مشوار 20,000 كم مع الصني الجديدة, وكلام كتير يهمك

**the_air_devil** · 30-03-2013 05:15 PM

المشاركة الأصلية كتبت بواسطة limo81

أولاً...حمدلله على سلامتك انت والأسره
ونأسف على عدم السؤال لأنى ايضاً منحوالى شهر ونص مدخلتش ع المنتدى

ثانياً احييك واشكرك على الموضوع الجامد جدا والحيادى لدرجه تفوق الوصف قلما ونادراً نجدها فى المنتدى (كل واحد شايف ان عربيته هى الأصل 100 100 والباقى اتضحك عليه)

ثالثاً....استفسار

هل المقصود بتفعيل الإنذار اللى هو بيتعمل سوفت وير...ان اى محاوله لفتح العربيه بدون الريموت تصدر الصوت الجامد ده

لأنه لو كده يبقى حاجه من اتنين 1-متفعل عندى من المصنع "استلام 12/2012"
أو 2- عند برمجه السياره computer reset عن طريق المفتاح وزراير الزجاج(كنت عملته اول ما استلمت العربيه واتكلمنا عليها فى موضوع سابق)
بيتفعل معاها الانذار

الله يسلمك ويبارك فيك

لا شكر على واجب ... ده اللي المفروض يحصل والمنطقي من الناس , التحيز ده هو اللي غريب وبقى طبيعي اليومين دول !

بالفعل التفعيل ده زي مانت تقصد ... ممكن يكون فعلاً نازل متفعل عندك (وبالذات لو سوبر صالون ) وممكن يكون حصل مع ريسيت كومبيوتر العربية ... أياً كان كويس انه شغال عندك الحمدلله ...وربنا مايحوجنا ليه أبداً :)

تحياتي

**khad85** · 01-04-2013 10:29 AM

السلام عليكم
انا سجلت في المنتدى عشان اقدر اسال حضرتك
انا محتاجة عربية اوتوماتيك لداخل البلد وسفر من الاسكندرية لبرج العرب كل كم اسبوع
وسفر للقاهرة كل كم شهر
واستقبال الاهل من المطار كل كم شهر فمحتاجين شنطة كبيرة وعربية واسعة
يعني الكرسي اللي ورا ممكن ياخذ 4 افراد كبار مرتاحين ولا صعب ؟
وثبات على الطريق، الطبيعي مش بنزود عن 130
صيانة محترمة تجربتنا مع العالمية صيانة رينو حاليا 5 سنين محترمين جدا ومنظمين ومريحين
اقتصادية فالبنزين
قطع غيار اسعارها معقولة
ميزانيتنا ممكن توصل ل 140
استقريت على صني بعد بحث بس بعد موضوع حضرتك قلقت منها
هل ممكن تفيدني حضرتك برايك ؟

**MITSUKERO** · 01-04-2013 10:59 AM

الموضوع جميل اوي اوي و استفدت منه جدا خصوصا اني بفكر اجيب العربية دي لمراتي و اكتر حاجة تهمني الثبات بس شكلي هفكر تاني

شكرا ياباشا

**the_air_devil** · 01-04-2013 11:07 AM

المشاركة الأصلية كتبت بواسطة khad85

السلام عليكم
انا سجلت في المنتدى عشان اقدر اسال حضرتك
انا محتاجة عربية اوتوماتيك لداخل البلد وسفر من الاسكندرية لبرج العرب كل كم اسبوع
وسفر للقاهرة كل كم شهر
واستقبال الاهل من المطار كل كم شهر فمحتاجين شنطة كبيرة وعربية واسعة
يعني الكرسي اللي ورا ممكن ياخذ 4 افراد كبار مرتاحين ولا صعب ؟
وثبات على الطريق، الطبيعي مش بنزود عن 130
صيانة محترمة تجربتنا مع العالمية صيانة رينو حاليا 5 سنين محترمين جدا ومنظمين ومريحين
اقتصادية فالبنزين
قطع غيار اسعارها معقولة
ميزانيتنا ممكن توصل ل 140
استقريت على صني بعد بحث بس بعد موضوع حضرتك قلقت منها
هل ممكن تفيدني حضرتك برايك ؟

