الموضوع: هل اشترى الرينو فلوينس الفيس ليفت ولا اة

المشاركة الأصلية كتبت بواسطة ahmadm

السلام عليكم

• كل فئات الفلوانس لا يوجد بها esp يوجد فقط abs & ebd & ba
• السيراتو لا يوجد بها غير abs حتى فى اعلى فئة ال ب 196000
• فانوس السيراتو الامامى اللى فية ليدات ب 6000 جنية
• السيراتو شكلها جديد و مش هاتنتشر قوى زاى القديمة عشان سعرها غالى
• يوجد فى السيراتو نظام جديد للتحكم فى ثقل الطارة اثناء القيادة
• الستارت ستوب انجن موجود فى السيراتو فى الفئة اللى ب 183000 فى القلوانس موجود من اول 170000

• كراسى السيراتو الخلفية قعدتها ناشفة سنة مقارنة بالفلوانس ( لسة مجربهم امبارح)
• شنطة الفلوانس اكبر بحوالى 100 لتر عن شنطة السيراتو
• عداد الفلوانس ديجيتال من اول الفئة اللى ب 170000 موجودة فقط فى اللى ب 196000فى السيراتو

ارجو المرور على الموضوع دة للأفادة


http://www.nilemotors.net/nile/330841-2012.html

+111 و لو ان فيه حاجات فى السيراتو الهاى لاين اعتقد مش موجوده فى الفيلوانس حتى اعلى فئه ( كاميرا خلفيه و كراسى كهرباء و كاسيت تاتش سكرين)
لو سمحت ايه العداد الديجتال اللى فى السيراتو ده؟؟؟

المشاركة الأصلية كتبت بواسطة koshakindnes

ربنا يوفقك الاول ياباشا وتختار الاحسن



بس انا مش فى حيرة انا قربت اتجنن خلاص لانى عمال اتمرجح ما بين سيراتو والنترا لحد 508 وباسات



وطبعا بعدت عن السكودا والباسات والكلام دا كولوا علشان الفتيس


وال 508 سعرها على اوى


فضل كدا عندى الرينج الى اقدر عليه

فورد
اوبل
رينو
والكورى الى غلى كولوا

الفورد ناس اشتكت من الفتيس انو بيتردد وتقيل
الاوبل ضييقة جدا وحسيت انى قاعد فى قبر ومش ببالغ الصراحة لان علشان تعد مستريح قدام وانا من النوع الى بحب يكون الكرسى بعيد شوية عن الدريكسيون فا سعتها محدش ينفع يعد وراك ضيقة جدا يعنى

الرينو لسا معرفش عنها حاجة خالص


ومحتااااااااااااااااار وكمان فى نقطة ان كلها 6شهور وموديلات 2014 يعنى على شهر 10 فا ليه اجيب موديل 2013


حيرة من كل ناحية يعنى


وشيلتك همى معلش تحياتى :d

أنا شايف انك لازم تتفرج علي الرينو فلوانس و العربية موجودة دلوقتي في المعارض و عندد الموزعين و كمان ممكن تعمل test drive في توكيل العبور عشان تتطمن .. لكن فعلا العربية عاملة سمعة كويسة من اول الشكل القديم لما نزل في 2010 و رينو عملت تعديلات جديدة في العربية للافضل في الموتور و الفتيس غير تغيير في وش العربية مديها شكل رياضي جديد مالهوش حل

و ربنا يوفقك ان شاء الله في حسن الاختيار

المشاركة الأصلية كتبت بواسطة meggieboy

يا فندم أنا مش بعيب خالص فى الهيونداى و لا الأسيوى عامة و لا بعمل مقارنة مين أحسن و مين أوحش لأن ما هو أحسن لى مش حلو بالنسبة لحضرتك...العربية جميلة ما شاء الله و ربنا يبارك لملاكها و مليانة كماليات....مبيعاتها تفوق الأوروبى بمراحل و ده بيأكد نجاحها....

أنا بس بقول أن ركوب الأوروبى كثبات و صاج و خامات شىء و الأسيوى فى نفس الشريحة شىء تانى مختلف ليس بالضرورة أسوء و لكنه مختلف

متفق معاك مليون فى الميه أن سعر إعادة البيع للأوروبى واقع، قطع غياره أغلى و مش متوفرة خارج التوكيل و لازم صيانة التوكيل فى كثير من الأحيان، موتور أحساسه أقل لتقل الصاج، تكييف أسوء

الخلاصة حضرتك عايز أيه من العربية و دى بتفرق من شخص لأخر...أنا يالنسبالى العربية مش أستثمار...مش ببيع بسرعة (عربيتى موديل 2006) فمش ببص أوى لسعر إعادة البيع...بعمل صيانتى فى التوكيل...ببص على أعلى ثبات ممكن (أوروبى بلا شك)...عفشة جيدة متماسكة....أعلى أمان (6 إيرباج-جميع أنظمة الأتزان و الفرامل esp, ebd....سماكة صاج إستحالة تلاقيها فى الأسيوى)....جودة خامات و تشطيب تجدها و تحسها فى كل حتة فى العربية.....إحساس و رقى لا يوصف....عربية غير منتشرة....عربية متملش من ركوبتها....
أنا واحد من الناس العربية بالنسبالى أداة للمتعة و ليست و سيلة إنتقال فقط....أسرتى و أحبابى و أصدقائى بيركبوا فيها علشان كده لازم يكون أعلى أمان متاح ليا و ليهم....بأستمتع بسواقتها و ثباتها على السرعات العالية و شخصيتها من شخصيتى....دى وجهة نظرى للعربية و أكيد مختلفة تماما مع وجهات نظر أخرى لها منى كل إحترام و تقدير

