الموضوع: أفضل سعر للدولار بمكاتب صرافة فى أسكندريه

المشاركة الأصلية كتبت بواسطة aliabdo

لو ليك دولار فى البنك مش حتاخده الا اذا كان ليك سكه او بطلوع الروح انا بيجى لى تحويل دولار و اخر كام مره سحبت الدولار بطلوع الروح فما بالك لو انت شايل مبلغ فى البنك اخر مره الموظف بيقولى مفيش فى البنك غير 3000 دولار اول عن اخر

اسلم حل دلوقتى انك تشيل فلوسك فى بيتك او فى مكان امان و ربنا يصلح حال البلد و يكفينا كل سوء

انا بيجيلي باستمرار تحويلات من اخواتي في الخارج وباصرفها من البنك الاهلي
بيصرفهالي بدون اي مشاكل لكن بحد اقصي 10000 دولار في اليوم
واول ما الحوالة بتوصل بيبعتولي رسالة ع الموبايل برقم الحوالة واني اروح اصرفها من اقرب فرع
مرة واحدة فقط قالي انتظري نص ساعة لان عربية الفلوس في الطريق وبعد نص ساعة صرفلي الفلوس عادي جدا
وموضوع الحوالات والصرف ده اتكرر اكتر من 6 مرات الشهراللي فات ومازال بيتكرر
ده عن تجربة شخصية مش عن سمع

هو لما يبقى كل خبراء الاقتصاد بيؤكدوا ان سعر التعادل بين الجنيه والدولار من 3:4 جنيه للدولار . لكن سعر الصرف الرسمى 7 جنيه . هو مش كدة يبقى المواطن الامريكى بيشاركنى رزقى وبيقسم مكسبى بالنص ؟
لذا كان : سعر التعادل هو مقارنه القيمه الفعليه للدولار والقيمه الفعليه للجنيه من حيث القيمه الشرائيه داخل بلدة ( يعنى لو زجاجه الزيت ب 8جنيه تلاقيها هناك ب2 دولار لكن هو لما ييجى يشترى سلعتنا ساعتها ال2دولار يبقوا 14 جنيه يعنى كسب 6 جنيه لانه اشترى زجاجه الزيت ب 1.1 دولار ووفر 90 سنت او 6جنيه ).
وسعر الصرف ( الدولار ب7جنيه ؟ ) دة بقى على حسب العرض والطلب على الدولار حتى ان امريكا ممكن تقلل المعروض فيرتفع هذا السعر و تخسر كل الدول اللى بتستورد زى حلاتنا .
فاهم حاجه ؟ أة . فاهم ان أمريكا بجانب تجارتها فى السلع بتتاجر بعملتها الوطنيه حتى وصلتها للعالميه و بكدة بقت تتحكم فى الدول الناميه ( النايمه يعنى اللى بتستورد وماتقدرش تعمل اكتفاء ذاتى زى مصر ) . وبكدة تفضل البلاد الغنيه بمواردها ( افريقيا كلها مثلا ) فقيرة ومش لاقيه تعيش والشعوب الغربيه منعمه ومرفهه و ليها يورو ودولار يحميها .
احنا عبيد عندهم نشتغل ونديهم . وراضييييييييين خالص . دة احنا حتى مش عايزين نخلى رسوم قناة السويس بالجنيه ( علشان نرفع من قيمته ويبقى عليه طلب دولى ولو بسيط ). جتنا خبطه فى ركبنا على رأى اللى قال . هاهاهاهها .