مشوار 20,000 كم مع الصني الجديدة, وكلام كتير يهمك

**zambarota** · 23-03-2013 08:01 PM

السلام عليكم ورحمه الله وبركاته

الف حمد لله على سلامتك

ومبروك على تثبيت الموضوع

عايز اقولك كلام فى سرك بس ميطلعش لحد

انا فعلت الانذار ببلاش

وحمد لله على سلامتك مره اخري

**the_air_devil** · 24-03-2013 11:04 AM

المشاركة الأصلية كتبت بواسطة bishoy.girgis

الف و الوف سلامة عليك يا احمد انت و زوجتك .. انت من الشخصيات المحترمة اللي فعلا اتبسطت كتير بالتعرف عليك .. و انا شخصيا ً بعتذر لك عن عدم السؤال بس حقيقي انا في الفترة الاخيرة مبدخلش القسم كتير علشان ضغط الشغل عندي الايام ديه .. حمدلله علي السلامة و ربنا معاك ..

بالنسبة لموضوع الانذار .. بجد انا اتضايقت جدا لأن المفروض ان العربية تكون مجهزة بالانذار بالسوفتوير .. فبفضل تصعيد الموضوع و اعتقد انك لو كنت ضغطت شوية عليهم لأنه حقك .. كان الموضوع اتعمل بدون دفع اي مبالغ ..

اهلا بعودتك و متشكرين جدا جدا علي التقرير الرائع الوافي اللي بطالب بتثبيته فورا بالمواضيع المثبتة بالقسم نظرا ً لما فيه من معلومات قيمة جدا .. شكرا ..

انت اللي كلك ذوق يا بيشوي وإنسان محترم وجميل ... كلنا فعلاً مضغوطين اليومين دول وربنا يعديها على خير ...

فعلياً انا مضطر اروح اعمل صياناتي مع السبع , لكن للأسف بدأت افكر اغير المكان وطظ في أي خصومات بيدوهالي لأنهم بياخدوها باليد التانية ... بافكر اروح أوتو إيجبت لأن الناس بيشكروا فيه أكتر

ومتشكر جداً جداً على تثبيت الموضوع

**the_air_devil** · 24-03-2013 11:05 AM

المشاركة الأصلية كتبت بواسطة zambarota

السلام عليكم ورحمه الله وبركاته

الف حمد لله على سلامتك

ومبروك على تثبيت الموضوع

عايز اقولك كلام فى سرك بس ميطلعش لحد

انا فعلت الانذار ببلاش

وحمد لله على سلامتك مره اخري

هو ده اللي المفروض يتم فعلاً ... عندي إحساس كبير ان الناس دي كانت بتستهبل .... بالفعل هابدأ اغير مركز الصيانة

**hytham.abbas** · 24-03-2013 08:13 PM

شفاك الله و عافاك انت و زوجك ربنا يكرمك و يبارك لك فى السيارة ما شاء الله انت ما سبتش حاجة و فعلا قصة الفرامل دى انا حسيت بيها عند 9000 تقريبا و الصوت عمال يزيد و يختفى و يزيد و حاجة غريبة لكن تقريرك ممتاز يا اخى ربنا يوفقك

**hatem_swaf** · 24-03-2013 11:22 PM

جزاك الله خيرا. تقرير أكثر من رائع

**modygamal2000** · 27-03-2013 12:15 PM

الف مليون شكر على المجهود
تقرير فوق الممتاز
بارك الله فيك

**د. علاء ابراهيم** · 28-03-2013 11:12 AM

رااااااااااااااااااااااائ ع و جازاك الله خيرا و الف حمد لله على السلامة

**m0hamedgaber** · 29-03-2013 01:47 PM

مش عارف اشكر حضرتك ازاى على هدا المجهود. انا بفكر فعلا اشترى العربيه دى ومحتاج نصيحه من حضرتك اتوكل ع الله واشتريها ولا بلاش ؟! وهل فى فروق كبيره بين العادىه والسوبر صالون ؟ خاصة شكل التابلوه ؟!

