اخرة السرعة !!

**dr.hazem** · 08-04-2013 09:21 PM

المشاركة الأصلية كتبت بواسطة lanos2004

هيه قله خبرة بالقيادة فعلا واكيد
انا مقطع الطريق دة رايح جاى ومطبات الهوا لاتذكر اساسا على سرعه فوق 180 علاوة ان عربيتى العيانه عمرها ما اترفعت عن الارض فى مطب هوا---يبقى الاوكتافيا هيه الى هتعوم فى مطب هوا

يا بشمهندس....
لو انت عندك من الخبره الكافيه اللي تخليك تجري بالشكل ده فانت متعرفش اللي سايقين عالشارع معاك عندهم اي خبره ولا لا وبالتالي الموضوع مش مقتصر عالخبره...

ياريت يا جماعه بلاش نحس باللامبالاة...
حياتنا جميعا غاليه وياريت كلنا نحافظ على حياة بعضضض...

متستغربوش ان حد صغير يعمل كده ويتهور ويضيع ويضيع معاه ارواح شباب زيه زي الورد...
لانه بيخش على منتدى بمكانة نايل موتورز وبيلاقي فيه ناس كبار جدا بيتباهو بانهم مغامرين ومتحديين للجميع و و و و و ... الخ

اتمنى انه منكونش بنغرر شباب صغير زي الورد وبنعلمهم الغلط ومبنعلمهمش الصح....

تحياتي

**mahmoud_anwar** · 08-04-2013 09:37 PM

المشاركة الأصلية كتبت بواسطة elawany13

لا حول ولا قوة إلا بالله
للأسف مفيش حد بيتعظ إلا لما يتعرض بنفسه لحادث موت

وحياتك برضة بيتعظ شهر شهرين وبعد كده عقلة بيبقا في رجلة وينسي اسئلني انا
انا حطط صور عربيتي هنا كانت بي ام شارك عملت حدثة مميتة
جالي نزيف داخلي بس كان بسيط مش مستدعي عملية وارتجاج وخلع في الكتف وعودتة مكانه تاني
والي جمبي شرحتين في قدمة ومسمارين وخلع برضة في الكتف وهو حاليآ بيمشي بيزك علي خفيف
وبعديها بي كام شهر اشتريت جولف وسقط عليها مكنة الاجرام ال 1800 البي بي
لي الاسف ادمان
يعني انا عندي واحد صحبي في الشغل بيحكي ليه ان في عيل في شارعهم مدمن موتسيكلات ريس
المهم في مرة الواد ده عمل حدثة بي الريس وانقلب بيه وكانت حدثة بشعة ورجلة اتبطرت فيها بيقولك بعد الحدثة بي فترة لقوة بيركب برضة وموتسيكلات برضة وبرجل وحدة لي الاسف ده ادمان
ولي الاسف البلد مافيهاش تشجيع لكده المفروض لو في ناس عاشقة السرعة وهكذا لماذا لم توفر لهم البلد مثلآ تراك ورياضة السباقات دي حتي السعودية عاملة كده ده مش مبرر علشان كلنا نجري وربنا يستر طريقنا يارب احنا ماشين بي الستر

**Ahmed_Adham** · 08-04-2013 09:37 PM

المشاركة الأصلية كتبت بواسطة lanos2004

طب انا مجنون وبرمى نفسى فى البحر تقوم تعمل زيي
انا اصلا من اول ما ركبت عربيه --وحاسس انى هموت فيها--
هوة ايه الفرق بين الحياه والموت--الموت علينا حق--وربنا هوة الى بيوهب الحياه والموت
والى حصل ده مكتوب اصلا من قبل اما يشوفوا الدنيا
كل انسان له حياه مكتوبه من قبل ان يوجد وكل واحد فينا كل الى بيعمله انه بيعيد كتابه قصه حياته

أكيد الموت حق ومكتوب ساعته وتاريخه بس خد بالك برضه ان الروح امانه ولو قيسنا على ان كده كده الواحد ميت يبقى الانتحار مش حرام بقى. المقصود هنا هو الاخذ بالاسباب والواحد يعمل احتياطاته وياخد حذره يعني تربط الحزام وتمشي بالسرعه المعقوله اللي تقدر عليها تاخد رد فعل مناسب للطريق وتركز وانت سايق وتبعد عن أي حاجه تشتت انتباهك وبعد كده قدر ربنا أمر مفروغ منه.

عايزين نعمل موضوع عن السواقه الدفاعيه يا جماعه وكل واحد يساهم فيه بمعلومه عشان تبقى مرجع لكل واحد بيدخل المنتدى.

