الموضوع: ارجو ابداء الرأي من مالكي الميجان..

المشاركة الأصلية كتبت بواسطة Ahmed A.Maksoud

لا حول ولا قوة الا بالله

هو شوية العربية وحشة عشان قطع غياره غالية.......نجيب دليل أنها مش غالية يبقى هى وحشة عشان قطع غيارها مش بتعيش .........نحلف أنها بتعيش يبقى هى وحشة عشان مش عارف مين عنده واحد قريبه كان ليه واحد جاره حصل معاه أن عربيته الميجان الكمبيوتر بتاعها جاله فيروس وهو ماشى ومكنش حاططله أنتى فيروس راح ترس البربئ ولع فى الشكمان :bigear:

يا أخى العزيز أبو عبد الله سؤالى بوجهه لحضرتك للمرة التالتة على التوازى :)

حضرتك تعرف شخصياً كام واحد عنده ميجان حصلت معاهم مشاكل ( غير مشكلة البطارية ) ؟
على فكرة أنا بهرج فيا ريت متزعلش من تهريجى

ولو بتزعل من الطريقة دى قوللى وأنا همنعها تماماً

يا أحمد احنا هنا اخوات ومفيش زعل
هو ممكن اللي يزعلني اني ابقى بتكلم عن نقطه او موضوع معين فعلشان مفيش حجه نروح راحين لموضوع تاني خالص مالوش علاقة بكلامنا

انا بحب الموضوع يوصل لنهاية ان شاء الله

بص يا احمد بدون تحليل كام واحد معاه ميجان والكلام ده

انا أقدر أؤكدلك ان مهندس في الوكيل نفسه اعترف ان العربيه لها اعطال كثيرة وده بسبب التكنولوجيا الكتير اللي فيها
بمعنى اوضح قال ان العربيه حملوها اوبشن كتير وده سبب مشاكل واعطال لنا كتير

فمش محتاجه انك تعمل احصاء لملاك الميجان اللي بيشتكوا منها

- تفسر بايه ان الصيانة الكبرى (اغلى صيانة فى عمر العربية) فى الميجان كل 60000 فى حين انها كل 40000 فى كل (و انا اعنى تماما كل) اليابانى و الكورى و لا يضاهيها فى ذلك الا الفولكس

انت رديت على نفسك بالكلام ده
شوف ايه اللي بيتغير في صيانة الكورولا مثلا في 40 الف كم
وشوف في الميجان ايه اللي بيتغير في صيانة 60 الف مثلا زي طلمبة الميه

انا هترك لك البحث والسؤال علشان ترد على الكلام ده


اما بخصوص النقد والدعاية السلبية فأنا أدعو لما اراه راي شخصي وواقع امامي
فقط لا غير
فالمسألة ليست دعاية لأحد
والميجان لو اتحسنت من عطالها صدقني هكون اول داعي لها لأن العربيه جميله شكلا واداءا ولكن يعيبها ما ذكرته فقط

وعالعموم ممكن نتفق على نسبة من الأرباح

المشاركة الأصلية كتبت بواسطة sharky

من الأخر يا أبو عبدالله يا حبيبى
أهل مكة أدرى بشعبها

كل ملاك الميجان معجبين بيها و بيقولولك قطع غيارها معمرة مافيهاش مشاكل و إنت لازلت مصصم إنها فيها مشاكل علشان بطارية إتغيرت فى التوكيل ببلاش و لا جنط إتعوج

نفسى تقولى إيه مشاكل الكهرباء و لا مشاكل الأوبشن الكتير المتحمل على كمبيوتر العربية و أنهى كمبيوتر بالظبط إللى متحما عليه أوبشنز زيادة

بصراحة لا تعليق

مراسلكم من مارينا Sharky

والله أسأل المهندس اللي قال الكلام ده في التوكيل نفسه وهو يجاوبك
ولكن للأسف مش عاوز اذكره علشان ميحصلشي له مشكله ولا حاجه هناك
لأن طبعا ان الكلام ده يتقال من الوكيل تبقى مشكله

وياريت المسالة مسألة بطاريه وبس وجنط اتعوج مع ناهم مش حاجه سهله في عربيه بدفع فيها فوق 120 الف يعني

في عربيات اقل بـت 50 الف ومبيحصلشي فيها الحاجات دي