اخرة السرعة !!

**hugan** · 10-04-2013 02:52 AM

المشاركة الأصلية كتبت بواسطة lanos2004

لا حول ولا قوة الا بالله
كفرتوا الراجل خلاص--وكمان لاتجوز عليه الرحمه
طب الحمد لله انا بصلى الصلوات الخمس وبصوم ولما هموت فى حادث سيارة بسبب السرعه هكون كافر
طمنتى على مستقبلى فى الاخرة
يا اخى لا يجوز تكفير ناس يقولون ربى الله
ربنا يهديك

ياستاذ احمد
ماهو ماترميش نفسك في التهلكه
وتقول في الاخر قدر ومكتوب
السرعه الخرافيه
في رائي
مش اكتر من محاوله مشروعه للانتحار

**lanos2004** · 10-04-2013 03:06 AM

المشاركة الأصلية كتبت بواسطة hugan

ياستاذ احمد
ماهو ماترميش نفسك في التهلكه
وتقول في الاخر قدر ومكتوب
السرعه الخرافيه
في رائي
مش اكتر من محاوله مشروعه للانتحار

فعلا انا عمرى ما شوفت حد مات وهوة ماشى على 90--هوة بيتوفى انما مش بيموت
هيه سرعه 200 سرعه خرافيه
سرعه 200 سرعه خرافيه فعلا لما امشى بيها جوة المدن انما طريق صحراوى 200 دى اقسم بالله كان الواحد واقف
وانا مش بدافع عن السرعه لان السرعه قاتله---بس فيه نسبه وتناسب بين الطريق وظروف الطريق
طب اخر فيديو مصورة كل اما حد يشوفه يفكرنى ماشى بالكتير على 120 واصلا العربيه كانت 200
وقبل اما الواحد يجرى لازم يطمن على كاوتش وان الغرامل تمام وان هوة شخصيا فى حاله صحيه جيدة
وبعدين
سنه 2000 تقريبا كنت مسافر مع اصحابى انا فى نيسان وهمه فى مرسيدس
والسرعه كانت 100 تقريبا --والمرسيدس نزلت تحت نقل وحصل الى حصل---ولا كان فيه سرعه 200 ولا حتى 120---بس كان فيه قضاء الله
وهرجع واقول السرعه فعلا قاتله

**lanos2004** · 10-04-2013 03:14 AM

المشاركة الأصلية كتبت بواسطة wawoo

دة اسمة انتحار ... .زى اللى بيرمى نفسة من فوق جبل و مستنى انة ينزل سليم ...

و هذا السائق لا تجوز علية الرحمة لانة مات كافر و مستهتر و ما فعلة يدخل فى دائرة الاجرام و اذا كانت حياتة لا تسوى شىء عندة فقد قتل اصدقائة بمنتهى البساطة ..و عرض حياة اخارين على الطريق للخطر...

ربنا يكفينا شر هؤلاء المجرمين على الطريق....

يا شباب نظرا لفتوى التكفير
من ركب طائرة فهو كافر-لانه يركب الهواء ومعرض للسقوط وهذا انتحار بائن
من ركب السفينه فهو كافر-لانه ركب الماء وعرض نفسه للغرق وهذا انتحار بائن
من ركب السيارة وتحرك بها فهو كافر-لانه ركب اربع اطارات مملؤءة بالهواء ومعرضه للانفجار وهذا انتحار
من شرب الماء فهو كافر--ممكن الميه تقف فى زورة ويتخنق ويموت --وهذا انتحار بائن

انبوبه البوتجاز فى البيت والكهرباء كفر ليس بعدة كفر لانه احضر قنبله الى بيته واحضر صاعق كهربى الى بيته
تخلصوا من كل شىء واركبوا الجمال والحمير تنالوا الرضا والرخاء

**Mohab.Nabil** · 10-04-2013 03:22 AM

معلش يا جماعة

بس فعلا سرعة 200 ديه اسلوب غير مباشر للانتحار و مش معنى كده اننا نعمم

الطرق ليها سرعات معينة محطوطة عليها و ديه السرعات القانونية اللى مفروض نلتزم بيها خصوصا فى مصر لأن الطرق فعلا وحشة و السواقين اوحش .. يعنى تفرق كتير اوى واحد ماشى 90 و حصلت حادثة و توفى غير واحد ماشى 200 و حصلت حادثة و توفى لأن الاول ملتزم بالسرعة القانونية لكن نصيبه كده انما التانى عمل حاجة خطيرة و عرض نفسه و غيره للخطر بسرعة غير مسموحة و غير مناسبة

و اسمحلى يا استاذ lanos2004 اختلف معاك

اللى ميلتزمش بقواعد الامان و السلامة فى اى حاجة و يعرض نفسه للخطر فعلا يعتبر طريقة غير مباشرة للانتحار .. و يا ريت مش كل حاجة ندخل الدين فيها لأن فعلا السرعة الزيادة ديه انتحار غير مباشر و بعيدا عن الدين خالص هتلاقى فى معظم اعلانات برة فى اوروبا و امريكا Speed Kills يعنى فعلا السرعة الزيادة ديه اداة بتقربك من الموت و بصراحة انا مقدرش احكم هل اللى يموت فى حادثة بسبب التهور كافر ولا لا لأن الموضوع دا محتاج حد دارس فى علوم الدين و فقيه فيها هو اللى يقدر يحدد بس مفيش خلاف ان السرعة و التهور الزائد هو اسلوب غير مباشر و غير مقصود للانتحار و بيخلى ناس تانية كتير تتعرض للخطر

**دولى عمر** · 10-04-2013 03:24 AM

.....................................

وقف نهائى لمخالفة قواعد المنتدى
8:22am 10/4/2013
م.ع.4

**AlGazar2** · 10-04-2013 03:43 AM

البقاء لله و ربنا يرحمهم ان شاء الله و يصبر اهلهم

و سبب الحادث فى اعتقادى سرعه زياده مع عربيه مساعداهم و محسساهم بامان و سن صغير و مفيش خبره للتصرف فى المواقف الى زى دى
و ممكن برضه يكون فى دخل لسائق النقل بحاجة غلط عملها فقائد الاوكتافيا معرفش و ملحقش يتصرف

**inspiron** · 10-04-2013 04:52 AM

البقاء لله....سن صغير = عدم خبرة
وفي المفاجئات يحدث ما لايحمد عقباه
ومعني انه ماشي بالفانتازيا علي سرعة ٢٠٢ كم /س والعربية لسه عاملة ١٠٠٠٠ كم يعني كان بيجري مسافة طويلة عشان يوصل بيها للسرعة دي والموتور لسه جديد

ربنا يغفر له هو اللي معاه