**youssef_u** · 08-04-2013 10:52 PM

الله يرحمهم و يغفرلهم - السبب الاول والاخير غير مطب الهوا هو السرعة ! حتى لو مكانش مطب هوا و اتفاجئ بالمقطوره دي قدامه و مطفي النور ؟ العربيه عالسرعه دي مش هتاخد اقل من ٥٠٠ متر عشان تقف! بس قدر الله ماشاء فعل وربنا برحمهم ويصبر اهلهم

**Dr.A.Nabil** · 08-04-2013 10:58 PM

الله يرحمهم
نفسي يبقى فيه رادار في كل شارع فيكي يا مصر

**Kefo_Honda** · 09-04-2013 12:07 AM

المشكلة إن طريق العين السخنة ده مصر كلها مفكره Track و كل الناس بتمشي عليه عشان تجيب التوب سبيد بتاعت العربية أو تقفل العداد !

**su35flanker** · 09-04-2013 02:17 AM

المشاركة الأصلية كتبت بواسطة dr.a.nabil

الله يرحمهم
نفسي يبقى فيه رادار في كل شارع فيكي يا مصر

الحكايه مش حكاية رادار يا كبير قد ما هيا ثقافة شعب .. شوف انا بخش اقرى فى مواضيع كتير على المنتدى
عن تسقيط موتور مبشوفش حد بيتكلم بطريقه عاديه لا كل واحد لازم يقعد يقولك دنتا لو ركبت موتور كزا هتنفخ اللى قدامك و هتخيط اى عربيه الخ الخ الخ الخ طيب لو سمحت مش ممكن نتكلم على موتور يخلينى سايق عادى و تكون اعطاله قليله و خلاص ده غير ان الطرق المصريه اساسا غير صالحه للاستخدام الادمى و تلاقى النقل ماشى على الشمال و اللى ماشى زى التعبان و دنيا خرفانه خالص و مصر يا سيدى الفاضل من اكتر دول العالم نزيفا للاسفلت
معلش سؤال يحضرنى يعنى هو انا لو ماشى و واحد عدا من جنبى سريع ايه الكيميا اللى فى البنى ادم المصرى اللى بيخليه يتحرق و يشيط لو ده حصل و كأنه موتله حد و لازم انتقم و التار ولا العار !!!!!!!!!!!
منظر الشباب يحرق القلب و الدم بجد و هما فى عمر الورد كده .. الله يرحمهم
*ملاحظه اخيره : لواحد بيرد فى الموضوع ده محدش كبير على السواقه يا كبير

**CaptaiN-AhmeD** · 09-04-2013 02:49 AM

استاذ أحمد عبد الهادي نفس الردود بتاعت كل موضوع السرعه السرعه السرعه

الموضوع مش مسألة كده كده ميت والي ليه نصيب ف حاجه هيشوفها طبعاً دا كلام صح بس في حاجه اسمها الاخذ بالاسباب
والي بيعمل كده دا اسمه انتحار ...ملحوظه وانا سايق ع طريق سفر ساعات بسرح ف اي موضوع قريته جوه نايل موتورز من ضمن الناس الي بتيجي ف بالي اول حاجه انتا اول مابفتكر فيديوهات اللانوس بتاعتك بتجنن وبعمل الي ميتعملش
وحضرتك بردو كل مره بتبرر السرعه بكذا مبرر وصدقني والله مفيش اي حد كبير عالسواقه
وكنت عارف اول رد شفته ليك انك بعدها هتسأل عن نوع العربيه محاولة للتبرير رغم انك عارف من العدادات انها اكيد حاجه الماني محترمه
انت صح كلنا ف ايد ربنا ولكل اجل كتاب ..لكن ربنا قال لا تلقوا بإيديكم في التهلكه العلماء كلهم اجمعوا عن ان الطريقه دي تعتبر انتحاااااااار حقيقي
وربنا يتولاهم برحمته ويصبر اهليهم
وياريت يبقى في المنتدى تنويه عن اي حد من جهابزة نايل موتورز في اخر الموضوع بتاعه الي بيتباهى مثلا فيه بتقفيل عداد او تقفيل ار بي ام حتى ! يكتب ياجماعه الي بعمله دا مش يتعمل في اي شارع ولا في اي عربيه ولا في اي طريق سفر لأن نتايجه ممكن تودي بحياة ناس ابرياء
زماان قالو في السرعه الندامه وفي التأني السلامه حكمه مفيش ناس كتير بتسمع ليها وبتعتبرها كلام عوااجيز