--------------------------------------
والله ياباشمهندس احمد انت من الشباب اللى يفرح-بكسر الراء- اسلوبك جميل وخالى من الاخطاء اللغوية والنحوية والاملائية مع انك علمى مش ادبى -زى حالاتى-ورجعتنى لورا حوالى 30 سنة ايام ماكنت زيك -طالب جامعى فى كلية الطب - وكانت معظم هواياتى ادبية زى كتابة الشعر وتاليف المسرحيات ولو تعرف ممثل اسمه مفيد عاشور(اللى قام بدور الدكتور زميل الدكتور حسن فى مسلسل سارة) وكان زيك فى كلية الهندسة كنت اكتبله المسرحيات وهو يختار الممثلين ويخرجها ويعرضها على مسرح الجامعة -وكانت بتنجح لدرجة ان وكيل وزارة الثقافة -اللى كان حاضر العرض - عرض عليا انى اتعاقد معاهم واكتبلهم مسرحيات وطبعا رفضت لانى كنت فى سنة ثالثة- وهى اصعب سنة- وعشان كنت بحب دراسة الطب جدا
الان تبخرت هذه الهوايات بفضل شغلتنا المجهدة واللهاث الدائم لتحقيق مستوى معيشى للاسرة والحمد لله وبفضله ثم بحب الناس اعتقد انى حققت ذاتى وطموحاتى بدون سفر للخارج ولا غيره ولكن بحبى لمهنتى وان شاء الله تتخرج وتبقى مهتدس اد الدنيا وتحقق كل ماتصبو اليه ياااااااااااه يااحمد فكرتنى باحلى فترات حياتى ---كانت ايام---
المفضلات