ما شاء الله .. الله يفتح عليك .. مافيش رد أحسن ولا أوقع من كده انت كده جبت المفيد

السلام عليكم بص ياباشا انا معايا العربية من شهرين موديل 2013 الشكل القديم بس انا فى السعودية يعنى معايا العربية الكورى وليس التركى والعربية ماشاء الله عليها الماتور اللى نزل بالخليج من اول 2010 هو نفس الموتور اللى نزل مصر السنة دى والفتيس طبعا هما ماتور وفتيس التيدا والعربية فيها ebd وebs espهقولك حاجة انت لو بتدور على عربية قوية من ناحية الصاج والامان يبقى فلوانس وانت مغمض لكن لو بتدور على عربية تجرى بيها يبقى خليك فى الالنترا الفلونس قوية وصاجها متين ووسائل الامان فيها رهيبة النهاردة بفضل انظمة الفرامل اللى فيها انقذتنى من حادثة اكيدة واحد فرمل امامى وانا على بعد حوالى متر مترين كده وكنت على سرعة 120 ودوست فرامل العربية ولا زحفت ولا عامت ولا اى شى تجاوبت معايا بطريقة لدرجة انى قعدت اشكرها طول الطريق العربية من وجهة نظرى عيبها الوحيدة الطلعة بتاعتها تسارعها بطىء لحد ما توصل ل60كم بعدها العربية تسارعها جميل جدا والعربية ثبات متناهى على الطريق انا عن نفسى فضلتها هنا عن الكرولا والالنترا مع ان هنا سعرهم متقارب الكرولا اغلى حبة والالنترا ارخص حبة جرب كده ارفع الكبوت وشوف حمل الصاج بتاعه عامل ازاى وياريت تفيدنا عملت ايه

المشاركة الأصلية كتبت بواسطة ahmadm

السلام عليكم

• كل فئات الفلوانس لا يوجد بها esp يوجد فقط abs & ebd & ba
• السيراتو لا يوجد بها غير abs حتى فى اعلى فئة ال ب 196000
• فانوس السيراتو الامامى اللى فية ليدات ب 6000 جنية
• السيراتو شكلها جديد و مش هاتنتشر قوى زاى القديمة عشان سعرها غالى
• يوجد فى السيراتو نظام جديد للتحكم فى ثقل الطارة اثناء القيادة
• الستارت ستوب انجن موجود فى السيراتو فى الفئة اللى ب 183000 فى القلوانس موجود من اول 170000

• كراسى السيراتو الخلفية قعدتها ناشفة سنة مقارنة بالفلوانس ( لسة مجربهم امبارح)
• شنطة الفلوانس اكبر بحوالى 100 لتر عن شنطة السيراتو
• عداد الفلوانس ديجيتال من اول الفئة اللى ب 170000 موجودة فقط فى اللى ب 196000فى السيراتو

ارجو المرور على الموضوع دة للأفادة


http://www.nilemotors.net/nile/330841-2012.html

معلوماتك صحيحة تقريبا بالنسبة للفلوانس لكن لو تسمحلي أحب اصصح حاجة في الفلوانس الشكل الجديد اناراكب اول فئة في الاتوماتيك الي ب 155000 و فيها عداد ديجيتال

المشاركة الأصلية كتبت بواسطة alaa a.khair

معلوماتك صحيحة تقريبا بالنسبة للفلوانس لكن لو تسمحلي أحب اصصح حاجة في الفلوانس الشكل الجديد اناراكب اول فئة في الاتوماتيك الي ب 155000 و فيها عداد ديجيتال

اولا مبروك على العربية ............ بس ممكن حضرتك تشرحلنا اخبار التكييف بتاع العربية ايه وهل هو نفس قوة التكييف بتاع الموديل القديم ولا اتحسن شوية خصوصا ان بقه فيه مخرج تكييف خلفي وياريت لو حضرتك تقولنا انطباعك عن العربية بشكل عام وخصوصا التكييف عشان انا ناوي اشتريها ان شاء الله بس موضوع التكييف اللي هيقررلي القرار الاخير ....

يجماعة العربية ما شاء الله عليها واتاكدت كمان من موضوع الصاج دا حاجة محترمة جدااااااا

والعربية فى اوبشنات متلقهاش غير فى عربيات بتمن ال 200 الف وانا تقريبا دلوقتى حددت دماغى على نوعين بس دلوقتى
فورد فوكس او رينو فلوانس ولو فى جديد هستشيركوا طبعا