**the_air_devil** · 30-03-2013 10:03 AM

المشاركة الأصلية كتبت بواسطة m0hamedgaber

مش عارف اشكر حضرتك ازاى على هدا المجهود. انا بفكر فعلا اشترى العربيه دى ومحتاج نصيحه من حضرتك اتوكل ع الله واشتريها ولا بلاش ؟! وهل فى فروق كبيره بين العادىه والسوبر صالون ؟ خاصة شكل التابلوه ؟!

لا شكر على واجب ...

هي عربية كويسة ويعتمد عليها في حاجات كتير ونسبياً سعرها يعتبر الأفضل في فئتها حالياً , وكمان عيوبها زي ما ذكرتها في التقرير من خلال مشواري معاها

اما الفروق بينها وبين السوبر صالون فده يعتبر فرق نسبي في الكماليات , يعني ممكن حد يعتبره فرق شاسع وحد تاني زيي يعتبره فرق بسيط مش مؤثر

العفشة هي نفس العفشة , الموتور وكل الأجزاء الميكانيكية متطابقة ,

الفرق في الزجاج الخلفي المعتم , جنوط سبور , سبويلر على الشنطة , البلوتوث مدمج في العربية , العداد شكله أشيك وأجمل بصراحة , لكن في الأول وفي الآخر هو عداد !!

فيه كمان فرق بسيط في الفرش , ان الأبواب من جوة عليها قماش , ومقابض الأبواب متركب عليها نواكل. ... لو حضرتك شايف ان الفرق ده يستاهل الفرق في السعر توكل على الله , أما لو الحاجات دي مش بتفرق معاك ومقبولة توكل على الله كذلك , أما لو العربية على بعضها مش بتنافس من وجهة نظرك اللانسر والريو أو أي حاجة تانية في نفس الفئة , استخر ربنا وشوف اللي قلبك يطمئن ليه , لأنك هاتشتري رفيق على الطريق وسلعة معمرة وشقى عمر ... يبقى حضرتك اللي تاخد القرار بنفسك بناءً على تجارب الناس مش على آراءهم , وألف مبروك مقدماً على أي عربية ربنا هايكرمك بيها ويرزقك بإذن الله خيرها ويكفيك شرها

**limo81** · 30-03-2013 10:37 AM

أولاً...حمدلله على سلامتك انت والأسره
ونأسف على عدم السؤال لأنى ايضاً منحوالى شهر ونص مدخلتش ع المنتدى

ثانياً احييك واشكرك على الموضوع الجامد جدا والحيادى لدرجه تفوق الوصف قلما ونادراً نجدها فى المنتدى (كل واحد شايف ان عربيته هى الأصل 100 100 والباقى اتضحك عليه)

ثالثاً....استفسار

هل المقصود بتفعيل الإنذار اللى هو بيتعمل سوفت وير...ان اى محاوله لفتح العربيه بدون الريموت تصدر الصوت الجامد ده

لأنه لو كده يبقى حاجه من اتنين 1-متفعل عندى من المصنع "استلام 12/2012"
أو 2- عند برمجه السياره computer reset عن طريق المفتاح وزراير الزجاج(كنت عملته اول ما استلمت العربيه واتكلمنا عليها فى موضوع سابق)
بيتفعل معاها الانذار

الموضوع: مشوار 20,000 كم مع الصني الجديدة, وكلام كتير يهمك

LinkBack

أدوات الموضوع

عرض

-

-

-

-

المواضيع المتشابهه

تقييم لأداء الصني في مشوار من أسوان للقاهرة

كلام كتير عن الصني الجديدة ...هو ده اللي في بالك.؟؟

الياريس الجديدة هتاكل عربيات كتير في السوق .. مين مع الرأي ده !!

بعض الإستفسارات في الصني الجديدة

هل الصني فعلا بتاكل بنزين كتير

الكلمات الدلالية لهذا الموضوع

المفضلات

المفضلات

ضوابط المشاركة