أفضل سعر للدولار بمكاتب صرافة فى أسكندريه

**د.أبونضال** · 22-04-2013 01:36 AM

المشاركة الأصلية كتبت بواسطة amr 2

هو لما يبقى كل خبراء الاقتصاد بيؤكدوا ان سعر التعادل بين الجنيه والدولار من 3:4 جنيه للدولار . لكن سعر الصرف الرسمى 7 جنيه . هو مش كدة يبقى المواطن الامريكى بيشاركنى رزقى وبيقسم مكسبى بالنص ؟
لذا كان : سعر التعادل هو مقارنه القيمه الفعليه للدولار والقيمه الفعليه للجنيه من حيث القيمه الشرائيه داخل بلدة ( يعنى لو زجاجه الزيت ب 8جنيه تلاقيها هناك ب2 دولار لكن هو لما ييجى يشترى سلعتنا ساعتها ال2دولار يبقوا 14 جنيه يعنى كسب 6 جنيه لانه اشترى زجاجه الزيت ب 1.1 دولار ووفر 90 سنت او 6جنيه ).
وسعر الصرف ( الدولار ب7جنيه ؟ ) دة بقى على حسب العرض والطلب على الدولار حتى ان امريكا ممكن تقلل المعروض فيرتفع هذا السعر و تخسر كل الدول اللى بتستورد زى حلاتنا .
فاهم حاجه ؟ أة . فاهم ان أمريكا بجانب تجارتها فى السلع بتتاجر بعملتها الوطنيه حتى وصلتها للعالميه و بكدة بقت تتحكم فى الدول الناميه ( النايمه يعنى اللى بتستورد وماتقدرش تعمل اكتفاء ذاتى زى مصر ) . وبكدة تفضل البلاد الغنيه بمواردها ( افريقيا كلها مثلا ) فقيرة ومش لاقيه تعيش والشعوب الغربيه منعمه ومرفهه و ليها يورو ودولار يحميها .
احنا عبيد عندهم نشتغل ونديهم . وراضييييييييين خالص . دة احنا حتى مش عايزين نخلى رسوم قناة السويس بالجنيه ( علشان نرفع من قيمته ويبقى عليه طلب دولى ولو بسيط ). جتنا خبطه فى ركبنا على رأى اللى قال . هاهاهاهها .

كلام يتوزن بالدهب .. الحل اننا ناكل من أرضنا ... ليه نستهلك قمح بالشكل ده واحنا ما بنزرعوش .. ليه ما ناكولش رز زي الآسيويين ... ليه بنعتبر البطاطس غموس مش وجبة أساسية وهي بتتزرع عندنا مرتين في السنة ليه بنمشي عربياتنا ببنزين مستورد بالعملة الصعبة وفيه عندنا غاز بوفرة ... ليه وليه وليه عندنا عقدة الخواجة في كل حاجة لدرجة إن احنا بنفضل المنتجات المستوردة الرديئة عن المحلية الرديئة برده...

**KemozTanta** · 22-04-2013 11:58 AM

هي امريكا فرضت الدولار ليه علي العالم !! صحيت الصبح وخليت العالم يجري ورا الدولار عشان مثلا يستورد حاجة منها !!
امريكا فرضت الدولار لانها دولة متقدمة جداً عندها بدل حاجة 100 العالم معتمد عليها فيها
فضاء - سلاح - طب - عربيات - افلام - ادوية - أنترنت - ابل- مايكروسوف ... ألخ

معني انك عايز تواجة العملة الدولارية دي وتعمل قناة السويس بعملتك دا معناه انهيار لعملتك تماما في مواجهة الدولار
لان السفن اللي جاية مش هتستغني عن كل اللي فات عشان الجنية بتاع قناة السويس !
لا هتسيب قناة السويس ومش هتعتبها تاني وهتفضل تتعامل بالدولار.
الجنية لا يجروء علي مواجهة الدولار بدون قوة اقتصادية قوية لمصر !!! دي روسيا مش قادرة بعملتها تواجة الدولار الأمريكي.
وبعدين زي اللي جبنا طفل عندة 10 سنين و واحد مصارع زي كرم جبر وبنقولة اغلب كرم جبر يلا انت سنك اصغر منه ومش شايفين التاني قوته اية بالظبط وانه يقدر يفرتك التاني في لحظة.

