الموضوع: مش عاجبك فتيس الكورولا mmt

أستاذ ماندو

أولا ربنا يبارك لك فى عربيتك

لمعلومات حضرتك الميجان لا ترهق ملاكها كما تقول و لو عايز تتأكد خد لفه فى صفحة رينو و إنت تسمع ملاكها بيقول عليها إيه قبل ما تقول من غير تجربة

مع إحترامى لعربية والد صاحبك هو تغيير كوبلن و بطارية تبقى مشكلة فى عربية

طب ما فيه حد زميلنا هنا فى المنتدى و قبل صيانة الـ ألف الكرولا الجديدة غير كوبلن برضه تبقى الكرولا وحشة

بالنسبة للصاج دا فيبر و معمول كده علشان الامان و علشان ما يحصلوش حاجة فى الخبطات الخفيفة لإنه بيرد و يرجع تانى عكس صاج الكورلا إللى مش فيبر و صعيف للغاية و بيخش لجوا و لا يرد بمجرد السندة عليه و دا شوفته بعينى فى كرولا القديمة و الياريس إللى معايا
يعنى صاج الميجان أفضل فى لناحية دى

بالنسبة للكرولا حتى الأن لم تكمل عامها الأول و مش عارفين حتبقى معمرة و لا لأ لكن متهيألى يكفى عدم قبول بعض ملاكها للفتيس و سحب و أداء العربية نفسها و غير غلو صيانتها و قطع غيارها رغم إنها جنوب أفريقى و ليست يابانى لكن الميجان داخلها على عامها الخامس فى مصر و ملاكها مبسوطين منها و تقدر تتأكد من الكلام دا لو بصيت على اللينك إللى حطه فى مشاركتى و من كلام والد صاحبك نفسه إللى إنت قلته و هو ليه حضرتك عايز نقارن الميجان بالكرولا الجديدة و لا علشان قلت إن افتيس الكورلا الجديدة مش عاجبنى زى ما عاجب المزيد من الأعضاء

أنصحك بقرأءة اللينك دا حتى تتعرف على الميجان أكتر من ملاكها و تعرف مشاكلها الحقيقة بدون إشاعات و سمع
http://www.nilemotors.net/Nile/showthread.php?t=24062

انا مش بتكلم على اشاعات ولا حاجه مش علشان سياره كورولا واحده تم تغير كوبلن يبقى كل الكورولات كدا لا دى حاله فرديه وبتحصل فى اى سياره فى العالم
انا بتكلم على ان الحاله عامه زى الميجان وعلى فكره حضرتك انا مستحييييل اتكلم عن اى حاجه بدون تجربه لان انا بحاول اقول للناس محدش يقول حاجه من غير تجربه مش معقول هروح انا اعمل زيهم
انا فى سنه 2005 فى بداية ظهور الميجان والدتى كانت تمتلك تويوتا كورولا وكانت على وشك شراء الميجان لاعجابها بها ولما سالنا عليها عرفنا ان مشاكلها كتير وتوقفنا على قرار الشراء
على فكره حضرتك مسر لسه ان فيه ناس اشترت السياره واشتكت من الفتيس
الكلام دا غير صحيح هما اشتكوا لانه تكنولوجى جديد لم يكن لهم تجارب معه ومش عارفين طريقه عمله والدليل اختفاء اصوات الشاكين منه
وع فكره دلوقتى الكورولا بقت بتحقق انتشاار اكتر من الاول كمان بكتير ويكفى انى اول يوم جبت فيه السياره شفت 3 سيارات لسه بالورق غير ان الباركينج اللى جانبى فيه 4 كورولات وانا الخامس
مش معقول كل الناس دى اتخمت فى الفتيس وللعلم فكره الفتيس قريبه قوى للاسترا ولكن ما فيش نتش فى الفتيس ولا حاجه دا مجرد احساس بتنقل بين السرعات
استاذ شاركى واضح ان حضرتك معجب بالميجان التى تمتلكها وانا معجب بالكورولا التى امتلكها فلكل واحد مننا حرية الراىء والاختيار
وتقبل تحياتى

المشاركة الأصلية كتبت بواسطة mandooo

انا فى سنه 2005 فى بداية ظهور الميجان والدتى كانت تمتلك تويوتا كورولا وكانت على وشك شراء الميجان لاعجابها بها ولما سالنا عليها عرفنا ان مشاكلها كتير وتوقفنا على قرار الشراء

حضرتك سألت مين بالظبط و قال المعلومة الخاطئة دى !!!

