ألف ألف مبروك عليك العربية هي فعلا النوبيرا عربية تحفة وجميلة قوي

بالنسبة للفتيس الاوتو لي تعليق هام كل الميكانيكية واغلب الناس اللي هتقبلها هيقولك دا فتيس زفت ومش بيكمل سنة ويكرهك فيه (الناس دي غالبا مش فاهمة اي حاجة)
القصة كلها ف عدم المحافظة عليه

يعني اكبر خطر هو ترشيح زيت الفتيس دا وانا متاكد ان التنتيشة دي هو سببها نقص الزيت اللي بيحصل (دا معناه ان كفاءة التفيس بدات تقل)

كل المطلوب منك تحافظ على نفس مستوى الفتيس اطول فترة ممكنة إزاي

حاجة تافه قوي انك تبص على الزيت بتاعه كل اسبوع مرة والعربية شغاله على المارشدير (r) وطبعا شادد الهاند وتقيس مستوى الزيت (أوعى ينقص منك)

وانت بتغير الزيت بتاع العربية خلي الواد يبص عليه ويشوفه برده

دا طبعا ملوش اي لازمة لو انت مش غيرت الجوان عشان تمنع الترشيح وكمان تغير زيت الفتيس وتبدا ف المتابعة بنفسك

على فكرة هو اصلا ثمنه من 800 إلى 1200 على حسب الاسعار وتركيبة ف نص يوم والمصنعية حاجة سهلة يعني مش هتعدي 300 جنية تقريبا

بس حافظ على فتيس عربيتك زي ما وضحت ليك والتوفيق ان شاء الله