ارجو ابداء الرأي من مالكي الميجان..

**Abo_Lina** · 20-08-2008 11:58 PM

المشاركة الأصلية كتبت بواسطة sharky

ياريت يا أيو عبدالله تقولنا أسم المهندس

المهندس ده الي هو الطويل كده..القصير يا راجل
الاسمراني المبيض يا راجل
الي لما حد يندهله يبص يا راجل

شفيق يااااا رااااجل

**t4r3k** · 28-08-2008 09:33 AM

السلام عليكم

امبارح كنت بتفرج على شوية عربيات يمكن الاقي حاجه تعجبني واخدها .. المهم روحت عشان اشوف عربية واحد فى مصر الجديده .. هوا شب كدا محترم وكان بيتكلم معايا بصراحة بالغة مع انه كان عايز يبيع !!
المهم قالى بص انا عايز ابيع العربية والله وكدا بس منصحكش بيها !!!
قولتله ليه ياعم دي ماشاء الله عربية زي الفل قالى لا بس بتقعد تعمل مشاكل يعني مثلا .. قالى فى 4 حاجات كدت فى الموتور فوق كدا ضربوا واحد ورا التاني وقعد يغير فيهم كل شويه .. وقلى برضه العفشة بعد مدة بتتعب .. انا قعد ارد علية برضه برودودكم .. بس الغريب انه قلى بص من الاخر دي العربية بعد حوالي ال 60 الف كيلو بتبدأ تفتح بقها .. وكدا .. المهم عربيته حالتها كان غير مرضية فمعجبتنيش اصلا ..
بس قولت انا لازم اسأل الوحوش بتوعنا عشان يفيدونا فى الموضوع دا ...
انا سمعت كلام عادي من ناس بس كنت بنفض عشان الناس زي مانتوا قولتوا اكيد مش فاهمين اى حاجه واهيه مجرد اشاعات بتتقال ..
بس الغريب فى الموضوع ان دا واحد مالك للعربية .. وعايز يبيع فعلا !!!!

فا ياريت الافاده سريعا والرد على هذا الكلام.

**عمرو عمارة** · 28-08-2008 09:54 AM

المشاركة الأصلية كتبت بواسطة t4r3k

السلام عليكم

امبارح كنت بتفرج على شوية عربيات يمكن الاقي حاجه تعجبني واخدها .. المهم روحت عشان اشوف عربية واحد فى مصر الجديده .. هوا شب كدا محترم وكان بيتكلم معايا بصراحة بالغة مع انه كان عايز يبيع !!
المهم قالى بص انا عايز ابيع العربية والله وكدا بس منصحكش بيها !!!
قولتله ليه ياعم دي ماشاء الله عربية زي الفل قالى لا بس بتقعد تعمل مشاكل يعني مثلا .. قالى فى 4 حاجات كدت فى الموتور فوق كدا ضربوا واحد ورا التاني وقعد يغير فيهم كل شويه .. وقلى برضه العفشة بعد مدة بتتعب .. انا قعد ارد علية برضه برودودكم .. بس الغريب انه قلى بص من الاخر دي العربية بعد حوالي ال 60 الف كيلو بتبدأ تفتح بقها .. وكدا .. المهم عربيته حالتها كان غير مرضية فمعجبتنيش اصلا ..
بس قولت انا لازم اسأل الوحوش بتوعنا عشان يفيدونا فى الموضوع دا ...
انا سمعت كلام عادي من ناس بس كنت بنفض عشان الناس زي مانتوا قولتوا اكيد مش فاهمين اى حاجه واهيه مجرد اشاعات بتتقال ..
بس الغريب فى الموضوع ان دا واحد مالك للعربية .. وعايز يبيع فعلا !!!!

فا ياريت الافاده سريعا والرد على هذا الكلام.