أهلاً وسهلاً بحضرتك وقبل كل شئ ربنا يهديكم للقرار السليم

مافيش أي وجه للقلق , حضرتك كل اللي كنت بالفت النظر إليه هو ان ماحدش يجري بيها ولا ياخد غرز وبالذات في الأوقات الترابية أو وقت العواصف ... العربية فعلاً واسعة جداً من جوة والعبد لله طوله 189 سنتيمتر وبالتالي أول حاجة كنت بافكر فيها العربية , والناس بيقعدوا ورايا مرتاحين كمان رغم اني جايب الكرسي ورا على الآخر , فده أعتقد يناسب طلب حضرتك

شنطتها بالفعل واسعة وتشيل حاجات كتير .. مافيش أي قلق من الناحية دي الحمدلله.

من جهة الثبات على الطريق هي ممتازة لحد 140 ... ولازم حضرتك تاخدي بالك من ضغط الكاوتش أسبوعياً علشان ضمان الثبات في أي عربية مش بس الصني

من ناحية البنزين , أنا مشواري الأسبوعي بيوصل 700 كيلو متر وبازود بنزين مرة كل 5 أيام , التفويلة بتعمل معايا 600 كيلومتر , فهل ده من وجهة نظر حضرتك اقتصادي ولا لأ؟ لأنه بالفعل اقتصادي من وجهة نظري

قطع الغيار معقولة "نسبياً" بالنسبة لباقي العربيات في فئتها , هنا في القاهرة مراكز الخدمة كويسة بشكل كبير رغم ان كل مركز مايخلاش من العيوب والمشاكل والحمدلله بيدوروا عليها ويحلوها , بصراحة مش عارف الوضع في اسكندرية لكن فيه شباب جميل هنا كتير اسكندرانية معاهم العربية زي الفل الحمدلله

رأيي لو على طلبات حضرتك ...توكلي على الله وهاتي صني , واستخيروا ربنا وربنا يبارك في كل مايرزقكم مهما كان النوع

تحياتي

**the_air_devil** · 01-04-2013 11:10 AM

المشاركة الأصلية كتبت بواسطة MITSUKERO

الموضوع جميل اوي اوي و استفدت منه جدا خصوصا اني بفكر اجيب العربية دي لمراتي و اكتر حاجة تهمني الثبات بس شكلي هفكر تاني

شكرا ياباشا

يا أهلاً بيك ومتشكر على ذوقك

لو المدام من النوع اللي بيمشي على 180

ماتجيبهاش , غير كدة هاتهالها وانت مطمن ...بس لو اللي هاتسوقها سيدة ياريت تركبلها باركنج سينسور علشان العربية عالية وممكن تتلخم في الركنة علشان مش هاتشوف ورا كويس

تحياتي

**MITSUKERO** · 01-04-2013 11:48 AM

المشاركة الأصلية كتبت بواسطة the_air_devil

يا أهلاً بيك ومتشكر على ذوقك

لو المدام من النوع اللي بيمشي على 180

ماتجيبهاش , غير كدة هاتهالها وانت مطمن ...بس لو اللي هاتسوقها سيدة ياريت تركبلها باركنج سينسور علشان العربية عالية وممكن تتلخم في الركنة علشان مش هاتشوف ورا كويس

تحياتي

هههههههه لا المدام اخرها 130 و ده لما تبقي متأخرة علي الشغل الصبح

الفكرة بس ان طريق السويس طريق خطر شوية و بحس ان الهواء عليه شديد فده اللي مخليني عايز اغير الانوس اللي معاها و اجيب لها صني او عربية اكثر ثباتا و عاجبني جدا في الصني انها عربية واسعة لان كرسي الطفل و العربية بتاعة الطفل واكلين العربية بتاعتها تماما ده غير ان الانوس بتعمل حركات نص كم كتير بس من ستر برنا بتعملها و انا سايقها صدفة ههههه