**amr 2** · 22-04-2013 12:58 PM

مع احترامى الكامل للاخ KemozTanta ولكلامه وتعليقاته . الا انى اختلف معاه فى الرأى ( من وجهه النظر الاقتصاديه ) فكل عمله فى العالم ليها سوق وعرض وطلب . لكن هناك اتحاد اوروبى ( ناس عرفت معنى الاتحاد وعرفت تغيظ امريكا وتقلل من اهميه الدولار وتنافسه ) عملوا يورو ولانهم ناس بتفهم بيحولوا التعامل فى الاستيراد والتصدير باليورو وبكدة بردة يبقوا عملوا اليورو سلعه لواحدة يتاجروا فيها عن طريق تقليل المعروض فيرتفع السعر او توفيرة فيهبط السعر . مثال بسيط لو تاجر احذيه دلوقتى رايح ايطاليا يجيب شنط ولا احذيه فهيضطر انه قبل ما يسافر ( من مصر هنا ) انه يشترى يورو او دولار حتى . لكن العكس مش صحيح تاجر القطن الايطالى بييجى ياخد القطن بعمله بلدة اللى هى اصلا سعر صرفها عالى جدا ( مش سعر التعادل ) وبكدة يكون كسب فى مجرد الاستيراد ما يقارب 100 % .
علشان مصر تقوم على رجليها تانى عايزة حاجات كتير اولها تقليل الاستيراد بشكل كبير جدا . وثانيها : عدم التفريط فى اى ثروات معدنيه حتى لو الرمال اللى بتروح الصين تتصنع زجاج وسيليكون للشرائح البرمجيات واللى بيصنعوة ويبعتوة تانى لنا بأضعاف الاسعار ( دة حتى الرخام بنصدرة رخم ان صناعته مش محتاجه غير تقطيع بالمنشار الكهربى فى ظل مرور مياة على سن القطع مش تكنولوجيا يعنى وبدل ما يتصدراعمل مصانع تشغل البطاله ونكسب قيمه مضافه ) . ثالثا : الاعتماد على الذات والامكانيات المحليه أيا كانت جودتها لتشجيع الصناعه والحد من البطاله . رابعا : الارتقاء بالتعليم و البحث العلمى والفنون ونشر حب المعرفه .
طبعا فى حاجات تانيه كتير يعرفها خبراء الاقتصاد .

**abdelaziz-waleed** · 23-04-2013 04:28 PM

كم السعر انهاردة يا جماعة؟
انا شايف على المواقع ب 7.60 شراء و 7.90 بيع
وليا صديق له قريبه شغال في مكتب صرافة في المعادي اتصل بيا وقاللي دلوقتي ممكن يغيرلي على 7.45

**sas5** · 24-04-2013 09:03 AM

المشاركة الأصلية كتبت بواسطة abdelaziz-waleed

كم السعر انهاردة يا جماعة؟
انا شايف على المواقع ب 7.60 شراء و 7.90 بيع
وليا صديق له قريبه شغال في مكتب صرافة في المعادي اتصل بيا وقاللي دلوقتي ممكن يغيرلي على 7.45

السلام عليكم ورحمه الله
صديقك بيعمل شغل عليك فى 15 قرش فرق
موضوع العمله مفهوش اخوه او اصدقاء لانه لايوجد فواتير رسميه تثبت السعر
فالاسعار فى خلال اليومين الماضيين متوسطها 7.60
جرب تروح تشترى لن تجد سعر اقل من 7.75 ويبقى مجاملك على الاخر

**MaNoLa** · 25-04-2013 04:48 AM

الرياض للصرافة الجديدة
غيرت من هناك بـ 7.50

**abdelaziz-waleed** · 26-04-2013 12:39 AM

المشاركة الأصلية كتبت بواسطة manola

الرياض للصرافة الجديدة
غيرت من هناك بـ 7.50

ممكن العنوان على الخاص لو سمحت يا باش مهندس
وهل بتدخل تكلمهم مباشرة ولا حضرتك عارف حد جوة؟
شكرا جزيلا

**dongol123** · 26-04-2013 10:35 AM

المشاركة الأصلية كتبت بواسطة abdelaziz-waleed

ممكن العنوان على الخاص لو سمحت يا باش مهندس
وهل بتدخل تكلمهم مباشرة ولا حضرتك عارف حد جوة؟
شكرا جزيلا

الاستاذة مانولا

يا ريت لو حضرتك تبعتي لي نفس المعلومات علي الخاص و ابقي شاكر ليكي

**aliabdo** · 26-04-2013 10:56 AM

امبارح سمعت سعرين فى السوق 7.52 و 7.46 بس مغيرتش قلت استنى للاسبوع الجاى

**abdelaziz-waleed** · 26-04-2013 02:14 PM

المشاركة الأصلية كتبت بواسطة aliabdo

امبارح سمعت سعرين فى السوق 7.52 و 7.46 بس مغيرتش قلت استنى للاسبوع الجاى

ممكن الاماكن على الخاص يا باشمهندس
انا محتاج اغير 15000 دولار انهاردة

الموضوع: أفضل سعر للدولار بمكاتب صرافة فى أسكندريه

LinkBack

أدوات الموضوع

عرض

-

-

-

-

-

المواضيع المتشابهه

عاوز أفتح محل صرافة بس خايف ...

قطري يفقد السيطرة على السيارة ويقتحم شركة صرافة ...!!

عايز عربيه يا أهل أسكندريه

عايز سياره يا أهالي أسكندريه الكرام

مطلوب ميكانيكي من أسكندريه

الكلمات الدلالية لهذا الموضوع

المفضلات

المفضلات

ضوابط المشاركة