (الأداء)... وهو ده اللي تراعي إنه يبقى أحسن من الموصى في الكتالوج بتاعك.
...
بيتهيأ لى انت بتتكلم عن اختيار اللزوجه المفضله ؟؟ .. و امكانيه استعمال زيوت 0W
- اللزوجه المفضله بتكون موضحه فى جدول اللزوجات .. او مكتوبه فى صفحه اللزوجات
و الاختيار حيكون حسب استعمالك و الاحمال و طريقه القياده ..
فى العاده بتكون اقل لزوجه مسموحه لجو البلد ( و لكن موش شرط ) .. بشرط عدم التحميل الزائد جدا على الموتور
- لو كتالوج عربيتك موصى بلزوجه مفضله 5w40 مثلا ..
الرقم العالى 40 ده ستلتزم به .. و هو ده الرقم اللى يهمك ( و ده بيوضح لك اللزوجه المفضله عندك بعد وصول الموتور و الزيت لدرجه حراره التشغيل ) .. يعنى مثلا ما تستعملش زيت 5W20 لان لزوجه ال 20 او 30حتى غير كافيه لحمايه الموتور
الرقم المنخفض 5W ( و ده بيوضح لك انسيابيه الزيت فى درجه الحراره البارده عند بدء التشغيل ).. برضه المفروض تلتزم بيه ( الافضل ) .. خصوصا فى الجو الحار زى مصر يعنى لو كتالوجك طالب 15W او 10W يبقى ( الافضل ) عدم استعمال 5W مثلا
- الاجابه المختصره لسؤالك .. من وجهه نظرى يمكنك استعمال 0W40 اذا كان كتالوجك طالب 5W40 .. لو انت عايز تستعمل موبيل 1
زيوت ال 0W هى حاله خاصه .. لانها بتكون مصنوعه من اجود انواع زيت الاساس .. و قد تكون كمان زيوت مجموعه رابعه او خليط من ثالثه و رابعه ( بس موش مؤكد و تحتاج بحث )
و لاحظ ان متطلبات الاختبارات القياسيه لتحديد الرقم اللى قبل ال W .. هى نفس المتطلبات ( نفس الارقام ) سواء لزيوت ال 0W او ال 5W .. مفيش اى فرق غير ان زيوت ال 0W اجود و انسيابها افضل عند درجات الحراره البارده .. و كمان منحنى اللزوجه بتاعها افضل ( اللزوجه عند درجه التشغيل اقل قليلا من لزوجه ال 40 العادى )
و من وجهه نظرى زيوت ال 0W هى افضل من زيوت ال 5W بصفه عامه
- موضوع الرقم اللى قبل ال W .. ده موضوع كبير و مش حتلاقى رد واضح و شافى فيه مهما حاولت
اللى انا فهمته من قراءه طويله جدا .. ان طالما الحراره لم تنخفض عن الصفر المئوى .. يبقى تأثير الرقم اللى قبل ال W شبه منعدم خصوصا فى الزيوت التصنيعيه سواء من مجموعه 3 او 4 او اعلى .. و الامر يختلف فى الزيوت المعدنيه الرخيصه مجموعه 1 و 2 لوجود نسبه ملوثات كبيره بها ( خصوصا ال WAX )
انا لا افضل الانتقال من 10W الى 5W ( محتاج بحث ) .. لكن الانتقال الى زيوت 0W لا اعتقد ان فيه مشكله ( على ما اعتقد )
- لكن حاقول لك حاجه .. شركه زى موبيل .. بتبيع فى مصر .. و عارفه جو مصر الحار .. و ليها زيوت لاحتياجات السوق فى مصر .. مع ذلك وضعت زيت واحد فقط للمحركات الجديده هو 0W40 ( لمتطلبات لزوجه مفضله 40 )
ده معناه ان رقم ال 5W ( و احتمال كمان ال 10W .. بس محتاج بحث ) يمكن ان يحل محلهم زيوت ال 0W .. و اكرر زيوت ال 0W حاله خاصه بسبب مكوناتها و تصميمها
:Ta_clap[1]::Ta_clap[1]: تسلموا كتير يا اساتذة
عندي سؤال متعلق بزيت الجير انا نزلتله موضوع في الورشة لكن لسة ماحصلت رد .. هو واني بغير المكينة نزلوا معاها الجير وغيروا الزيت الخاص به بزيت مطابق المهم حصلت لي نتعة عند الانتقال من ال n لل d فقط النتعة دي ماكانتش موجودة زمان باقي التبديلات مافيها صوت والقيادة سلسة والتسارع طبيعي
وازيدكم النتعة دي مابتحصلش في الصباح الباكر او السيارة باردة بتحصل بس لما السيارة تحمى .. فايه رايكم اغير زيت الجير مع الفلتر ولا ايه ؟
بس المشكلة تغيير زيت الجير المتكرر ممكن يبوظه غير انه التغيير في حد ذاته غالي حبتين :rfds:
هو حضرتك متأكد غن الزيت مطابق للكتالوج؟؟؟
لو انا فاهم صح .. عربية حضرتك فولزفاجن.. وفولزفاجن بتطلب زيوت حسب مواصفاتها هي.. والمواصفات دي بيبقى ليها كود معين .. بيبدأ بحرف g
أرقام زي كده: G 052 162 a2 (لعربيات فولزفاجن بين 1995 و 2005) أو g 052 182 a2 (لعربيات فولزفاجن من 2005 لحد 2012)
معظم العربيات الأوروبية والألمانية بالذات بتركب فتايس من إنتاج شركة zf الألمانية... بس أحيانا بعض الفتايس الأوتوماتيك بتبقى من إنتاج شركة أيسن اليابانية (تابعة لتويوتا)... وفي الحالة دي زيوت تويوتا هي اللي هتشتغل ..
لازم نعرف الأول نوع الزيت اللي اتحط عندك.. ولازم نعرف الكتالوج عندك طالب إيه علشان نتأكد من إن الزيت اللي عندك كان فعلا مطابق للمواصفات ولا لأ.
الزيت اللي موصى به للجير في الكتالوج هو G052 990A2
الزيت اللي انا استخدمته هو زيت الماني اسمه VAICO ومواصفاته ATF G052
لحسن الحظ انا كنت اخدتله صورة وانا بشتريه من البائع
http://www.mediafire.com/convkey/cae...a1wy8cttzg.jpg