دي الفكرة كلها

بس انا اساسا عيني علي الصني الجديدة من يوم ما نزلت و ربنا يسهل بقي انا هتابع شوية لحد ما استقر علي حاجة

و بجد شكرا ليك تاني علي التقرير

**khad85** · 01-04-2013 05:45 PM

المشاركة الأصلية كتبت بواسطة the_air_devil

أهلاً وسهلاً بحضرتك وقبل كل شئ ربنا يهديكم للقرار السليم

مافيش أي وجه للقلق , حضرتك كل اللي كنت بالفت النظر إليه هو ان ماحدش يجري بيها ولا ياخد غرز وبالذات في الأوقات الترابية أو وقت العواصف ... العربية فعلاً واسعة جداً من جوة والعبد لله طوله 189 سنتيمتر وبالتالي أول حاجة كنت بافكر فيها العربية , والناس بيقعدوا ورايا مرتاحين كمان رغم اني جايب الكرسي ورا على الآخر , فده أعتقد يناسب طلب حضرتك

شنطتها بالفعل واسعة وتشيل حاجات كتير .. مافيش أي قلق من الناحية دي الحمدلله.

من جهة الثبات على الطريق هي ممتازة لحد 140 ... ولازم حضرتك تاخدي بالك من ضغط الكاوتش أسبوعياً علشان ضمان الثبات في أي عربية مش بس الصني

من ناحية البنزين , أنا مشواري الأسبوعي بيوصل 700 كيلو متر وبازود بنزين مرة كل 5 أيام , التفويلة بتعمل معايا 600 كيلومتر , فهل ده من وجهة نظر حضرتك اقتصادي ولا لأ؟ لأنه بالفعل اقتصادي من وجهة نظري

قطع الغيار معقولة "نسبياً" بالنسبة لباقي العربيات في فئتها , هنا في القاهرة مراكز الخدمة كويسة بشكل كبير رغم ان كل مركز مايخلاش من العيوب والمشاكل والحمدلله بيدوروا عليها ويحلوها , بصراحة مش عارف الوضع في اسكندرية لكن فيه شباب جميل هنا كتير اسكندرانية معاهم العربية زي الفل الحمدلله

رأيي لو على طلبات حضرتك ...توكلي على الله وهاتي صني , واستخيروا ربنا وربنا يبارك في كل مايرزقكم مهما كان النوع

تحياتي

شكرا على الاهتمام ورد حضرتك

**hossam eldeen** · 03-04-2013 08:36 PM

بجد ماشاء الله عليك ,, تقرير اكثر من رااااااائع . وفعلا تنسيق وملاحظات بتقول انك انسان مهتم جدا وفاهم جدا جدا جدا .. ما شاء الله , مشكور بجد

**Youssef.Awad** · 04-04-2013 06:07 PM

1000000 سلامة عليك وعلى العيلة وعود أحمد
تقرير هايل وشامل ومفصل
لكن استوقفنى تغيير تيل الفرامل على 20.000 كم فقط

والحل التيل السيراميك ماركة محترمة زى مونرو الامريكية .. غالى شوية بس ثمنه فيه ومش هاتسمع صوته خالص
Product Details Page

-

الموضوع: مشوار 20,000 كم مع الصني الجديدة, وكلام كتير يهمك

LinkBack

أدوات الموضوع

عرض

-

-

-

-

-

-

المواضيع المتشابهه

تقييم لأداء الصني في مشوار من أسوان للقاهرة

كلام كتير عن الصني الجديدة ...هو ده اللي في بالك.؟؟

الياريس الجديدة هتاكل عربيات كتير في السوق .. مين مع الرأي ده !!

بعض الإستفسارات في الصني الجديدة

هل الصني فعلا بتاكل بنزين كتير

الكلمات الدلالية لهذا الموضوع

المفضلات

المفضلات

ضوابط المشاركة