الموضوع: هل اشترى الرينو فلوينس الفيس ليفت ولا اة

المشاركة الأصلية كتبت بواسطة mohab.nabil

فلوينس افضل

اوسع و خاماتها افضل و الفتيس مفهوش مشاكل زى الـ power shift بتاع فورد .. غير ان الفلوينس ارخص شوية كويسين

بصراحة انا شايف انك مش هتاخد من الفورد غير اسمها بس

و الاتنين اعادة بيع واقعة و ان كانت الفلوينس افضل لأن العربية ابتدت تنتشر من ساعة الشكل ما قبل الفيس ليفت

شكرا لرد حضرتك
الفتيس مالوا بقى بتاع الفورد كل لما حد يقولى كدا اسالوا اة الشماكل ميردش عليا

أسال ملاك فورد كولوا يقول مفيش اى مشكلة خالص والفتيس سريع ومخلى العربية بتجرى


تحياتى

ونقطه كمان معلش بالنسبة للفخامة لا دى هتبقى الفوكس من وجهة نظرى انما الوسع للفلوينس

قوة الماتور للفوكس

المشاركة الأصلية كتبت بواسطة mohab.nabil

العفو

الفتيس power shift نفس فكرة عمل فتيس الـ dsg تقريبا و الله اعلم فيه نفس المشاكل بتاعت الـ dsg انه يبوظ ولا لا بس الاكيد ان النوع ده من الفتيس حتى لو شغال صح بيبقى مقرف فى السواقة فى الزحمة و بيتردد كتير فى الغيارات و طبعا حضرتك عارف ان كل البلد زحمة فمش ممتع خالص فى السواقة فى الزحمة غير الاوتوماتيك العادى اللى بتريح دماغك و بنزين و فرامل و خلاص لكن طبعا لو طرق مفتوحة اكيد اداء الـ powershift افضل كتسارع و استهلاك بنزين ( تكنولوجيا افضل اصلا )



انا اتكلمت على الخامات مش الفخامة ، انا بصراحة جودة خامات الفورد معجبتنيش و حسيت التقفيل فى الفلوينس افضل بس عامة الشكل و الفخامة ديه وجهات نظر و مفيش حاجة فيها صح يعنى ممكن حد يعجبه الانتريور بتاع عربية و حد تانى يكون مش عاجبه خالص ،بالتوفيق ان شاء الله

تمام حضرتك

فعلا هو نفس ال dsg وسمعت كلام كتير انو احسن بس برضوا نبعد عن الشر :d

انا اولا مبسوط ان حضرتك بتكلمنى انا متابع حضرتك فى كذا قسم كلامك ما شاء الله جميل جدا

وهستغل حضرتك ترشحلى عربية اييييييييييه

مع العلم ان سنى نفس سنك

ومعاك لحد 190 الف :d

المشاركة الأصلية كتبت بواسطة SAWA1SAWA

الخلاصة حضرتك عايز أيه من العربية و دى بتفرق من شخص لأخر...أنا يالنسبالى العربية مش أستثمار...مش ببيع بسرعة (عربيتى موديل 2006) فمش ببص أوى لسعر إعادة البيع...بعمل صيانتى فى التوكيل...ببص على أعلى ثبات ممكن (أوروبى بلا شك)...عفشة جيدة متماسكة....أعلى أمان (6 إيرباج-جميع أنظمة الأتزان و الفرامل esp, ebd....سماكة صاج إستحالة تلاقيها فى الأسيوى)....جودة خامات و تشطيب تجدها و تحسها فى كل حتة فى العربية.....إحساس و رقى لا يوصف....عربية غير منتشرة....عربية متملش من ركوبتها....
أنا واحد من الناس العربية بالنسبالى أداة للمتعة و ليست و سيلة إنتقال فقط....أسرتى و أحبابى و أصدقائى بيركبوا فيها علشان كده لازم يكون أعلى أمان متاح ليا و ليهم....بأستمتع بسواقتها و ثباتها على السرعات العالية و شخصيتها من شخصيتى....دى وجهة نظرى للعربية و أكيد مختلفة تماما مع وجهات نظر أخرى لها منى كل إحترام و تقدير

معك قلبا وقالبا وكل التأييد لكلامك وعين العقل
, ياجماعة إنتوا بتشتروا حديد بيجرى على الأرض فلازم عوامل الأمان والثبات تبقى مهمة
وهى دى المعايير لأى عربية محترمة فى أى دولة إلا ........

كلام حضرتك صح اهم حاجة عوامل الامان فى العربية وهى مش استثمار عشان افكر فى البيع قبل الشراء انت كده جبت الخلاصة

السلام عليكم و رحمة الله و بركاته.
بالنسبة للفلوانس. (الشكل الجديد ).
سحبها ممتاز مع الفتيس و الموتور الجديد.
هذا بالإضافة إلى العداد الديجيتال الجديد و الذى اضاف للسيارة لمسة جمالية.

تجربتى للفلوانس ٢٠١٣ ( الشكل الجديد )

السيارة بسم الله ما شاء الله سحبها ممتاز مع الموتور و الفتيس الجديد
شكلها الامامى جبار و العداد الديجيتال حكاية
انا جبت اول فئة اوتوماتيك بس فى الواقع انا بحس أنها هاى لاين. لانها فيها كل حاجة
بلوتوث ، وحداة رفع ، مثبت سرعه و محدد سرعة ، طارة جلد , فوج لايت ، ستارة خلفية ، مالتي فانكشن ، درج مبرد (ثلاجة)
بالاضافة للأمان أنظمة الفرامل abs ,ebd , bas الفرامل ما شاء الله بتحس أنها هتسعفك فى اى موقف و كمان فى نظام زى ESP. بيتحكم فى الاتزان TCS

بالنسبة للعفشة بتحسسك أنها تسلك فى الحديد
بالنسبة للاتزان مافيش كلام
آخر نقطة هى سعر إعادة البيع انا قبل ما جيبها كنت عايز اشتريها مستعمل كالعادة بس لاقيت أنها بتتباع كويس يعنى كان قدامى واحدة ٢٠١١ e2 (اول فئة اوتوماتيك ) عداد ٣٥٠٠٠. اتباعت ١١٩٠٠٠ بعد سنتين علما بان سعرها الزيرو فى ٢٠١١ كان ١٣٢٠٠٠ يعنى سعر إعادة البيع جيد جداً وذلك بفضل ما حققته السيارة من سمعة طيبة عشان كدة اتوكلت و جبتها زيرو ده غير أن كل المواضيع إللى قراءتها عنها كانت محترمة جداً

بصراحة يا جماعة السيارة ممتازة