الموضوع: مش عاجبك فتيس الكورولا mmt

المشاركة الأصلية كتبت بواسطة mandooo

دكتور اسماعيل انا فعلا قريت تقرير حضرتك قبل ما اشترى العربيه بيوم واحد بس والصراحه انا ركبتها وشفتها بنفسى ولكن احب اقول حاجه بس من غير ما حد يضرب انا كنت هشترى اللانسر شارك(حسيت شكلها هيبقى شبابى اكتر خصوصا انى لسه طالب جامعى فى هندسه) ولكن كل لما اقول لحد يقول هات كورولا افضل اقول لاى حد عاوز اجيب لانسر الجديده يقولى هات كورولا افضل المهم كنت محتار مووووت بس انا الصراحه ميال اكتر لسيارات التويوتا عموما فبعد ما قريت تقرير حضرتك قطعت الشك باليقين وقررت اشتريها والحمد لله على كل شىء واشكرك جدا دكتور اسماعيل على تقرير حضرتك

---------------------------------------------------------------------
الحمد لله ان التقرير كان له دور فى اتخاذ قرار الشراء ودا اللى طالبينة فى المنتدى يعنى تقييمات واختبارات قيادة يستفيد منها المقبل على الشراء مش كلام يبرر حب او كره الكاتب لسيارة معينة
لاشكر على واجب ياماندو وياريت نعرف اسمك بقى لان كلنا فى المنتدى تقريبا نعرف بعض بالاسم واحيانا بالوظيفة وانا حابب اتعف عليك لانك تمتلك شخصية متوازنة غير متطرفة او حادة وصريحة وجريئة واسلوب مهذب يحترم اراء الاخرين ويرد عليهم بالمنطق وليس بالدراع وهو دا بالضبط اللى نفسى انا وكل اعضاء المنتدى يكون شعار المنتدى (عبر عن رايك باحترام وبدون تسفيه لآرآء الآخرين)تقبل خالص مودتى د/ اسماعيل

المشاركة الأصلية كتبت بواسطة sharky

يا دكتور أنا لست متحاملا على شركة تويوتا بالعكس ان بحترم الشركة دى جدا و بعتبرها من أنجح شركات العالم و بدليل إنى لما جيت أفكر فى عربية أقل من 100 الف جبت الياريس لإنى شايف إنها أفضل فئتها و الكرولا الشكل القديم من السيارات المحترمة أيضا لكن الكرولا الجديدة أعيب عليها الأتى:
1- السعر العالى جدا
2- شكل ليس مقبول بالنسبة لى
3- فتيس ليس مقبول أدائه بالنسبة لى
4- غلو أسعار قطع الغيار و الصيانة

هى دى أسبابى إللى مخليانى غير معجب بالكرولا الجديدة فقط و ليس كل الكرولا و كل تويوتا

أرجو أن يكون وجهة نظرى وصلت لحضرتك

-----------------------------------------------------------
الله ينور ياشاركى هو دا اللى عاوزينه وهو الرد بهدوء ومنطق واسباب ونقاط مبررة وعشان كدة انا احترمت رايك فى الكورولا(بالنسبة لك )تقبل وافر احترامى د/اسماعيل

المشاركة الأصلية كتبت بواسطة sharky

سعرها غالى قوى طبعا ل قارنتها بالميجان إللى فيها أوبشنز أعلى من الكرولا و بتبدأ بـ 125 الف
لو حضرتك سوقت الفتيس التيبترونيك حتحس بفارق كبير و تعومة فى السواقة بينه و بين الإيزى ترونيك أو MMT سواء على الأتوماتيك أو المانيوال و حتحس بالإزعاج إللى بنحسه لما نسوق فتيس الأسترا و الكرولا

------------------------
انت ابديت رايك بس ماردتش على النقطة اللى اثارها ماندو وهى سعر اعادة البيع وانا متفق معاه لانى لقيت فى اعلانات البيع ميجان بانوراما كاملة بحدود 70 الف فى حين ان الكورولا موديل نفس السنة(2005) بحدود 90 الف خالص مودتى

المشاركة الأصلية كتبت بواسطة sharky

حضرتك تقصد حد معين بالكلام دا يا دكتور

------------------------
انا مش عايز حد يزعل منى بس فى زميل عضو فى المنتدى(مع كامل احترامى له)بيهاجم التويوتا وايابانى عموما بضراوة وبيدافع عن الاوروبى وخاصة الشاهين باستماته واتا حاسس -مجرد احساس- ان موقفه ده نابع من انه بيمتلك شاهين وليس لاسباب اخرى وبختلف معاه فى الرؤية دى كما اوضحت سابقا تحياتى ياستاذ احمد

المشاركة الأصلية كتبت بواسطة ramylancer

ممكن اعرف يا دكتور اذا كان حضرتك ذكرت فى تقييمك للسياره ان السوفت وير بتاع الفيتيس عنيد ودماغه ناشفه يبقى ازاى اسمه علبه تروس(( ذكيه )) هو مين اللى مشترى مين ومين اللى ممتلك مين؟

-----------------------------------
هههههههههههه يارامى باشا دى جملة بين قوسين يعنى حاجة كده funny تكسر حدة الكلام والارقام الجادة وبعدين انا ماقلتش علبة تروس ذكية فى واحد تانى قال كده ممكن تساله
النقطة الاخيرة انا اللى شارى العربية واذا فى ناس بتتحكم فى عربياتها بطريقة او اثنين انا بتحكم باربع طرق حسب المود بتاعى مش بتاع العربية