كتالوجات هيونداي بشكل عام بتوصي بتغيير الزيت في منطقة الشرق الأوسط كالتالي:
كل 10 آلاف كيلومتر أو 6 أشهر في الحالات المثالية..
أو
كل 5000 كيلومتر أو 6 أشهر في الحالات الشاقة.
وحسب وصفك.. فالأكيد إننا هنروح على نظام الحالات الشاقة.
...
استاذ borio1704 محترف الزيوت بلا منافس
انا معايا سكودا فيفورت نفس محرك اسكودا فليشيا
ما هو رقم اللزوجه الموصى بها لو سمحت
وسؤال اخر
لو حاله المحرك غير جيده بيكون ايه الاجراء الافضل نجيب زيت درجه لزوجه اعلى
مش مفروض الإعلانات تكون بالطريقه دى ؟؟؟؟؟؟؟؟؟؟؟
دي صفحة مواصفات الزيت من كتالوج الاشكودا فيفوريت
http://nileup.com/up/uploads/nilemotors_14170928951.png
طبعا الصفحة مكتوبة بالتشيكي.. :) .. بس نقدر نطلع منه مواصفات بردو ..
اللزوجة المسموحة هي 20W-50 أو 15W-50.. ووممكن تحط 15W-40 في الشتا.
ومستوى الأداء
API SF على الأقل... يعني يمشي معاك SG و SH و SJ و SL و SM و SN
CCMC-G2 أو G4 (ده التصنيف القديم اللي قبل الـACEA .. مش هتلاقيه في أي زيت في مصر.. انساه).
VW 501.01 .. دي مواصفة فولزفاجن للمواتير اللي عملتها فولزفاجن قبل سنة 2000
أنا شخصيا أنصحك تحط زيت التعاون XPL-SM.. لإنه مطابق لنفس مواصفة فولزفاجن دي وكمان مستوى أداؤه عالي جدا حسب مواصفة API...
ده غير إن سعره يعتبر معقول جدا وأرخص من كل الزيوت التانية اللي من الماركات المشهورة (موبل - شل - كاسترول - توتال).. ومستواه أعلى منهم كلهم.
عموما.. تقدر تنزل الكتالوج من هنا...
ŠKODA Favorit - Owner's manuals - ŠKODA
بالنسبة لحالة الموتور...
أعلى لزوجة تقدر تحطها هي 20W-50 .. لو حضرتك كنت بتحطها أصلا .. إيه اللزوجة اللي ممكن نعلى بيها عن كده؟؟؟
هي إيه المشاكل اللي عندك في الموتور بالضبط؟؟؟
...
انا لسه شارى العربيه والموتور بحاله جيده مبدئيا ولسه ححط اول غيار زيت وحنفذ نصيحتك زيت التعاون xpl-sm
سؤالى عن اعلى لزوجه كان عام احتياطى لو لاقيت اى مشكله فى المكنه لان شائع ان لو المكنه حالتها متوسطه بيتحط لها زيت اتقل فكنت عايز اعرف رايك العلمى عموما انت حددتلى الحد الاقصى20w-50
الف الف شكر لحضرتك
اختيار اللزوجة له قواعد تعتمد أساسا على أسلوب سواقة العربية..
إنما مسألة زيادة اللزوجة مع زيادة التآكل غرضها الأساسي هو تقليل استهلاك الزيت (نقص الزيت نتيجة احتراقه مع البنزين داخل السلندر).
ولكن زيادة اللزوجة في الحالة دي بتأثر بردو على الموتور كله .. لإن اللزوجة العالية معناها تزييت أبطأ.. والموضوع ده حساس جدا في المواتير الحديثة.
رأيي تشوف المواضيع دي بردو علشان نبقى بنتكلم مع بعض بلغة واحدة..
http://www.nilemotors.net/Nile/481878-a.html
http://www.nilemotors.net/Nile/492938-a.html
http://www.nilemotors.net/Nile/477071-100.html
...
انا متابع مواضيع حضرتك وشوفتها
سؤال تانى لو سمحت حضرتك مبتنصحش بالفلاش اللى بيغسل الا لو فى اتساخ شديد ورواسب طينيه
فى الحاله بتاعتى العربيه كانت مع ناس مهملين جدا والزيت لونه اسود جدا فكنت بفكر فى الفلاش لاكن كلامك خوفنى لانى فكيت غطا وش السلندر ولاقيت الوضع طبيعى
فى فكره متوسطه فى دماغى انى اشوف ارخص نوع زيت واحطه للغسيل وانزله بعد مشوار قصير مجرد ياخد اى اوساخ
وانا بغير الفلتر مع كل غيار زيت الكلام ده افضل ولا له مده
سؤال تانى لو سمحت زيت الفتيس يتغير كله ولا يتزود بس كما هو شائع وايه افضل الانواع واللزوجه
موضوع اسطورى تسلم ايدك
وبما انك راكب سيراتو تنصحنى بنوع زيت ايييييه :praying: معايا سيراتو بردو
الله يكرمك :) المهم تكون استفدت فعلا منه
المسألة تعتمد على حسب أسلوب سواقتك وأولوياتك المادية..
عموما.. الكتالوج طالب مواصفات محددة وأي زيت يغطي الطلبات دي هيبقى ممتاز
والطلبات كما يلي:
مستوى الأداء.. Api sm على الأقل و ilsac gf-4 على الأقل... أو acea a5
اللزوجة.. 5w-30 أو 5w-40 أو 10w-30 أو 15w-40 أو 20w-50
والكتالوج بيفضل أخف لزوجة للتوفير في البنزين.. إنما ممكن نحط زيوت أتقل لو ما لقيناش أخف لزوجة أو لو كانت استخدامات العربية محتاجة لزوجة أتقل.
للأسف .. الزيوت المطابقة للكتالوج تعتبر قليلة نسبيا في السوق المصري..
موبل1 x1 بلزوجة 5w-30
بترومين a-1 سوبر سنثيتك بلزوجة 5w-30
آمسويل oe بلزوجة 5w-30
آمسويل xl بلزوجة 5w-30
آمسويل سجنتشر بلزوجة 5w-30
آمسويل oe بلزوجة 10w-30
آمسويل xl بلزوجة 10w-30
آمسويل سجنتشر بلزوجة 10w-30
التعاون xpl-sm بلزوجة 20w-50
أنا شخصيا باستخدم زيت بترومين a-1
...