الموضوع: ضعف صاج الصنى الجديد ه

انا خدت تريقه لما اشتريت العربيه لما اكتفيت اللي يقولك دي هندي اقفيل مصري معفن
و اللي يقولك ده تابلوه فقير و اللي يقوك من ورا وحشه و من قدام عامله زي دكر البط محطتش ا ي حاجه في دماغي العرييه شغاله و لازال سعر قطع غيرها ارخص من غيرها و من الاخر اللي معاه فلوسها بس يجيب و هو ساكت و اللي معاه اكتر و عايز يدفع و يدلع نفسه يروح يجيب و ميوجعش دماغه معانا هنا ا

( لولا اختلاف الازواق لبارت السلع )
كل واحد فينا له وجهه نظر وممكن اللى انا شايفه ميزه حد تانى يشوفه عيب .. يعنى مثلا الشكل انا شايفه رائع غيرى شايفه انه عامل ذى دكر البط هوه حر ..
انا شايف انها عربيه واسعه وعائليه واقتصاديه وفيها وسائل امان عاليه .اما حكايه انها فيها جزء كبير مصرى فأنا فخور بهذا بصناعه وتقفيل بلدى مصر لاننا مش اقل من حد بالعكس وانا شايف ان تقفيل العربيه ممتاز ..
اما الصاح فعلا خفيف .. بس ياريت حد يقولى على عربيه موديل 2013 فى نفس الفئه السعريه ويكون صاجها اتقل منها .. انا شايف ان صاجها افضل من صاج عربيات كتير ويمكن تفوقها فى السعر .. على الرغم انى ارى ان خفيه الصاج ميزه وليست عيب على الاقل فى استهلاك البنزين .. وكلمه حق اخيره خدمه ما بعد البيع فعلا اكثر من ممتازه ووكلاء فى غايه الاحترام ..

انا من ملاك العربية و بحبها جدا و مش ندمان انى اشتريتها انا جبتها بعد تفكير و تدوير لو قلتلكوا اد ايه مش حتصدقوا و بيزداد تمسكى بيها بعد اللى بشوفوا فى اسعار العربيات الان كيا ريو الجديدة السيراتو الجديدة الالنتر اللوزعية الهلامية اللى من غير ايموبيلايزر وقربت تبقى بسعر الفانتازيا حتى اللوجان الاوتوماتيك بقت ب 95.5 لك الله يا مصر

بعيداً عن كل شيء .. معظم الناس إللي بتفتي في العربية أصلاً لم يركبوها!

ويمكن كمان شافوها في الصور وبس! :d

من الأخر هديكوا مثال: أنا لما بشوف عربية سيتروين c4 بحس إنها عربية حد ضاربها شلوت من ورا .. شكلها لا تستسيغه العين المجردة .. فما بالك لو ركزت ممكن يجيلك تلبك معوي ..

لكن أنا مش هقدر أخش على قسم سيتروين وأقعد أقول الكلام ده لأنه ساعتها ده هينم عن جهل مني لأني مركبتش العربية ولا جربتها وبشوفها في الشارع وأخري بقرأ عنها كلمتين هنا ولا هناك.

رجاءً من كل الأعضاء أن نلتزم بقاعدة (بلاش فتي) الأصيلة في المنتدى لأنه بدون هذه القاعدة .. سيتكلم كل واحد في غير فنه وسيأتي بالعجائب.

انا اشتريت الاكسنت بردوا صاجها ورق في ورق والدهان مش هكلم عنه اي شويه رمل في الطريق تلاقي الصاج عباره عن نقط بيضاء الدهان من ضعفه اي حاجه بتعلم فيه فلعربيات الجديده اغلبها صجها كدا ياما دور علي فئه اعلي مرسيدس بي ام وعلي قد فلوس وشكرا

اولا انا ملاك الصنى الجديدة .ومبسوط بها جدا ومن ادائها .وكل حاجة فيها ميزة وعيب وكل واحد بيختار على قد الفلوس الى هيشترى بها اكتر مميزات مهمة عيوب اقل فى وجهة نظره.انا اشتريت الصنى الجديدة بعد تفكير وسؤال كتير اوى.وكان قدامى حل من اتنين اما الصنى القديمة وهى ضيقة شوية واستهلاك بنزين عالى وصاج قوى وثبات اعلى على الطريق مقابل صاج اضعف مع وسع داخلى اكبر واستهلاك اقل فى البنزين وانا اخترت الصنى الجديدة لانها تناسبنى جدااااا.وده بعد دراسة كل الموجود بالسوق المصرى .انا بس ليه كلمة واحدة لاصدقائنا الى بيقولوا سعر المستعمل فيها فى النازل يا ريت نكون بس منطقيين فى كلامنا علشان نقدر نصدق يعنى انا كنت فى السبع من يومين علشان اسأل على قشقاى لوحد صحبى وقلت اسأل على الصنى لقيته بيقول تحجزها شهرين او 112 ومش موجودة كمان ده الجديد ازاى بقى المستعمل سعره بيقل .الى مش عجبه العربية ممكن يدور على حاجة احسن بس يقولنا ايه الى فى الفئة السعرية دى ممكن يكون احسن. واسف على الاطالة