دة مستحيل العربية دي كانت معاه من الزيرو!!....الحاجات الي فوق الموتور الي ضربوا واحد ورا التاني هما الكويلات وأعتقد الموضوع دة كان معروف لدى بعض الأعضاء وكان لازم يغير الأربع كويلات مرة واحدة

يا باشا واضح إنه مهمل جداً في عربيته ومن النوع الي عايز يركب ميجان عشان شكلها والأوبشنز الي فيها من غير ما يصرف عليها

أنا عربيتي الكليو (مش الميجان) دخلا على 100الف كم ومفيش حاجة خالص من الكلام دة
سؤال....هو الراجل هو الي قالك "فى 4 حاجات كدت فى الموتور فوق كدا ضربوا واحد ورا التاني " باللفظ كدة؟؟....ولا هو شرحلك وإنت ناسي فقلت تشرح بالوصف؟؟

**t4r3k** · 28-08-2008 10:13 AM

لأ قالى اسمها .. اظن الموبينة , بس مش متاكد .. اربع حاجات تحت الموبينة ..
بالنسبة لموضوع الكويلات دا انا عارفه منكم الحمد لله ..
بس انا قولت استفسر بس يا عمرو باشا والف شكر ليك على ردك السريع
وفى انتظار المزيد ان شاء الله

**Ahmed Selim** · 28-08-2008 10:15 AM

يا باشا مش كل الناس زى بعضها ده غير أن الحاجات دى نصيب

يعنى أنا مثلاً عربيتى 2005 نازلة بالكويلات القديمة و باظت فعلاً على 30 ألف تقريباً ( واحد بس اللى باظ ) وغيرولى ال 4 فى التوكيل والعربية الحمد لله والشكر لله داخلة على 80 ألف و زى الفل

أمبارح بأه كنت راكب ميجان مانيوال بتاعت واحد أعرفه و كنت مع السواق بتاعه المهم السواق قالى متعرفش أيه اللى بيخلى العربية ترعش كده قلتله غالباً الكويلات
المهم طلعلى كل الأوراق بتاعت التوكيل عشان أشوف كان فى شكوى منهم قبل كده ولا لأ
( العربية عاملة 110 ألف ) المهم شوفت الأوراق لقيت أن كل الصيانات معمولة بس مش فى مواعيدها يعنى مثلاً صيانة ال 60 معمولة على 68 وشوية وبعد كده 80 و بعد كده حاجة وتسعين ومعملش صيانة ال 100 ولا 110 ألف
وخلال كل الصيانات وأوراق الأصلاحات اللى معاه مشفتش شكوى من الكويلات أو ما يفيد أنهم أتغيرو بالأضافة أن كل أوراق التوكيل مفيهاش غير حاجات عادية زى الزيوت والفلاتر والبوجيهات ولمبة أستوب وستارة جانبية وتيل
يعنى مفيش كويلات ومفيش حاجة فى العفشة و مفيش طنابير
بس حالة العربية العامة مش قوى بصراحة لأن العربية دى كانت مع أبن قريبى ده ( عنده 20 سنة ) وبعد كده سافر يكمل تعليمه بره و من ساعتها و العربية شغالة فى المكتب بتاع قريبى ( عربية من عربيات المكتب بيخلصوا بيها مشاوير شغل يعنى عربية شقيانة )

خللى بالك يا طارق : أنت ممكن تجيب عربية زى الفل ومفيهاش الهوا وتصحى تانى يوم تلاقى فيها مشكلة ( أى عربية مش ميجان بس يعنى )

هذا والله أعلم

**Ahmed Selim** · 28-08-2008 10:29 AM

الكويل = البوبينة = الموبينة :)

**t4r3k** · 28-08-2008 10:50 AM

شاركي باشا ...
فعلا موضوع انها بتقعد دي الكلمة دي هوا قلها فعلا كدا بس مكنتش فى دماغة ... قالى الحمد لله من ساعة ما غيرتهم محصلهمش حاجه كان كل اللى مدايقة بس انهم ضربووا واحد ورا التاني
.. على العموم ربنا يسهل ان شاء الله اديني بدور شويه يارب الاقي .. لو حد قدامة ميجان حاجه حلوه كدا يقولي ياريت ..
شكرا ليكم بجد جدا ..

**megane_man** · 28-08-2008 02:20 PM

بص ياباشا الميجان عربية مش بتاعة بهدلة يعني مش بتاعت واحد يركب وخلاص عاوزة رعاية والرعاية في الصيانة الدورية حتحافظ عل الصيانة حتريحك وتديك كل الي انت عاوزه شايف انك مش هتقدر علي كده متجبش ميجان ولازم تكون مقتنع بقرارك علشان متتعبش وانا راي لو تقدر تجيب زيرو يبقي أحسن