الموضوع: أفضل سعر للدولار بمكاتب صرافة فى أسكندريه

يظهر لف مرسى جاب نتايج عقبال ما يشحن لينا وادى سليكون من الصين و مصنع سيارات من الهند و صوامع قمح و مصانع سلاح من روسيا ربنا كريم

المشاركة الأصلية كتبت بواسطة sherif anton

الناس بتتكلم عن القروض كأنها منح لا ترد ... دي مش فلوسك ومش فلوس البلد ... دي قروض وعليها فوايد ... 4 مليار من هنا و 2 مليار من هنا و مليار من هناك ... هتلم كام من الشحاتة دي .... نقول 10 مليار دولار ... يعني بحسبة بسيطة تصرفهم في 6 شهور وتمد ايدك تاني ... ده لو الدول دي مطلبتكش بالفلوس و الفوايد بتعتها كمان ... من الأخر كده ... لو مفيش مصدر للدولار غير موضوع الشحاتة ده فمصير البلد في خطر حقيقي والجنيه المصري هيحصل اخوه السوداني وسعر الدولار ساعتها هيجيب 20 جنيه مستريح.

حضرتك بتتكلم كأن مصر ح تاخد القرض ده علشان تصرف منه لوحده
مصر لها موارد اخري كتير
لكن مواردها اقل من المصروفات المطلوبة
يعني اللي بيقول دول مش ح يكفو 3 شهور يبقي بيحاول يتجاهل ان فيه موارد نقدية تانية لمصر وهي اللي مصر بتشتري منها احتياجاتها
فيه قناة السويس
وفيه التصدير
وفيه السياحة
وفيه الضرائب العامة
وفيه ضرائب المبيعات
وفيه الجمارك
وفيه عائدات تانية كتيير
مصر دولة مش بيت اوضة وصالة
القرض علشان يدعم بيه الاحتياطي النقدي
وكلمة احتياطي في حد ذاتها معناها فلوس للاحتياط لتغطية اي عجز
زي ماتكون بتشتغل وتصرف على بيتك وعامل وديعة في البنك احتياطي لاي ظروف
الوديعة دي مش ح تصرف منها علي بيتك دي لتعيم مركزك واحتياطي ليك عشان تبقي مطمئن
والجنية السوداني ده تم استحداثة قريبا من كام سنة وهو يساوي 1000 جنيه سوداني من القديم بينما الجنية المصري من ايام السلطان حسين كامل وقبل كدة كمان يمكن من ايام محمد علي كلاي
يعني لما تقارن الجنية السوداني تقارنة ب ال 1000 جنيه مصري
يبقي الجنيه المصري اقوي 100 مرة من الجنية السوداني
المقارنة العقلانية يبقي بين الجنيه السوداني والقرش المصري

سعر الدولار كان لازم يرتفع بعد الثورة وده طبيعي في اي بلد فيها ثورة
لكن البنك المركزي ضخ مليارات الدولارات من الاحتياطي علشان يحتفظ بسعر الصرف دون انخفاض كبير
راح رجال الاعمال اللي معاهم مليارات الجنيهات من فسادهم ايام مبارك محولين ملياراتهم لدولارات وهربوها برة
لغاية ما انخفض الاحتياطي من 36 مليار الى 14 مليار
يعني المركزي المصري اهدي لرجال الاعمال اللي جمعو فلوسهم من الفساد مخزون مصر الاستراتيجي من العملات الحرة ليهربها خارج مصر وبسعر قليل جدا
عاوز تعرف ليه ؟
اسأل فاروق العقدة حضرتك واسأل طنطاوي اللي كان ماسك البلد

آسفة للاطالة وللخروج عن الموضوع الاصلي

المشاركة الأصلية كتبت بواسطة hossam_elwani

ليه ايه التفسير المنطقى

مفيش تفسير ابدا دى اشاعات عشان التجار ينعشوا السوق المفاجاة و حسب الاخبار البنك المركزى اصلا لسه مدخلوش ال 2 مليار بتوع ليبيا يبقى ال5 مليار خلصوا ازاى هههههه لسه الاسبوع الجاى ان شاء الله زى ما قالوا

الحقيقة برضه لازم الواحد يعترف بالشكر للحكومة و الرئيس لان بصراحة اللى بنقراه عن قرض صندوق النقد و تاخيره سببه رفض الحكومة شروط الصندوق من رفع حاد للدعم و غيره من تحرير لسعر الدولار و رغم ان فعلا الحكومة فاهمة ان الدعم عن البترول لازم يترفع الا انها مختلفة مع الصندوق و عايزة ترفعه تدريجى بما يتناسب مع دخل المواطن كل ده بياخر القرض و قى نفس الوقت الدعم اللى بناخده من دول عربية و اجنبية بيقوى موقف الحكومة ادام الصندوق و انا عن نفسى لو زى ما بيقولوا ان الريس بيعمل كده عشان الانتخابات و تاثير القرارات دى ع الشعبية و الشارع فدا ما يقللش ابدا من احترامى للموقف ما هو فالاول و الاخر اى سياسى بيدور ع رضا المنتخبين يبقى حلو مش وحش و هو ده المطلوب و هيا دى الديموقراطية بس هيا بس مسالة الليبرالية الاقتصادية دى لو ربنا يفكنا منها تبقى تمام ان شاء الله

هو ليه فيه ناس مش مبسوطة إن الدولار سعره نزل في السوق السوداء؟؟؟ هو مش كله فايده لمصر ولا أنا مش فاهم؟؟؟؟؟

المشاركة الأصلية كتبت بواسطة د.أبونضال

هو ليه فيه ناس مش مبسوطة إن الدولار سعره نزل في السوق السوداء؟؟؟ هو مش كله فايده لمصر ولا أنا مش فاهم؟؟؟؟؟

مش مهم فايدة لمصر
المهم اثبات ان رأيه السياسي صح
الانتماء السياسي اصبح فوق الانتماء الوطني

دي الموضة حضرتك

المشاركة الأصلية كتبت بواسطة Ahmed.Ali

الدخل الدولاري للبلد من التالي
السياحه
التصدير
قناه السويس

انا معاك لكن كمان مصروفات الدولة مش كلها بالدولار جزء كبير منها بالجنيه زي المرتبات والسلع غير المستوردة

هم دول مصادر الدخل الرئيسي للعمله الصعبه - تحويل الافراد اموالهم لعمله اخري ملوش دعوه باحتياطي البلد من العمله
هنا بقي مش معاك لأن الدولارات اللي كانت بتضخ في البنوك والناس تحولها كانت من الاحتياطي يا فندم وإلا فما هو سبب نقص الاحتياطي
الاحتياطي النقدي مش احتياطي للابد هو لتمويل شراء اي سلع من الخارج و بيتصرف منه المشكله ان ايراد الدولار اقل من دخله في لازم سعره يعلي و كل الايراد الحالي اغلبه من الاقتراض يعني سعره هيغلي هيغلي