اخرة السرعة !!

**youssef_u** · 11-04-2013 12:44 AM

يعني طالع من الشباك و عالسرعه دي و بليل كمان ؟؟؟؟؟ طيب لو الصبح عالاقل هيبقا كاشف مسافة كبيره بس ده يادوب كاشف مسافة النور العالي اللي هي تعتبر قصيره بالنسبة للسرعة دي ،،،، ربنا يرحمهم جميعا

**youssef_u** · 11-04-2013 12:47 AM

يا رجالة راجعو الصورة اللي في اول الموضوع تحت "going to so5na w elly byso2 mgnon" هتلاقو تحتها عامل تاج للجملة دي ."#ImGoingToDie"

**Mohab.Nabil** · 11-04-2013 12:50 AM

المشاركة الأصلية كتبت بواسطة youssef_u

يا رجالة راجعو الصورة اللي في اول الموضوع تحت "going to so5na w elly byso2 mgnon" هتلاقو تحتها عامل تاج للجملة دي ."#imgoingtodie"

قريتها و فى الصورة اللى بعدها كاتب لو حصلى حاجة افتكرونى بحاجة كويسة او حاجة شبيهة بكده

ربنا يرحمهم ان شاء الله

**mr_vampire** · 11-04-2013 12:50 AM

خلاص ياشباب الناس توفت ولا يجوز عليهم غير الرحمة.

والسواقة ملهاش كبير وملهاش معيار وملهاش علاقة بمهارة سواق ولا امكانيات عربية.

ومنعدش نقول بقي مفيش خبرة. هو من الاخر استهتار وملوش مسمي تاني بصراحة.

ربنا يرحمهم ويسترها علينا جميعا.

**AlGazar2** · 11-04-2013 01:00 AM

خلاص يا جماعه ميجوزش عليهم غير الرحمه حاليا و اخذ العظه

و ربنا يرحم المتوفيين و يصبر اهلهم و يتم شفاء المصاب باذن الله

**inspiron** · 11-04-2013 01:43 AM

صورة كاتب فيها am going to die
وصورة كاتب فيها لو مت افتكرني بحاجة حلوة...وقد كان.

لا اله الا الله محمد رسول الله

**SAMEH_FOUAD** · 11-04-2013 02:18 AM

والله انا مش عارف اقول اية الصراحة , بس انا مش متخيل ان فية حد ممكن يعمل كدة , على السرعة دية , فى شوارعنا الجميلة دية , واصحابة اصلا يطاوعوة ان يعمل كدة

ربنا يرحمهم جميعا , ويغفر لهم سيئاتهم يارب , لان كدة فعلا الموضوع اختلف تماما لان دة بيسمى انتحار بصورة غير مباشرة

بس الله وحدة اعلم بجزائهم اية , ومصيرهم هيكون اية

فاملناش اى حق اننا نحكم عليهم , وكل اللى نقدر نقولة , ربنا يرحمهم برحمتة الواسعة ويتجاوز عن سيائتهم

**monamize4** · 11-04-2013 08:38 PM

المشاركة الأصلية كتبت بواسطة aoa

أولا مصدر الصورة
---------
ودى صفحه الشاب المتوفى اللى اسمه عمر اللى هو صديق للشاب اللى سايق على موقع انستجرام اللى كانوا بيرفعوا عليه الصور وهما ماشيين فى الطريق

يا جماعة , مفيش طريقة نقدر نمسح بيها بعض الصور اللى ف اكونت الشاب دا ( الله يرحمه) ??
عشان هو دلؤقتى ف امس الحاجة لحسنات و الصور دى ممكن تكون عائق

**inspiron** · 11-04-2013 08:51 PM

المشاركة الأصلية كتبت بواسطة monamize4

يا جماعة , مفيش طريقة نقدر نمسح بيها بعض الصور اللى ف اكونت الشاب دا ( الله يرحمه) ??
عشان هو دلؤقتى ف امس الحاجة لحسنات و الصور دى ممكن تكون عائق

للأسف الشديد لا..إلا لو كان مدي الباسوورد بتاعه لحد قريب منه يبقي هو اللي في ايده الموضوع ده.أنا عايز أقولك رغم اني معرفش حد منهم بس في غاية الحزن عليهم وعلي أهاليهم بالذات..دول عيال !!