الموضوع: تقرير مصور عن الفيرنا بعد 120.000 كيلومتر

السلام عليكم ورحمه الله وبركاته ..
طبعا لو انا قعدت اوصف المراحل اللي مرت بيها الفيرنا لغاية ما توصل لل 120000 الف مش هاعرف ..بس ها اقول وضع دلوقت اية

نبتدي ..
اولا انا محافظ جدا جدا علي مواعيد زيوتها ان كانت للموتور او للفتيس الاوتو
نقدر نقول انا با استخدم زيت موبيل 10.000 من بداية استخدامها تقريبا وبغيرة علي 8.000 كلم
وبا استخدم زيت موبيل برده ATF320 للفتيس الاوتو بتاعها وكنت قبلة زيت فالفولين وبيتغير كل 40.000 كيلومتر

وبرده محافظ جدا جدا علي مواعيد تغيير السيور بتاعتها وخصوصا سير الكاتينة ..كل السيور علي 40.000 الف والكاتينة + البليتين بتوعها كل 60.000 الف كيلو

وغيرت الجنوط الحديد من طقم 14 .. ل جنط 15 ..بداية من اللاسه التركي وصولا لكاوتش الماني اسمة باروم .. وتقريبا غيرت في المده دي 3 انواع
جنط 15 .. 195*50*15 ..جنط كويس ومش بيحك وثباتها اتحسن علية

غيرت طقم الكلاكسات بتاعها عشان باظ

وشحنتلها التكييف مرة ب نوع اسمه R134a ده فريون كويس ..

وغيرتلها الفلتر بتاع الهوا بتاعها ل فلتر رياضي اسمة K&N تأثيرة جميل جدا في السحب والبنزين

عملتلها طبعا زوايا عادي جدا وبقت تمام وها ارفع المقاسات بتاعتها
لاقيت ان ترصيص الحصان ده احسن ترصيص وها تلاقو مواضيع مصوره علية

غيرتلها طقم مساعد امامي هوا وزيت ماركة ماندو ..مش بطال وكويس جدا
وطقم خلفي ماركة kyb ما انصحش بية .. مش كويس
..

النتيجة ..والحمد لله بعد 120.000 الف

نقول علي سحب البنزين
بتعمل كل 20 لتر بنزين 195 كيلو متر ..بدون تكييف وعلي سرعات مختلفة 100ل 110 كيلو
وبتعمل كل 20 لتر بنزين 180 كيلو متر تقريبا بالتكييف وعلي سرعات

نقول علي صوت الموتور ناعم لاني با استخدم زيت تخليقي

ونقول علي صيانتها ..صيانه خفيفة ..

الدهان الفبريكه لونة انطفا .. وعاوزة تتلمع من جديد

وربنا يدمها نعمة ...

اسيبكم مع الصور ..

ده الكلاكس اللي انا غيرتة


وده ترصيص الحصان


وده فلتر الهوا الرياضي


دي الطنابير اللي خرطها مرتين

ده زيت الاوتوماتك ..2.6 لترات بس



دي الزوايا بتاريخ قديم وكمان زوايا بتاريخ جديد



عشان نشوف الفرق ..يعني بيت تظبيطها زمان وتظبيطها بعد ال 120000 الف

اتمني اكون افدتكم
استودعكم الله