العربيه بتسخن

**lord_adel** · 10-04-2013 08:15 PM

بص يا باشا المفروض ان المروحة تشتغل فى الصيف مرة كل خمس دقائق والعربيه ماشية وانت واقف ممكن تشتغل مرتين او ثلاته حسب حرارة الجو المهم العربية متعلاش عن النصف الى هوة 90

**YHYAKOTB** · 11-04-2013 03:23 AM

المشاركة الأصلية كتبت بواسطة mohamed878

مش فاهمين قصدي المروحه لما بتشتغل بتنزل درجه الحراره عادي خالص لل 80 بس بتطلع لل90 تاني في مفيش دقيقتين

ههههه والله فاهم قصدك عشان كدة بسألك على صوت الموتور فى السلانسية عشان الموضوع دة كان عندى العربية كان صوتها عالى شوية وهى واقفة لما ظبطت الكاربيراتير الراجل هدالى الموتور اوى فالعربية بقى الوقت الى بتاخدة عشان تسخن وتشتغل المروحة اطول يعنى بدل مالمروحة تشتغل كل 3 دقايق بقت كل 7 دقايق وطبعا على حسب الطريق اذا كان واقف ولا ماشى

**mohamed878** · 11-04-2013 03:45 AM

المشاركة الأصلية كتبت بواسطة YHYAKOTB

ههههه والله فاهم قصدك عشان كدة بسألك على صوت الموتور فى السلانسية عشان الموضوع دة كان عندى العربية كان صوتها عالى شوية وهى واقفة لما ظبطت الكاربيراتير الراجل هدالى الموتور اوى فالعربية بقى الوقت الى بتاخدة عشان تسخن وتشتغل المروحة اطول يعنى بدل مالمروحة تشتغل كل 3 دقايق بقت كل 7 دقايق وطبعا على حسب الطريق اذا كان واقف ولا ماشى

مهو انا لسه مظبط الكربراتير و هتجنن كل ما اظبط ال اربي ام علي 8.5 تقعد يومين وبعدين الاقيها نزلت ل 5 دا علي السلانسيه فالعربيه بتترجرج انا قربت اتجنن

**المنسي** · 11-04-2013 01:35 PM

بص يامحمد علشان الموضوع ميتفرعش اكتر من كده مشكلة ان المروحة بتشتغل فى وقت قليل والعربية واقفة يعني المروحة تفصل وترجع تشتغل فى وقت اقل خد بالك ان الجو ابتدى يبقي حر وكمان فى حاجة تانية لو انت حاطط مية حنفية فى الردياتير فهتلاقى المية بتسخن بسرعة فالمروحة تشتغل بسرعة لو حاطط مية خضرا المروحة هتتاخر شوية فى التشغيل

قصة الكربراتير لو الكهربة عندك مش مظبوطة هتلاقى الار بى ام مش مظبوط مرة هتلاقيه على 8 مرة على 9 كل ده وانت واقف والعربية على السلانسيه فحاول تظبط كهربة العربية

**sakr_skoda** · 11-04-2013 10:37 PM

المشاركة الأصلية كتبت بواسطة mohamed878

طيب قولي يا استاذ محمد اظبط الكهربا بتاعتها ازاي

اتفضل استاذ محمد من الموضوع اللى فى اللينك دا حتعرف تظبط كهربة العربية ازاى وسلامتك مرة تانية ياحبيبى من الجنان ........

http://www.nilemotors.net/Nile/339710-a.html