الموضوع: ايهما افضل لزيت الفتيس ليكوى و لا فالفولين

المشاركة الأصلية كتبت بواسطة bassem.naguib

مصطفى بيحط زيت التعاون وبيشكر فيه قوي .. اللي متأكد منه تماماً أن جميع الزيوت المجمعة في مصر كلها نازلة من حنفية واحدة .. واللي يفرق هو الإضافات .

الأسعار فعلاً مغرية .. ولكن كل نوع بيمشي أد أيه .. ويصلح لأنهي عربيات .. يا ريت مزيد من التفاصيل .

الكوب وان زى الموبيل وان بيمشى 10,000 كم

ال xpl-sm بيمشى 7,000 كم

ال xpl-sl بيمشى 5000 كم


و أنا لا أنصح بأقل من هؤلاء ,, طبعا النجم فيهم هو ال xpl-sm لأنه مفيش زيه فى الشركات التانيه لا موبيل و لا شيل و لا توتال و لا كالتكس و لا الامارات ,,, فيه ناس جربته على الفيات ال 128 و لاحظوا انخفاض شديد فى صوت الموتور و تحسن الأداء بشكل ملحوظ

و لو شفت الجدول ده حتتأكد ان ال xpl-sm مالوش زى فى الشركات التانيه من حيث المواصفات و الكيلومتر , يعتبرونه أفضل زيت معدنى منافس

منتجات الزيوت-مقابلات الزيوت


أحلى حاجه فى زيوت التعاون انها مضمونه ضد الغش و النصب ,, عشان زجاجتها متبرشمه ب تلات أربع خمس براشيم ,, حتعض تفتح فيها 10 دقايق على ما توصل للزيت

هى الفكره فى ايه ,, انه فيه ناس بتجيب الزيت ده و تغير على كيلو متر أقل من الموصى به ,, يعنى يجيب أبو 7000 كم و يغير على 4000 أو 5000 ,, و بكده يبقى حافظ على الموتور و ماراماش فلوس فل أرض لأن الزيت سعره أقل من موبيل و شل و ديه ميزه

ايه رأيكم فل حوار ده و اللى جرب زيوت التعاون ياريت يقولنا ,, ايه أخبار نسبة البخر ؟؟