تجربتي مع الكارينز وشقاوتها

**houseiny** · 19-04-2013 07:43 PM

النهاردة انا كنت جاي من اسكندرية بعد الجمعة
وكنت اول مرة اجري بالكارينز
انا جاي طول الطريق على سرعة حد ادني 140 وحد اقصي 180
انا جيت في ساعة و40 دقيقة من اسكندرية للرماية واللي عطلني بس التحويلات اللي في الطريق
بس العربية ثبات ما شاء الله وكأني ماشي على سرعة 90
ولا حاسس بالطريق ولا السرعة وبفضل الله استهلاك بنزين كنت خايف منه ، انا فولت من على كورنيش اسكندرية من قبل مكتبة أسكندرية ، فولت التنك زور ، وصلت هنا للرماية ، المؤشر يدوب نزل حتة صغيرة ، عن اول شرطة ، العيب الوحيد اللي قابلني في التجربة دي ، وانا على سرعة 180 في شوية هوا شداد جم من الجنب هزوني سنة صغيرة ، بس ده حصل مرة واحدة بس ، وبقية الطريق زي الفل الحمد لله ، انا بقول بس الكلام ده للناس اللي بتقول على الكوري انه وحش ومش ثابت وفرامله تعبانة ، انا كنت اما باجي عند اي مطب كانت بتهدي معايا في ثواني وتنزل من 180 ل 60 في وقت قصير جداً.
كان في واحد معايا على الطريق راكب بي أم أكس 3 وكنا بنشد مع بعض ، الراجل جينا عند البوابات هنا في القاهرة بيقولي العربية دي عاملة كام فلوس ، وعجبه الأداء بتاعها ، بيقولي انا عيني عليها في الطريق وعجبني انها ماسكة في الأرض ، وشدها كويس ، بس لفت نظره انها صوتها بيعلى جامد في الكيك دون ، ولما عرف انها 124 حصان على 1600 ماكنش مصدق ، بس قالي انها فعلاً الهورس بتاعها عالي عشان تشد مع بي ام اكس 3 فده كويس .

**mshmshm3** · 19-04-2013 08:40 PM

الكيا كارينز بسم الله ما شاء الله من العربيات الكويسة
الكوري جميل جدا من ضمن مميزاته توافر قطع الغيار و رخصها

**MITSUKERO** · 19-04-2013 08:55 PM

الكارينز عربية ممتازة جدا و التقرير ده بيؤكد ده و العربية دي من يوم ما نزلت و هي عجباني انا فاكر اني لومت الوكيل جامد جدا في معرض اوتوماك انه منزلهاش بدري سنه و قالي فعلا احنا غلطنا لانها لو كانت نزلت مكنشي فيه ولا عربية ماتريكس اتباعت