جزاك الله خيراً الواحد بس بيحس إنه عمال يحافظ على العربية من وجع الدماغ ده

ويجي واحد يعملها كدة وهي راكنة بيضايق

عشان كدة فكرت أروح أعالج الخدوش عند زيرو بتاع الخدوش

وبعدين قلت أرشه في التوكيل أحسن

أصلها حاجة تضايق .. صح؟



اقتباس المشاركة الأصلية كتبت بواسطة the_air_devil مشاهدة المشاركة
مبدأياً اللي بيعيب العربية انها تكون مرشوشة في الأماكن الحيوية يعني الصاج والجسم الخارجي ...الاكصدام أصلاً معمول لامتصاص الصدمات والحك والعربيات اللي بتريح على بعضها ...

نصيحتي ليك ماترشهوش خليه زي ماهو , حاجة كدة مصري بيقولوا عليها خليها تاخد العين علشان اللي يبص مايلاقيش العربية كاملة من مجاميعه ويطلق عليها نيران الحسد النووية !!

ونصيحتي ليك لما تحب تبيعها بعد عمر ان شاء الله تبقى تغير الاكصدام ...كدة كدة اكصدام ورا بـ 550 جنيه , وتكلفة الرش باللون الأصلي في التوكيل 300 جنيه , يبقى ترشها ليه لما ممكن تجيب اكصدام جديد ؟ :)

وأخيراً ... احب اقول لحضرتك ان الخدوش في الجنب الشمال بتكون بسبب الركنة في شارع ضيق أو مخرج شارع ...والكل بيتفادى العربية اللي جاية في وشه عن طريق انه يخيش في عربيتك انت (اهي راكنة وصاحبها مش موجود وماحدش هاياخد باله !! ) ....فيه حد غشيم ومفتري مبهدللي الاكصدام من نفس المكان ورا وقررت اسيبها زي ماهي

الاكصدام أصلاً فايبر يعني حتى الحكة دي لما تطلع في الغسيل هاتسيب خدش في الدهان لكن مش هاتتسبب في بارومة