الموضوع: مشكلة في اوكتافيا a4 وعايزين نفكر في الحل مع بعض

اهم حاجه في اعتقادي بعد كده سواء المشكله اتحلت مش اتحلت

ورشه هاني او سمير ملهاش حل مشوفتش حد في مصر راحله واشتكى من شغل عنده هو عمله

ف لازم حضرتك بعد كده فعلا تاخد بالك وانت بتودي العربيه لحد حاول متخرش من هاني او استاذ خالد على الاقل

ومتروحش للبرنس الي عملت عنده العمره تاني خالص

المشاركة الأصلية كتبت بواسطة mahmoudysf

طيب شوفو الحل ده يا جماعة
وانا بعرض المشكلة على احد المراكز المشهورة في الاسكودا
صاحب المركز قالي خلاص يعوض عليك ربنا وهات موتور استيراد
المهم الميكانيكي اللي عندو حسيت انو عايز يقولي حاجة بعيد عن صاحب المركز وده راجل معروف هنا في المنتدى
اديتو الامان وطلبت رايه بعيد عن اخونا صاحب المركز اللي اسهل حاجة عندهم غير وخلاص
قالي انا عندي حل ومجرب وكانت نفس المشكلة
قالي هنحل وش السلندر ونشوف البساتم عالية اد ايه على الطبيعة
وانو هيشيل الزيادة من كل بستم وهو راكب والموضوع ده هياخد حوالي 4 ساعات وقالي مش عارف بيستخدم ايه في قشط الزيادة
طبعا هو طلب الامان قبل ما يقولي الكلام ده وطلب ان صاحب المركز ما يعرفش لان على كلامو حرام اغير الموتور عشان حاجة زي كدة
وعرض اني اوفرو مكان وييجي يعملي الحكاية دي وعلى ضمانتو وانو عملها لواحد في باسات قبل كدة ده حتى طلب انو يروح ورشة الراجل اللي عمل العمرة ويعمل الكلام ده عنده عشان العدة يعني معنى كدة واثق هو بيعمل اية
ايه رايكو في الكلام ده

توكل على الله واعمل الحل اللي بيقول لك عليه .. هو ده الحل الوحيد المعقول ... أي ميكانيكي هتعرض عليه المشكلة هيطلع بيك لأقصى خسارة ممكنة علشان ما فيش حد في مصر بيصلح غلطة حد ثاني ..وده مش في العربيات ده في البشر كمان ... واحد صاحبي مرة كان بيولد مرات واحد صحبي ثاني في العيادة ونزفت فاخدها على المستشفى وهناك دكاترة النسا الثانيين عملوا عليها كونصولتو وكل واحد براي وما رضيوش يعملو لها حاجة رغم إن الحل كان بسيط جدا وسهل على اي طبيب يعمله لكن لأن من مصلحتهم تموت لدكتور منافس ليهم في السوق حالة فيخرج من المنافسة بعتوها على مستشفى ثانية على بعد حوالي ساعة ونص وهي بتنزف ... جالها صدمة واعضائها الحيوية كلها اتدمرت وماتت بعد ثلاثة ايام الله يرحمها .. طول ما فيه تضارب مصالح عمر ما حال البلد دي هينصلح ابدا.

المشاركة الأصلية كتبت بواسطة mahmoudysf

طيب شوفو الحل ده يا جماعة
وانا بعرض المشكلة على احد المراكز المشهورة في الاسكودا
صاحب المركز قالي خلاص يعوض عليك ربنا وهات موتور استيراد
المهم الميكانيكي اللي عندو حسيت انو عايز يقولي حاجة بعيد عن صاحب المركز وده راجل معروف هنا في المنتدى
اديتو الامان وطلبت رايه بعيد عن اخونا صاحب المركز اللي اسهل حاجة عندهم غير وخلاص
قالي انا عندي حل ومجرب وكانت نفس المشكلة
قالي هنحل وش السلندر ونشوف البساتم عالية اد ايه على الطبيعة
وانو هيشيل الزيادة من كل بستم وهو راكب والموضوع ده هياخد حوالي 4 ساعات وقالي مش عارف بيستخدم ايه في قشط الزيادة
طبعا هو طلب الامان قبل ما يقولي الكلام ده وطلب ان صاحب المركز ما يعرفش لان على كلامو حرام اغير الموتور عشان حاجة زي كدة
وعرض اني اوفرو مكان وييجي يعملي الحكاية دي وعلى ضمانتو وانو عملها لواحد في باسات قبل كدة ده حتى طلب انو يروح ورشة الراجل اللي عمل العمرة ويعمل الكلام ده عنده عشان العدة يعني معنى كدة واثق هو بيعمل اية
ايه رايكو في الكلام ده

اهم حاجة "تربط الصنايعي"
في صنايعى بيضحك عليك في الوقت او في الفلوس او في الشغل او في الـ 3 مع بعض لو ماكنش الاتفاق واضح من الاول

الصنايعى الاولانى ضحك عليك في الوقت والشغل والفلوس ، وده اسوأ صنايعي على الاطلاق

الراجل الاخير ده الحل اللى بيقولهولك كويس ، بس خليك وراه للاخر وهات اخره في الوقت والفلوس والنتيجة المطلوبة يعنى تشترط عليه من الاول انت عايز النتيجة ايه بالظبط في وقت وتكلفة قد ايه واللى اوله شرط اخره نور

مثلا انت عايز عربية كاتينتها مظبوطة ما بتسقفش ما بتسخنش والسحب كويس وصوت الموتور طبيعى في وقت كذا كذا كذا ، بفلوس كذا كذا كذا ، ولو ما حصلش المطلوب يبقى كذا كذا كذا ...

للاسف اي خلل في الاتفاق المبدئى مع اي صنايعى في واحد من ال3 دول ( الوقت والفلوس والنتيجة المطلوبة ) بتبقى نتيجته ان الصنايعى بيجرجرك ويعذبك معاه ويبدأ يستفزك ويساومك ( على الاقل خالص في الوقت والفلوس ودى تعتبر اقل الاضرار)

خلى بالك كويس اوى وربنا معاك ويعمللك اللى فيه الخير