أنام معايا العربية من عام 2005 و لم أشاهد أى مشاكل منها و مش انا لوحدى عندك فى المنتدى تقريبا 20 ميجان و محدش إشتكى من أى مشاكل فى العربية و ممكن تتأكد من اللينك إللى بعت لك فى المشاركة السابفة .
على فكرة أنا ليه جارى كان جايب ميجان 2005 و باعها بعد 6 شهور خوفا من الإشاعتا إللى طلعت عليها و جاب كورولا 2006 أعلى فئة 1600 سى سى و بفتحة سقف كمان و قعد بيها تقريبا سنة و نصف و فى الأخر باعها و راح جاب ميجان زيرو و لما سألته بعتها ليه قالى معجبتيش زى الميجان و تأكد لما سأل العديد من ملاك الميجان غن محدش حصله مشاكل فى العربية فعلشان كده رجع جابها زيرو و داخلة على سنة معاه دلوقتى و معجب بيها جدا أكتر من الكرولا .

المشاركة الأصلية كتبت بواسطة mandooo

على فكره حضرتك مسر لسه ان فيه ناس اشترت السياره واشتكت من الفتيس
الكلام دا غير صحيح هما اشتكوا لانه تكنولوجى جديد لم يكن لهم تجارب معه ومش عارفين طريقه عمله والدليل اختفاء اصوات الشاكين منه

أنا لست مصر لكن أنا لم أرى حتى الأن أى من ملاكها إللى إشتكوا من الفتيس فى المنتدى رجع و قال إنه إستريح معاه و بقى عاجبه

المشاركة الأصلية كتبت بواسطة mandooo

وع فكره دلوقتى الكورولا بقت بتحقق انتشاار اكتر من الاول كمان بكتير ويكفى انى اول يوم جبت فيه السياره شفت 3 سيارات لسه بالورق غير ان الباركينج اللى جانبى فيه 4 كورولات وانا الخامس
مش معقول كل الناس دى اتخمت فى الفتيس وللعلم فكره الفتيس قريبه قوى للاسترا ولكن ما فيش نتش فى الفتيس ولا حاجه دا مجرد احساس بتنقل بين السرعات
استاذ شاركى واضح ان حضرتك معجب بالميجان التى تمتلكها وانا معجب بالكورولا التى امتلكها فلكل واحد مننا حرية الراىء والاختيار
وتقبل تحياتى

ما أنا عارف إنها قريبة جدا من الأسترا و أنا سوقت الأسترا و لم تعجبنى فكرة الفتيس إللى كل شوية أحس بالنقلة بوضوح أمال أنا جايبها اتوماتيك ليه علشان أحس بكل نقلة زى المانيوال طب ما كنت جبت مانيوال و خلاص (دا رأى الشخصى )

فى الأخر ربنا يبارك لك فى الكرولا و أنا لم أقل إنها وحشة لكن قلت إن أداء الفتيس الأتوماتيك بتاعها مش عاجبنى فقط زى ما الأسترا برضه مش عاجبنى و معترض على غلوا أسعار الصيانة و قطع الغيار التى أصبحت أغلى من الميجان إللى بيضرب بيها المثل فى الغلو

أظن بعد ما تويوتا مصر أعلنت إنها بداية من أول 2009 مش حتنزل فتيس MM-T لإن العديد من ملاك الكرولا إشتكوا منه يبقى الموضوع منتهى و ربنا يكون فى عون إللى أشتروا الكرولا بالفتيس دا

استاذ شاركى هو حضرتك عرفت الكلام دا منين بالظبط
فعلا 2009 هتنزل بستبترونيك ولا اوتوماتيك عادى؟؟؟؟؟؟؟؟

mandooo باشا ..كان فيه خبر في الجرايد بيقول أن شركة كبرى حتنزل عربيتها بفتيس مختلف عن ٢٠٠٨ لأن العملاء اشتكوا .....طبعا أغلب الناس متوقعين تويوتا كورولا ......و لو إن على حد علمي الخبر مش مؤكد لسه

يا خبر لو الكلام دا صحيح انا هبيع عربيتى بسرعه مش معقول يبقى معايا كورولا فتيسها مختلف عن الكورولات اللى بعد كدا
ربنا يستر ......انا عربيتى دلوقتى 2300 كم

ده لنك الموضوع يا mandooo باشا .......على حد علمي الخبر مش مؤكد

http://www.nilemotors.net/Nile/showthread.php?t=37513