<<<<< مقارنة شاملة بين الاسد الفرنسي Peugeot 508 والوحش الالماني OCTAVIA a7 الجديدة

**mo7a_mo7a** · 07-07-2013 12:45 AM

المشاركة الأصلية كتبت بواسطة yahiaashraf

الله ينور يا باشا تقرير ولا أروع

هى كشكل خارجى السكودا تكسب

انما كشكل داخلى للتابلوه ممكن نقول البيجو تكسب
ولكن ده لا يعيب فى شكل السكودا بالعكس انا شايف انه كويس برده

والله يا فندم انا بشكل شخصي شايف البيجو احلى في كل حاجة خارجي وداخلي
لكن سكودا انسب للطرق المصرية
شرف ليا تشريف معاليك للموضوع واثرائه بتعليقك

تقبل خالص التحية

**mo7a_mo7a** · 07-07-2013 12:47 AM

المشاركة الأصلية كتبت بواسطة mitsukero

موضوع رائع رائع رائع

شكرا ليك جدا

العفو يا فندم خالص تحياتي

المشاركة الأصلية كتبت بواسطة khaled607

مجهود رائع وتحفة بجد والأوكتافيا جامدة

طبعا جااااااامدة

تحياتي لحضرتك

المشاركة الأصلية كتبت بواسطة kimo1972

والله انت برنس يا عم

تسلم يا فندم وشكرا ليك

المشاركة الأصلية كتبت بواسطة dent86

شكرا

العفو نورت والله

**mo7a_mo7a** · 07-07-2013 12:49 AM

المشاركة الأصلية كتبت بواسطة spikymah

مجهود أكثر من رائع

اخجلتم تواضعنا
شكرا لمعاليك

المشاركة الأصلية كتبت بواسطة mahmode

الأوكتافيا أعلى فئة وهم. بس سعر العربيات في مصر مبالغ فيه لأبعد الحدود.

مبالغ فيه بس

دي قلة ادب

**mo7a_mo7a** · 07-07-2013 12:58 AM

المشاركة الأصلية كتبت بواسطة elferekiko

" الاستنتاج النهائي ان الاكتافيا اوسع من الداخل لكن صالون ال 508 اشيك كمان الراكب الثالث علي الكنبة الخلفية في البيجو حيكون مرتاح اكتر لوجود فتحة في الكنسول الوسطي يقدر يحط رجليه فيها "

مش عارف انت وصلت للاستنتاج دا ازاي مع ان الصور اللى انت ارفقتها بتبين بوضوح ان البيجو اطول واعرض (بدون مرايات) وطول قاعدة العجلات ف البيجو اطول يبقى ازاي صالون الاوكتافيا اوسع مش فاهم هل انت زكبت الاتنين والحكم دا احساس شخصي من جانبك

قاعدة العجلات مش هي الفيصل لان التجهيزات الداخلية بتاخد مساحات منها وده بيختلف من عربية للتانية
الاستنتاج بناء علي (ارقام) المساحة الطولية بين ظهر الكنبة الخلفية والكراسي الامامية وبالمثل المسافة بين الكراسي الامامية والتابلوة وكذلك الارتفاع المتاح للركاب وليس راي شخصي

انا من عشاق الاوكتافيا ومعيا واحدة دلوقت واللى قبلها برضه كانت اوكتافيا وقبلها فليشيا بس طول عمر السكودا شعبيته في انه اقتصادي واعتماديته عالية مش فاهم ازاي الوكيل ينزلها بالسعر دا ف نفس الوقت اللى البيجو موتورها اقوى وبرضو تربو وكمان مافيهاش مشكلة فتيس ال dsg اللى كل 20 الى 30 الف بيجيب كلاتش او ميكاترونيك وادفع فوق السعر دا كمان كل سنة او اتنين مبلغ وقدره

استهبال بعيد عنك
مع العلم ان سعر بيجو 508 برة مصر في بعض فئاتها اعلى من الاكتافيا (حاجة تجن)
السوق في مصر بيغر الوكيل ويخليه يفترى زي ما هو عايز - نص احتكار

العربية ممتازة مافيش كلام وشكلا احلى من البيجو ف رايي الشخصي بس بالعيوب دي صعب جدا اقتنع بيها وفي الغالب ان شاء الله ممكن اجيب الرابيد لو نزل منها اوتو

حينزل منها اوتو بس صدقني صعب انك تنزل من اكتافيا تركب رابيد - صدقني حتحس بفرق ومتنساش انها بتتصنع في الهند

وفي الختام طبع احييك على المجهود الرائع المبذول ف هذا الموضوع

بارك الله فيك وانا شاكر جدا علي اثراءك للنقاش

تحياتي

المشاركة الأصلية كتبت بواسطة mahmode

مجهود أكثر من رائع

المشاركة الأصلية كتبت بواسطة eraser

تسلم ايدك يا باشا موضوع هايل كالعادة

الف الف شكر لحضرتك نورت الموضوع بجد
تحياتي

**mo7a_mo7a** · 28-08-2013 10:18 PM

المشاركة الأصلية كتبت بواسطة haelabd

انا و الحمد لله معايا البيجو 508 و بحمد ربنا لانه اختيار موافق للغايه عربية و الا اروع و ثبات و قوة على الطريق بسم الله ما شاء الله

ربنا يبارك لك فيها يا فندم
هي عربية ممتازة بكل المقاييس العالمية وفخر لبيجو طبعا وتعتبر حصانهم الرابح حاليا من وجهة نظري وتقاريرها علي كل الرفيوهات العالمية زي الفل وتعتبر متجربة عن الاكتافيا الجديدة طبعا

انا كنت علي وشك اشتريها شهر 6 اللي فات لكن ترددت خفت من موضوع ان الاكسدامات مش بارزة اوي واي خبطة من قدام حتبقي في وش العربية واي خبطة في الشنطة حتاكلها خاصة انها فيبر
وانت عارف شوارعنا عاملة ازاي

انا مستني شوية ونشوف ان شاء الله خير

تقبل تحياتي

**mo7a_mo7a** · 28-08-2013 10:21 PM

ده فيديو بيوضح كل مميزاتها

2011 Peugeot 508 Start-Up and Full Vehicle Tour - YouTube

**Abdo Taha** · 29-08-2013 07:10 PM

انا شايف البيجو شكلها افخم و ملوكي اثر من الاسكودا بكتير لأني شفت الاثنين و يحسسوك ان دي فئة و التانية فئة تانية الخالص لكن الكماليات لصالح السكودا طبعا