الموضوع: أفضل سعر للدولار بمكاتب صرافة فى أسكندريه

المشاركة الأصلية كتبت بواسطة horas3000

حسب معلوماتي و اللي جايبها من ناس شغاله في بنوك
كل اللي نزل السوق 600 مليون دولار فقط
و الباقي راح في الاغلب لدفع اقساط و فوايد ديون قديمه و توفير قمح و سولار و دفعات متاخره
و حضرتك لو ليك حد في السوق او في قطاع البنوك ممكن تتاكد منه



لا يا باشا
في تفسير
و تفسير مقنع
و من ناس في القطاع البنكي و السوق
كون حضرتك بتعمد علي الاخبار بشكل اساسي و ملكش تعامل مع السوق فده مشكله حضرتك
الوضع حاليا كما هو عليه بالظبط قبل الحوار بتاع ال 5 مليار دول
و البنوك مفيهاش دولار و بيقولك صرف نفسك من بره زي الاول بالظبط
و ده سبب الصعود في قيمة الدولار تاني

عموما ان بجيب لكم الاسعر حسب ما بتوصلني من الصيرافات و الشركات اللي بنتعامل معاها
و انتوا احرار بعد كده تصدقوا او لا
و انا في الاول و الاخر تاجر
و ارتفاع العمله بياثر عليا اول واحد
و الايام بيننا و هيبان من الصح و مين الغلط

ع فكرة ما بشككش ف كلامك لانى عارف ان اللى شغال ف التجارة متضرر برضه مش مستفيد بس انا عايز اقولك بالشكل الحالى السوق السودا مصلحة للى بيشتغلوا فيه مش لينا كافراد او تجار يا باشا انت بتقول نقلا عن السوق ان 5 مليار خلصوا فبقول لا مخلصوش لان فيه 2 مليار لسه اصلا ما جوش و فعلا بالنسبة للاستهلاك احنا واقعيا اظن ان البلد بتحتاج ع الاقل 5 مليار دولار كل شهر ع الاقل ف الحد الادنى عشان تلبى احتياجات السوق و الاحتياجات الاساسية للدولة فعلى هذا الاساس باقول انه مش هيرتفع تانى و شوية كمان لما يلاقوا المركزى بيلبى احتياجات الدولة و الاحتياطى بيزيد هتبدا السوق السودا تتصدم و ينزل و بالنسبة لشراء قمخ مفيش الحكومة ما اشتريتش لسه قمح و السولار بنشتريه بسماح 8 شهور اللى ممكن يكون ادفع فعلا ديون قديمة و فيه مليار دولار جديدة غير مليار قبل كده ديون لشركات البترول من اصل 6 مليار تقريبا هايندفعوا خلال ايام و ده سبب من اسباب الشركات الاجنبية هاتبدا تضخ مليار و نصف دولار تقريبا استثمارات غير مباشرة ف السوق عشان استكشاف الغاز بعد ما بدات الحكومة جدولة ديونها ليها و اللى متابع يعرف ان اكبر استثمار اجنبى ف البلد قبل الثورة كان النفط و الغاز يبقى بالتالى انتاجنا من الغاز و البترول قل لان ما فيش استثمارات جديدة و اكتشافات جديدة و بنستورد بالدولار سولار و هانستورد غاز و الشركات كانت رافضة البدء الا بسداد ديونها دلوقتى الدولة عندها القدرة انها تسد و الشركات هاتضخ دولارت ف السوق و تحول للجنيه المصرى و ربنا يسهل الانتاج يزيد شوية و يقلل الاستيراد و يقلل استهلاك الدولار غير اللى بنتكلم عليه قبل كده يبقى يثبت الدولار و ينزل و لا لأ و بعدين الاهم دلوقتى ان البنك المركزى طلب ملفات العملا اللى بيستوردوا غذا و ادوية و قطع غيار الحاجات المهمة يعنى و لبى احتياجاتهم و اداهم دولار بسعر معقول يبقى كويس و لا مش كويس

و الله لو الجرايد و الحكومة عملت كده يبقى كتر خيرهم و اللى معاه دولار راكنوا معاه ليه بيستثمر فيه ع حساب الناس دا حلال فيه السجن مش خسارة كام الف