صيانة ال 1000

**poppops** · 14-04-2013 07:30 PM

???????

**HHALAWANY** · 14-04-2013 11:22 PM

المشاركة الأصلية كتبت بواسطة poppops

???????

يا شباب ماحدش رد على الراجل بخصوص سؤاله الاولاني واللي هو اصل الموضوع :)
والاخ سأل كان

المشاركة الأصلية كتبت بواسطة poppops

انا اشتريت ماروتى 2013 و كنت عاوز اسال عن صيانة ال1000كم....نوعية الزيت و اشترىه منين و مصاريف الصيانه كام ؟شكرا

وزكر انه هايعمله في التوكيل :)

**LORD.ADeL** · 15-04-2013 04:06 PM

دى مشاركه للدكتور حازم من فترة بخصوص صيانه 1000 فى توكيل
اما بخصوص الاسعار معتقدش حد يعرف حاليا لان كمان ممكن تكون زادت مع زيادة الاسعار
اما بخصوص زيت هما شغالين بموبيل ومحدش بيستعملو دلوقت
الافضل حاليا شل الاصفر 50-15 هيلكس ممكن انت تجيبه معاك تقلهم عايز اغير زيت دة وكدة
والله اعلم

المشاركة الأصلية كتبت بواسطة dr.hazem

في الكتالوج بتاع الماروتي صيانة 1000 كيلو كالتالي:
استبدال زيت الماتور
استبدال فلتر الزيت
الكشف على سير الدينمو وشده ان لزم الامر
التشييك على السوائل

في حاجه مش في الكتالوج لكن المهندسين الميكانيكيين بينصحو بيه وهي تغيير زيت الفتيس وارشحلك زيت فتيس 90 ايسو او موبيل كلهم كويسين
والسبب في تغييره ان من تليين الفتيس ممكن يكون فيه رايش يزود الاحتكاك جواه...

الصيانة اللي بعدها بتبقى على 5 وبعدها على 10 وثم كل 10

طيب
نيجي للمكان
الكلام الفاضي ده مش محتاج التوكيل في اي شئ وانا رأيي تعمله بره ارخصلك واوفرلك في الوقت والمجهود...

نيجي للموضوع بتاع الزيت...

الماروتي من المحركات التي تعتمد على اللاتكنولوجيا في الموتور
ومفيش فيه حاجه تستدعي ان الواحد يحط في موتورها زيت تخليقي
بل بالعكس
التخليقي اداؤه وحش جدا مع موتور زي موتور الماروتي
نسبة بخره اعلى
ومعندناش اماكن ضيقه جدا تحتاج الى تزييت
وبالتالي
اي جنيه بيدفع في زيت تخليقي ما هو الا فائض من جيبك انت مستغني عنه ولو كده ممكن تبقى تعبي بنزين 95 لان المحصله واحده
فلوس زياده عالفاضي

اتمنى اكون وضحت للجميع بعض الاستفسارات والاستفهامات وربنا يكتب اللي فيه الخير

تحياتي