الموضوع: بتحلق شعر ودقن بكام اليومين دول !!!!!

أنا بدفع 10 جنيه وببقى كده عامل أحلى واجب مع الحلاق . ومحدش بيدفع أكتر من كده غير بقى لو الحلاق رايح لعريس مثلا .

تحيا جمهورية المنوفية :d

المشاركة الأصلية كتبت بواسطة د.أبونضال

160 جنيه ... الله يبارك لزباينه

هشام ربيع
45 جنية حلاقة شعر
50 جنية فرد شعر
25 جنية حمام كريم
50 جنية تنظيف بشرة
يبقي المجموع كام ؟
و كل دة علشان رايح اشوف عروسة

همه 20 جند شعر وتسوية الدقن وفى نصف الشهر بسوى الدقن تانى 5 جند

المشاركة الأصلية كتبت بواسطة Y a r i s

ده فييين ده هشام ربيع ده ياباشا !!!!!
وهل هو كوافير ولا حلاق ولا ايه حكايتوا ... يعني ايه الي بيميزوا عن اي حلاق هل هوا لبناني او تركي ... او مثلاً عندوا بنات. بتحلق الشعر او حتى على الاقل تعمل مساج للكتاف ... انا شفت حلاق في اخر شارع جامعة الدول مقعد بنات جمب كل زبون. بتسنفرلوا ضوافر رجليه ( بدي كيرر ومنيكير ) فهل هو ده الي عندوا سنفرة ولا ده حاجة تانية هههههه.

يااااه ده احنا طلعنا فقرة قوووي هههههههه
بس بالعقل والمنطق الي يخليني ادفع لراجل ١٦٠ او ١٧٥ جنية علشان يحلقلي. طيب مادي لاي بت كوفيرة ١٠٠ جنية. وهيا هتسنفرني وتكحرتني وتحلقلي. وتطلعني عريس كده من تحت ايديها :) ولا ايه !!!! وتحياتي

وفي انتظار عنوان هشام ده يمكن اتجوز تاني ولا حاجة ابقى اعدي عليه :)

و اللة الكلام دة من اكتر من سنة معرفش الاسعار كاملة اية دلوقتي
هو لية كذا فرع في شارع الحجاز بعد محكمة مصر الجديدة بشوية صغيرة و في في مساكن شيراتون بس هو كان في واحدة عملتلي مساج للوجة و 7 او 8 مرات تتدهن وشي بحاجات و فوطة سخنة و فوطة ساقعة هو كويس لانة كان بيستخدم حاجات كلها مستوردة من اول الشامبو و كريم الشعر و الفرد كلة مستورد و دة غالي طبعا
بس طبعا هي كانت مرة و هما اساتذة في استنذاف جيب الزبون و كل شوية تحب نعمل كذا و طب اية رايك في كذا - قلبهم كان حاسس ان انا مش راجع تاني
و هما عندهم باديكير و مانيكير للرجالة تقعد كدة و تيجي واحدة تسنفر و تقصف و تكحرت حتي - دول حتي كانوا حاطين حاجات التعامل مع الطوافر كتير قوي تحس انها طربيزة جراح

علي العموم انا منصحش اي حد يروح هناك حتي في فرحة روح حمام مغربي في سوق التلات و هما هيطلعوا البلا الازرق

المشاركة الأصلية كتبت بواسطة شريف

و اللة الكلام دة من اكتر من سنة معرفش الاسعار كاملة اية دلوقتي
هو لية كذا فرع في شارع الحجاز بعد محكمة مصر الجديدة بشوية صغيرة و في في مساكن شيراتون بس هو كان في واحدة عملتلي مساج للوجة و 7 او 8 مرات تتدهن وشي بحاجات و فوطة سخنة و فوطة ساقعة هو كويس لانة كان بيستخدم حاجات كلها مستوردة من اول الشامبو و كريم الشعر و الفرد كلة مستورد و دة غالي طبعا
بس طبعا هي كانت مرة و هما اساتذة في استنذاف جيب الزبون و كل شوية تحب نعمل كذا و طب اية رايك في كذا - قلبهم كان حاسس ان انا مش راجع تاني
و هما عندهم باديكير و مانيكير للرجالة تقعد كدة و تيجي واحدة تسنفر و تقصف و تكحرت حتي - دول حتي كانوا حاطين حاجات التعامل مع الطوافر كتير قوي تحس انها طربيزة جراح

علي العموم انا منصحش اي حد يروح هناك حتي في فرحة روح حمام مغربي في سوق التلات و هما هيطلعوا البلا الازرق :f_eyeb1[1]:

السلام عليكم
يوجد خطأ فى كتابة لفظ الجلالة .. الله سبحانه و تعالى علوا كبيرا
لأنه لفظ الجلالة فيتعين التصحيح لفظ الجلالة يكتب (( الله )) بالهاء المربوطة و ليس بالتاء المربوطة