الموضوع: ارجو ابداء الرأي من مالكي الميجان..

لو بتفكر في مانوال أنا ممكن تتفرج على عربيتي عشان أنا بفكر أغير ، و أكيد طبعاً هيبقى في واجب كبير عشان حضرتك من الأسرة :)

طيب ممكن معلومات عن عربيتك ..

ممكن أبعتلك على الخاص التفاصيل

ياريت عشان تبقى معايا عشان اعرف اقارن عشان ان شاء الله بدأت اقلب على النت كدا شويه

المشاركة الأصلية كتبت بواسطة أبو عبدالله

يا احمد يا حبيبي
انا كلامي واضح
ومسألة صحاب العربيه والكلام ده مش مكانه في موضوعهنا دلوقتي
لأن والله احنا بنسمع ونشوف الناس بتغير قطع غيارها امتى والمشاكل اللي بتتقال
يعني موضوع البطارية بتاع العربيه ده حصل كام مره في الرينو وعربيات جديده
وانا قولت عليه قبل كده وطلع كام واحد برضه واقعدوا يقولوا عمر البطارية وطلع لها حجج
طيب الراجل اللي جايب العربيه زيرو من تاني يوم البطارية بح خلاص يبقى اسمه ايه


يا احمد يا أخي انا هخليك انت سأل بنفسك وشوف انت في الميجان الطرمبه دي بتتغير بعد اد ايه وشوف في التيريوس اللي انت بتستشهد بها بتتغير بعد ادا ايه
وكذلك التيل وكذلك الفلاتر وكذلك سير المجموعه

المسألة مش سعر وخلاص
طيب ما احنا ممكن نجيب سعر قطع غيار صيني ونقول شوف رخيصه
المسالة مش كده المسألة مسألة هتقعد اد ايه وهتدفع فيها كام
يعني بكام ولأمتى

وشكرا للحوار واعذروني لأن الموضوع ليس له علاقة بأصحاب او ملاك السيارة
فتجاربنا مع اي سيارة لا تمنعنا من اننا نعطي راينا كما يعطيه اي أحد تاني طالما نعلم ما نقوله ولي افتراء وخلاص
فانا ليس بيني وبين شركة رينو او وكيلها اي نزاع قضائي او مصلحه شخصيه

سيدي الفاضل أنا أحييك على مناقشتك دي لأنها موجهة لنقاط بعينها و مشاكل مش مجرد كلام و خلاص ذي ما الناس بتعمل ، و يمكن دة كان السبب إن الأستاذ أحمد أو غيره من أعضاء منتدى رينو بيطلبوا إن إلي يتكلم يكون من الملاك عشان يكون كلامه موجه مش مجرد كلام و خلاص ، و بالتالي حضرتك بطريقتك هذه غير مقصود بهذا الكلام و مرحباً بمناقشتك .

نيجي للنقاط اللي حضرتك أثرتها موضوع البطارية دة عيب في البطارية التركي ، و دة عيب صناعة و مفيش حد مختلف على كدة و عيوب الصناعة دي ممكن تبان من أول ساعة لحد بعد سنين و عشان كدة عملوا الضمان في كل منتج صناعي، و حضرتك أكيد طالما بترقب عربيات من سنين عرف إيه الفرق بين عمر البطارية الكلوريد و النسر و الفارتا (بإعتبار إن دي أشهر بطاريات و أكثرها تداول في مصر و راكبة في كل العربيات من أول ال-128 لحد المرسيدس )

أما الطرمبة و ملحقاتها من سير و كاتينة و شداد و كل الفيلم دة بيتغير في صيانة ٦٠ ألف و ١٢٠ ألف و هكذا ، أنا مش عرف بيتغير كل أد إيه في الديهاتسو يا ريت حضرتك تقول لنا و تفيدنا

التيل دة بقى مسألة إستهلاك مش مرتبطة بنوع العربية (وإن كان فرامل الميجان قوية جداً فعلاً مقارنةً بعربيات تانية كتير و اتوقع إن دة هيقلل عمره في مقابل الأداء ) و لكن أنا معنديش أرقام بالكيلومترات للمقارنة ، و يا ريت لو حد من الزملاء اللي عندهم ميجان و حاجة تانية يفيدونا في المقارنة دي

شكراً أبو عبد الله و مرحباً بهذا الحوار الموضوعي

المشاركة الأصلية كتبت بواسطة Renamr

هو ممكن مايتغيرش خالص عشان بيبقى جنزير

هو العربيات الديهاتسو الكاتينة جنزير مش سير ؟
بس لو كدة يبقى صوت الموتور أخشن شوية من العربيات إلي على سير ، هل دة صحيح و هي كدة فعلاً ؟