الموضوع: بتحلق شعر ودقن بكام اليومين دول !!!!!

المشاركة الأصلية كتبت بواسطة mbx4e

دا تقديري الشخصي
حلاقه وتزبيط شعر الراس وصنعه بس الشغل العادي +حمام كريم +جيل او كريم بده = 15جنيه
حلاقة دقن + فتله = 10 جنيه
بخار + ماسك (صنفره ) = 10 جنيه
الاجمالي = 35
دا الماكسمم غير كدا يبقى الواحد زبون (وكله بالحب)
اهم حاجه الراحه النفسيه والنظافه بعد كدا (الصنعه ممكن اقبل لغاية 80 )
في واحد في الحي 11 شارع 5 ورا سنتر المصطفى جنب الاقصى ماركت شاب سوري ومحترم
وعندهم جهاز بخار اللي عايز ينظف وشه

ياباشا شكلك انتا كمان من اكتوبر ... اديك شايف الاعضاء على مستوى الجمهورية كلها مفيش حد. بيحلق بالاسعار الي احنا بنحلق بيها دي اطلاقاً

مع اني نفسي اشوف هشام الحلاق ده الي بيحلق ب ١٦٠ جنية. ده بيعمل ايه بالزبط هههه اذا هيزرع لي شعر بدل الي وقع ماشي :) ... اما من حيث النظافة. صدقوني. في فرق بين الديكورات وبين. نظافة المعدات والفوط. ويؤسفني اقول مفيش نظافة. في اي صالون. من صالونات مصر ... لا بالديتول او الكلور او شوية الكلونية الي بيرشها. هقولك ليه. ... الاخ الحلاق. بيعقم شفرة الامواس مش. كده بس في نفس الوقت. صبانة. او رغاية الصبون بتاعت الدقن بيشطفها بشوية ميه وخلاص. طيب تقدر تقلي ايه الفايدة. ماهي فرشة الدقن بتمشي على دقنك وبتنقلك الميكروبات وما تفتكرش ان الصابون الي بيتحط على الدقن ده صابون. لا احنا بنسميه كده بس هوا مجرد كريم للترطيب وتوقيف الشعراية. :)

فرش وامشاط الشعر كمان لا تعقم. نهائي يعني حد شاف حلاق واقف بيغسل فرشة قبل ما يسرحك بيها يعني لو واحد مقمل ولا عندوا قشرة ولا ثعلبة لا قدر الله ممكن بساطة تتنقل ( استر علينا يارب )

لذلك التعقيم في مصر يعتبرررر صفرررر. ... حتى الحلاق. بعد ما حلق من زبون مش يقوم. ويروح يغسل ايدوا قبل ما يشتغل في الزبون التاني لا على طول يخش على الراس التانية ففين بقى النظافة. الي تستحق ان الواحد يدفع مبلغ

نقطه كمان يااخي الكريم. ذكرت حضرتك. ان الدقن + فتلة ب ١٠ جنية
ده كتيررر جداً صدقني وعلى الفكرة الفتلة جزء لايتجزء من حلاقة الدقن هيا وتضبيط كمان شعر القفا يعني ( حلاقة دقن وياخود الوش فتلة ويساوي شعر القفا اسفل الرئس ) المفروض دول كلهم بخمسة. لان في ناس مبتعرفش تحلق دقناها بنفسها. وشعر الدقن بالذات بيطلع بصفة دورية وسريعه يعني يحلق من هنا. ويجي يقوم من على كرسي الحلاق يحسس على دقنوا يلاقيها اخضرت وطلعت كده يعني :) علشان كده لازم تكون رخيصة

وتحياتي :)