الموضوع: طلعت الرخصة وللاسف بالفلوس :(

السلام عليكم
للاسف طلعت الرخصة النهاردة بفلوس علشان اخلص وارتاح
جوزى مش بيحب الوقفة والروتين بتاع الحكومة انا كنت ضد الفكرة بس صعبوها علينا لانى كده كده كنت هادفع علشان الاشارات لانى خايفة منها وكنت ناوية اعديها بالفلوس و امتحن السواقة بعربيتى من غير واسطه بس قالولى انى بعد ما ادفع 400 جنيه فى الاخر ممكن لا قدر الله اسقط سواقة ويبقى راح عليا فلوس الاشارات ف جوزى قاللى نشترى نفسنا ونطلعها كلها بأه واروح على التصوير وبس
وقد كان..
بس زعلانة والله على حال بلدى اللى بأه كله بيمشى بالفلوس احنا بردو مرخصين العربية بالفلوس ربنا يكون فى عون الناس العادية اللى بتتحمل بهدلة الروتين دى والطوابير والوقفة
امتى هاتنضف البلد وكل واحد يراعى ضميره من غير مقابل
امتى هاشوف بلدى زى البلاد النضيفة اللى بتعمل كل حاجة بالنت وانت فى بيتك ومابتروحش مصلحة حكومية الا للشديد الاوى وهناك بتلاقى معاملة نضيفة وناس بتشتغل بضمير
بجد مصدومة وحزينة على الكوسة اللى البلد ماشية بيها
ادخل امتحان الاشارات فى مكتب الظابط يقوم العسكرى يقولى اقرى السؤال ويادوب ماكملش اول كلمتين ويقولى ماشى ماشى اتفضلى استنى بره شوية
والظابط قاعد !!!!!!!!!!!!!
وبعدها ادخل تانى استلم الورق الظابط يقولى امتحنتى سواقة ؟! قال يعنى انا كنت امتحنت اشارات
بجد حاجة غريبة يعنى الناس دى فاهمة وبتستهبل ولا بتستعبط ولا ايه ؟
الموضوع كله مأخدش ساعه بس والله على اد ما ارتاحنا على اد ما قلبى واجعنى على الحال اللى احنا فيه ونفسى نتغير باه نفسى كل واحد يراعى ربنا فى شغله ويتحرى الحلال فى لقمة عيشه ويتقى ربنا فى الناس الغلابة اللى بتجيب قوت ولادها بالعافية

يا أختى العزيزة
عندما لعن الله الرابى , لعن معه المرتبى , وعندما لعن الراشى لعن معه المرتشى
فقبل أن تعيبى على حال البلد , كان يجيب عليكى أن تلومى نفسك أولا ً
الناس اللى فى المرور ناس معندهاش ضمير , ولا ذمة , وحضرتك طلبته منه خدمه بمقابل
ودفعتى , وهو عملك الخدمة

جزاك الله خيرا بس عذرا مفهمتش قصد حضرتك
يعنى دى خدمة ولا رشوة ؟؟!!!

للاسف هم دول الغالبيه العظمي من الموظفين ف كتير اوي من القطاعات وهو دا حال البلد ,,, ربنا يرحمنا ويصلح الحال ..

المشاركة الأصلية كتبت بواسطة eng f3lix

متزعليش حضرتك مني .. "برافو"

معلش مش فاهمة
حضرتك بتتريق صح !!!

وبعدين كان فى مشاركة تانية لعضو ربنا يكرمه اسمه ابو يوسف و رديت عليها بس تقريبا اتحذفوا ؟؟!!
ياريت حضرتك ترد عليا

المشاركة الأصلية كتبت بواسطة eng f3lix

انا مش بتريق ولا حاجة

انا سعيد جداً ان حضرتك دفعتي رشوة عشان تخلصي مصلحتك

على فكرة انا بروح اجدد الرخصة من 3-5 ايام عشان مدفعش ولا مليم زيادة وبعطل نفسي وبعطل مصالحي

حضرتك راضية عن نفسك؟

لا والله مش راضية وضميرى مأنبنى جدا ده غير انى دفعت مبلغ كبير كمان
بس فى نفس الوقت مكانش فى مجال انى اسقط واعيد كمان 3 شهور
مكانش هاينفع خالص

[QUOTE=Yoyo.yasso;3874902342][center][size=5]معلش مش فاهمة
حضرتك بتتريق صح !!!

وبعدين كان فى مشاركة تانية لعضو ربنا يكرمه اسمه ابو يوسف و رديت عليها بس تقريبا اتحذفوا ؟؟!!
[size=5]ياريت ح[size=5]ضرتك ترد عليا

أختى الفاضلة
أنا فعلاً كنت كاتبلك تعليق بس مش عارف لية اتحذف
على العموم انا مش معاكى فى اللى عملتيه
على فكرة انا مش بعرف حاجة فى الاشارات خالص ( نهائى )
بس توكلت على الله ( فمن يتوكل على الله فهو حسبه )
والحمد لله دخلت على الامين اللى قاعد على الاشارات , والله ما قعد على الكرسى حتى , خد منى الورق وقالى أنت ناجح
بس حضرتك اتكلتى على الفلوس , وخلصتى ( بالرشوة )
وفى الاخر تقولى البلد حالها وحش
( نعيب زماننا والعيب فينا , وما لزماننا عيب سوانا )
أبو يوسف